PDF/HTML Page 415 of 1906
single page version

mumukShu- gurudev samyagdarshanake liye bahut kahate the, samyagdarshan kaise prApta karanA? mAtAjI! dUsarA prashna hai, svarUpakA gnAn aur shraddhAn sAth-sAth chalate hain ki usamen koI kram hai?

samAdhAna- svarUpakA gnAn aur shraddhA, samyak shraddhA aur samyakagnAn donon sAth- sAth hain. usamen kram nahIn hai. lekin shuruAtamen AtmAko jAnaneke liye, main kaun hUn? merA kyA svarUp hai? usakA jab nirNay kare tab vah gnAn bIchamen AtA hai. merA gnAyak, merA gnAnasvabhAv hai. tab nirNay kare aur shraddhA bAdamen hotI hai, use kram kahate hain. vah kram vyavahAr hai. vAstavikarUpase shraddhA aur gnAnamen kram nahIn hai. sachchI shraddