PDF/HTML Page 38 of 1906
single page version

mumukShu- mAtAjI! dev-guru-shAstrakI bhaktikA to khyAl AtA thA ki bhagavAnakI isaprakAr bhakti (karanI), gurukI isaprakAr bhakti karanI. gnAyakakI bhakti, Ap yah ek nayA hI prakAr do dinase samajhAte ho.

samAdhAna- usakI mahimA Aye binA Age nahIn baDhA jA sakatA. mAtra shuShkatAse Age baDhe to vahAn aTak jAtA hai. gnAyakakI mahimA Aye to hI Age baDh sakatA hai. gnAyakakI bhakti Aye to hI Age jA sakatA hai.

mumukShu- Apane ek bAt bahut sundar kI thI, gnAyakakA lakShaN ... mAtra shuShkatA ho jAyegI to prApta nahIn hogA. mahimApUrvak..

samAdhAna- mahimApUrvak honA chAhiye. bahut log kahate hain na ki bhaktise.. andar gnAyakakI bhakti AnI chAhiye, to Age jA sakatA hai. vah bhakti pahachAnakar, gnAnapUrvakakI bhakti, gnAyakako pahachAnakar bhakti Aye. gnAyakakA lakShaN pahachAnakar, yahI gnAyak hUn, isaprakAr usakI bhakti AnI chAhiye.

mumukShu- vachanAmRutamen yah bol thA, kal bAt kI usamen, utanA khyAl nahIn AtA thA, jitanA in do dinommen AyA. us vachanAmRutamen-153 nambarake vachanAmRutamen tIn pankti hai, gnAyakake (dvAr par) Tahel lagAnI. usamen dUsarI tarahase likhA hai. lekin kal Apane vistAr kiyA tab khyAl AyA ki isamen itanA bharA hai.

mumukShu- vachanAmRutamen likhA hai, vah dUsarI tarahase hai. gnAyakakI Tahel lagAnI. rAjAke darabAramen...

samAdhAna- hAn, Tahel lagAnI, gnAyakakI Tahel lagAnI. AtmAkA dravya kyA, AtmAkA guN kyA, AtmAkI paryAy kyA, sabakA vichAr karake svayam usakI mahimA lAye.

mumukShu- mahimApUrvak bhakti AnI chAhiye.

samAdhAna- mahimApUrvak AnI chAhiye.

mumukShu- gnAyakakI bhakti AnI chAhiye.

samAdhAna- gnAyakakI AnI chAhiye.

PDF/HTML Page 39 of 1906
single page version

mumukShu- gurudev nishchayase andhakAramen prakAsharUp hI hain.

samAdhAna- andhakAramen prakAsh vyApta ho gayA, gurudev padhAre. gurudev is jinashAsanamen birAjate the, vah ek prakAsh thA, ek prabhAt udit huA. sUrya samAn! lekin unhonne jo vANIkI varShA kI hai, bahut mumukShuonke hRudayamen jo upadesh diyA, sabake hRudayamen chhA gayA hai. use svayam grahaN kare to bhI usamense kalyAN ho aisA hai.

mumukShu- jaise padmanandI AchArya kahate hain na ki, aisI upadeshakI jamAvaT kI hai, usake Age tIn lokakA rAj..

samAdhAna- tIn lokakA rAj (tuchchha hai). usake Age mujhe tIn lok, mere gurune jo upadeshakI jamAvaT kI hai, usake sAmane mujhe ye tIn lokakA rAj priy nahIn hai. is lokakA-pRithvIkA rAj to kyA, pRithvIkA rAj to nahIn, apitu tIn lokakA rAj ho to bhI vah mujhe priy nahIn hai. mujhe kuchh nahIn chAhiye. mujhe is panchamakAlamen ek guru mile aur gurukA jo upadesh prApta huA, usake sAmane sab tuchchha hai. mujhe kuchh nahIn chAhiye. jis upadeshakI jamAvaT gurudevane kI hai, aisI upadeshakI jamAvaT karanevAle is kAlamen milanA bahut durlabh hai.

mumukShu- sunate hI dharmakI pratIti hone lage.

samAdhAna- hAn, dharmakI pratIti hotI hai. unakI vANI aisI thI.

mumukShu- Apake pAs Ate hain tab Apake mukhase nirantar gnAyak.. gnAyak.. gnAyak..

samAdhAna- sab pUchhate hain isaliye. karanA ek hI hai. chAron pahalUse jAnanA rahatA hai, karanA ek hI hai.

mumukShu- gnAyak aur guru mahimA.

samAdhAna- dravya-guN-paryAy, nishchayanay, vyavahAranay, dravyAnuyog, karaNAnuyog, charaNAnuyog, kathAnuyog-sabakA jAnanA hotA hai, jabatak nahIn hotA tabatak jAnanA hotA hai, lekin karanA ek hI hai-gnAyak-gnAyakako pahachAnanA, gnAyakako bhinna karanA. gnAyak dravya svayam ekatvabuddhimen rahA hai, us AkulatAmen (rahA hai), usase bhinna (paDe), svayam bhinna hI hai, parantu bhrAntise ekatva ho rahA hai, use bhinna karake aur svayam apane svabhAvarUp pariNamit ho jAye. jo apanA svabhAv hai us rUp ho jAnA, vahI use karanA hai. jo apanA svabhAv hai, us rUp nahIn rahatA hai aur vibhAvarUp pariNamatA hai. nij svabhAvarUp ho jAnA vahI ek karanA hai. gnAyakakA gnAyakarUp ho jAnA. vah kaise ho? usakI mahimA Aye to hotA hai, use pahachAne to hotA hai. use pahachAne, usakI or ruchi lage, us rUp jIvan kare, usakI mahimA Aye to hotA hai. usamen thake nahIn hotA hai. bAharamen laukikakA ek hI kArya karanA ho to usamen aise hI

PDF/HTML Page 40 of 1906
single page version

ghUTatA rahatA hai, rasapUrvak karatA rahatA hai. to is gnAyakamen thakanA nahIn chAhiye, usakA ras kam nahIn honA chAhiye, usamen rukhApan nahIn AnA chAhiye, to vah Age baDhe.

ek nirNay use andarase (karanA chAhiye). bhale sachchA nirNay to bAdamen hotA hai, samyagdarshan (hotA hai tab), parantu pahale use aisA dRuDh nirNay honA chAhiye ki karane jaisA to yahI hai, sArabhUt to yahI hai, bAkI sab nisAr hai. aisA use andarase AnA chAhiye.

mumukShu- Ap ek jagah kahate ho ki shAshvat vahIn chalane jaisA hai.

samAdhAna- shAshvat vahIn jAye, phir bAhar hI nahIn AnA paDe. jo shAshvat AtmA hai, paryAy bhI us or lIn hokar Age baDhanepar usamen samAkar bAhar hIn nahIn Aye. "samajyA te samAI gayA'. samA jAte hain, bas, phir bAhar nahIn Ate. kevalagnAnI samA gaye, sAdhanA baDhate-baDhate. samyagdarshan aur munidashAmen samAkar bAhar (Ate the), pUrNa samA gaye. "samajyA te samAI gayA'.

mumukShu- yah bhI sanskAr ekabAr javAb denge, aisA lagatA hai. abhI jo sanskAr paDate hain, vah sanskAr ekabAr avashya javAb denge.

samAdhAna- gurudevane jo deshanA dI, vah jo sanskAr paDe, andarase svayamkI bhAvanA ho, svayam us or jAtA ho, svayamkI pariNati use chAhatI ho, use pragaT hue binA nahIn rahatA. svayam hai, dUsarA koI nahIn hai. svayamko paradravyakI ichchhA ho to paradravya svayamke hAthakI bAt nahIn hai. ye to svadravya svayam hI hai. svayam hI use chAhatA ho, svadravyako, vah pragaT hue binA rahe hI nahIn. bArambAr usake sanskAr grahaN kare.

ek shubhabhAv Aye to usakA aisA puNyabandhan hotA hai ki jo par bAhar hai, jinendra dev, guru aur shAstra bhI prApta ho jAte hain. to phir ye gnAyakadev kyon nahIn prApta honge?

mumukShu- Apane kahA hai na, bhAvanA ho to phale binA rahatI hI nahIn.

samAdhAna- bhAvanA phale binA rahatI hI nahIn.

mumukShu- ek shubhabhAvamen parapadArtha nahIn mil sakatA, vah bhI prApta ho jAtA hai.

samAdhAna- vah bhI prApta hotA hai, vah apane hAthakI bAt nahIn hai. to bhI jo svayamkI andarase bhAvanA hai, vah bhAvanA.. shubhabhAv aisI jAtike hote hain ki jinendra dev, guru aur shAstra Adi sab prApta hote hain. laukik ichchhA ho vah alag bAt hai. usamen pApakA kAraN banatA hai.

mumukShu- vahAn svayamkA adhikAr bhI nahIn hai.

PDF/HTML Page 41 of 1906
single page version

samAdhAna- vah to nahIn prApta ho, aisA hotA hai.

mumukShu- bahinashrI kahate hain ki isamen bhI adhikAr nahIn hai, phir bhI shubhabhAv..

samAdhAna- isamen bhI adhikAr to nahIn hai, to bhI..

mumukShu- prApta hotA hai. to gnAyak kyon nahIn?

mumukShu- tU pAram hai aur paramAtmA nahIn kahate hain, tU paramAtmA hai aur paramAtmA kahate hain.

samAdhAna- pAmar nahIn hai AtmA. gurudev to kahate hain, tU paramAtmA hai. gurudev to sabako bhagavAn hI kahate the. tU pAmar hai, aisA to paryAyamen kahanemen AtA hai, dravya pAmar nahIn hai. gurudev kahate hain, dravya to terA pUrNa bharA hai. paramAtmA hI ho. paramAtmAmense paramAtmA hotA hai. paryAy apekShAse pAmar hai.

bhAvanAvAlA aisA kahatA hai ki main pAmar hUn. prabhu! mujh pAmarako Apane prabhu banAyA, aisA kahe. parantu apanemen prabhutA bharI hai, usamense prabhutA AtI hai.

mumukShu- gnAnamen aisA vivek sAthamen rakhanA chAhiye.

samAdhAna- gnAnamen vivek Aye binA rahatA hI nahIn. svayamkI pariNatimen jo lAbh ho usaprakArase, aisI namratA Aye binA rahatI hI nahIn. paryAyamen adhUrApan hai, use dekhatA hai ki paryAyamen adhurApan hai. dravyadRuShTise dravya paripUrNa hai, parantu paryAyamen adhurApan hai, isaliye pAmar hUn, aisA kahe. bhedagnAnakI dhArA pragaT ho, samyagdarshan ho to bhI kahe ki main pAmar hUn. abhI sAdhakadashA munidashA nahIn hai. gRuhasthAshramamen hai. prabhu! main pAmar hUn. paryAyamen abhI asthiratA hai, use Age karake kahatA hai. svAnubhUtike panth par svAnubhUti pragaT huI, to bhI paryAy apekShAse aisA kahate hain.

dravyakI apekShAse kahate hain ki main prabhu hUn. sab apekShA samajhanI hai. apekShA anusAr usakI pariNati.. jaisA vastukA svarUp hai aisA samajhanA hai. usI apekShAse. jaisA vastukA svarUp hai, usI anusAr apekShA hotI hai. aisI hI usakI apekShA hotI hai. us apekShAse usakA gnAn vaisA hI kArya kare, jaisA vastukA svarUp hai, aisA gnAn, aisI sAdhanA. dravya par dRuShTi aur gnAn sab vivek karatA hai. jaisA vastukA svarUp hai, usI anusAr usakA muktikA mArga, sAdhakakA mArga usaprakArase chalatA hai.

vivek yAnI mAtra vivek karanA hai aisA nahIn hai. usamen usakI vaisI dravya aur paryAyakI pariNati hai. paryAyamen adhurApan hai aur dravya pUrNa hai, aisA vastukA svarUp hai. isaliye ab gnAn-samyakagnAn karatA hai.

mumukShu- vahI vivek hai.

samAdhAna- vah vivek hai.

PDF/HTML Page 42 of 1906
single page version

... alpa gnAnamen bhI nakkI kar sake aisA hai. jo gurudevane samajhAyA hai, tattvakI bAt, bahut apUrva mArga samajhAyA hai. alpa gnAnamen bhI main bhagavAn hUn, aisA nakkI kar sakatA hai. vichAr karake jise jignAsA laganI ho vah vichAr kar sakatA hai. jo mUl tattva anAdianant shAshvat hai, usamen koI vibhAv nahIn ho sakatA, vah to shuddha hai. usamen par nimittase jo vibhAv rAg-dveSh Adi hote hain, vah apanA svarUp nahIn hai. jisase dukh ho, jisase svayamko AkUlatA ho, vah apanA mUl svabhAv nahIn hai. vah to par nimittase svayamke puruShArthakI mandatAse hotA hai. isaliye jo AkUlatA hotI hai, vah apanA (mUl svarUp nahIn hai).

lekin jo svarUp sukharUp ho, jaise svayamkA gnAnasvarUp hai, vah gnAn jAnanevAlA hai, jAnanevAlA hai vah anAdianant hai. vah jAnanasvarUp hai vah use dukharUp nahIn hai. jAnanevAlemen sukh, Ananda Adi ananta guN bhare hain. aur jo anAdianant tattva hai, usamen jo gnAn hai vah pUrNa hotA hai. jo jAnanevAlA hai, usakI koI sImA nahIn hotI. jo jAnanevAlA hai vah pUrNa jAnanevAlA hai. jo tattva hai vah pUrNa svabhAvase bharapUr hI hotA hai. usamen koI apUrNatA (nahIn hai). svatasiddha AtmAmen apUrNatA hotI hI nahIn. pUrNa bhagavAn jaisA hai.

jaise agnimen uShNatA hai, to usakA uShNa svabhAv hai. yah dRuShTAnt hai. pAnIkA shItal svabhAv hai, to usakI shItalatA kitanI hai? usakI koI maryAdA nahIn hai. uShNatA- jo uShNa hai vah uShNa (behad hI hotI hai). jo jAnanevAlA hai, vah svayam jAnanevAlA hI hai. pUrNa jAnanevAlA hai. usamen itanA jAne aur itanA nahIn jAne aisI alpatA usamen nahIn hai. parantu vah vibhAvakI or gayA hai, isaliye gnAnakI shakti aTak gayI hai. bAkI mUl shaktimen pUrNa bharA huA hai.

yadi rAg-dveSh chhUTakar, ekatvabuddhi chhUTakar, usase svayam bhinna hokar gnAyakakI pariNati pragaT ho, usakI shraddhA-pratIt ho aur usamen lInatA kare to usakA gnAnasvabhAv pUrNa pragaT hotA hai. gnAnase pUrNa hai, usI tarah Anandase pUrNa hai, aise ananta guNonse pUrNa hai. use sImA nahIn hotI. jo tattva svayam svatasiddha hai, jise kisIne banAyA nahIn hai, vah pUrNa hI hotA hai, usamen alpatA nahIn hotI. svayam vichAr kare, usakI pratIt kare, sUkShmatAse vichAr kare ki vah pUrNa hI hai, bhagavAn jaisA AtmA hai. jaise bhagavAn hain, vaisA svayam hai. pratyek AtmA siddha bhagavAn samAn hI hai. usamen apUrNatA nahIn hai.

... jAnA paDe, sukh yA Ananda bAhar lene jAnA paDe, use tattvakI pUrNatA nahIn kahate. svayam tattva svatasiddha pUrNa hI hotA hai. usamen sab pUrNa bharA hai. tattvakA sUkShma

PDF/HTML Page 43 of 1906
single page version

dRuShTise vichAr kare to samajhamen Aye aisA hai. tattva hai vah kabhI nAsh nahIn hotA. vah kisIse utpanna nahIn huA hai, jo kisIse nAsh nahIn hotA. aisA pUrNa gnAnasvabhAv gnAyak, aisA Ananda svabhAv, aisA chaitanyadev paripUrNa hai. vah bhagavAn hI hai. paripUrNa shakti (sampanna) svayam bhagavAn hai.

usamen jisamen vibhAv nahIn hai, jisamen malinatA nahIn hai, jisamen apUrNatA nahIn hai. usakI gnAnashakti bAhar jAtI hai isaliye aTakI huI dikhAyI detI hai, bAkI paripUrNa (hai), nij svabhAvase paripUrNa bhagavAn jaisA hai. chaitanyasvarUp bhagavAn hain, vaisA hI svayam hai. jaise siddha bhagavAn haiain, vaisA hI svayam hai. pratyek AtmA samAn hain.

mumukShu- Alamban lenA mAne kyA?

samAdhAna- Alamban yAnI usakI dRuShTi, usapar dRuShTi denI. vah svayam hI hai. svayam hI svayamkA Alamban karanA. svayam hI hai, use Alamban lene jAnA nahIn paDatA, vah to svatasiddha svayam hI hai. svayamko apanA Alamban kaise lenA? jo dRuShTi bAhar hai, vah dRuShTi bAharamen jaise yah sharIr main hUn, vibhAv main hUn, aisA ho gayA hai. dRuShTi palaTakar main ye nahIn hUn, main to shuddhAtmA hUn, isaprakAr dRuShTi usapar sthApit karanI ki ye chaitanya hai vahI main hUn. use shuddhAtmAko grahaN kiyA aisA kahanemen AtA hai. use grahaN kiyA, usakA Alamban liyA.

mumukShu- ... abhiprAyakA viShay kahate hain? dhyAnakA viShay kahate hain? ki gnAnakA viShay hai?

samAdhAna- gnAn aur dRuShTi donon usamen Ate hain. dhyAn to sAthamen (hotA hai), lInatA kare to dhyAn hotA hai. .. sAmAnya svayam .. hai, gnAn sAth rahatA hai. gnAnamen visheSh jAnanA hotA hai. dRuShTi ek abhedako grahaN kare ki main yah AtmA hUn. yah astitva hai vah main hUn, isaprakAr grahaN kare. dRuShTike sAth gnAn A jAtA hai. lekin jo visheSh jAnatA hai vah gnAn hai. dRuShTi visheSh nahIn jAnatI. dRuShTi sAmAnya jAnatI hai. aur dRuShTi shraddhAkA viShay hai. shraddhA, usamen-dRuShTimen shraddhA hotI hai.

mumukShu- koI-koI use andhI kahate hain, yah bAt barAbar nahIn hai?

samAdhAna- andhI yAnI shraddhAkA viShay hai, us apekShAse andhI. dRuShTi kuchh jAnatI nahIn, parantu usake sAth gnAn juDA hI rahatA hai. gnAn aur dRuShTi donon alag nahIn hote. donon sAth hI rahate hain. dRuShTi sAmAnya par jAtI hai isaliye use andhI kahate hain. vah bhed (nahIn karatI), bhinna-bhinna bhed kare yA paryAyako bhinna karake nahIn jAnatI. isaliye use andhI kahate hain.

PDF/HTML Page 44 of 1906
single page version

mumukShu- .. usamen shankArahit hotA hai, ...

samAdhAna- pahale nirNay hotA hai vah kachchA yAnI use shankA nahIn hai. ekadam samIpamen jise svAnubhUti honevAlI hai, use pahale jo nirNay hotA hai, use kachchA shankAvAlA nahIn kahate. parantu abhI use svAnubhUti nahIn huyI hai, isaliye use vyavahAr kahanemen AtA hai. shraddhAkA bal jo anubhUtike bAd jo shraddhAkA bal AtA hai, vaisA bal nahIn hai. lekin vah shankAyukta nahIn hai. usake balamen kuchh antar hai. shankAyukta nahIn hai.

mumukShu- vachanAmRutake bolamen hai, pakkA nirNay anubhavake pahale bhI ho sakatA hai.

samAdhAna- hAn, ho sakatA hai, pakkA ho sakatA hai, lekin jo pariNatipUrvakakA nirNay (hotA hai), vah alag hai. usakI apekShAse usakA bal kam hai, bhale hI pakkA kahen to bhI. anishchit nahIn hai, aisA nirNay nahIn hai, anishchit hai aisA nahIn hai. pakkA kahanemen AtA hai, parantu pariNatikI apekShAse, jo sAkShAt anubhUti hokar jo pratIti hotI hai, us pratItikA bal kuchh alag hI hotA hai. ise vyavahAr kahate hain.

mumukShu- ...

samAdhAna- dev-guru-shAstrakA nirNay pakkA aur main yah gnAyak hUn, vibhAv merA svabhAv nahIn, yah sab nirNay use pakkA hotA hai. nirNay pakkA hai, lekin pariNati pragaT nahIn huyI hai.

mumukShu- dravyakI svatantratA bhI use barAbar... dravya, kShetra, kAl, bhAvase astirUp hai, paradravyase nAstirUp hai. aisA honese jab sabjIko chhUrIse kATate hain, tab chhUrIse TUkaDe nahIn hote hain, aisA jo nirNay, isaprakArakA nirNay anubhav pUrva use vikalpAtmakamen pakkA honA chAhiye?

samAdhAna- pratyek dravya svatantra hai, aisA use A jAye, usamen sabhI pahalU A jAte hain. phir bAr-bAr usake vikalpa karane nahIn baiThatA ki yah chhUrIse hote hain, yA sabjI bhinna hai aur chhUrIke sabhI pudagal bhinna-bhinna hain, aisA bAr-bAr vikalpa (nahIn karatA), parantu use pratyek dravya svatantra hain, aisI shraddhA use ho gayI hai.

mumukShu- vikalpakI bAt nahIn hai, lekin use nirNay to...

samAdhAna- svatantra hai, koI kisIkA kuchh nahIn kar sakatA. main merA kar sakatA hUn, dUsare pudagal pudagalakA (kArya karatA hai). pratyek pudagal-pudagal svatantra hai. yah sab use baiTh gayA hai. mAtra ekadUsareke nimittase hote hain, vah sab nimitta-naimittik sambandhase hotA hai. yah sab use baiTh gayA hai.

mumukShu- aisA bhAvamen barAbar baiThe to vah Age baDh sakatA hai.

samAdhAna- use bhAvamen A jAnA chAhiye. pratyek dravyakI svatantratA AnI chAhiye.

PDF/HTML Page 45 of 1906
single page version

main svatantra aur pudagal svatantra, itanA to A jAnA chAhiye. pudgagal dravya mujhe kuchh kar sakatA hai aur main use kuchh kar sakatA hUn, aisI buddhi hai tabatak Age nahIn baDh sakatA. vah meremen kuchh kar sake yA main usamen kuchh kar sakUn, aisI andar yadi kisI prakArakI mandatA ho to vah Age nahIn baDh sakatA. use jor AnA chAhiye ki main svayam svatantra hUn. pudagal merA kuchh nahIn kar sakatA. aisA jor use andar AnA chAhiye.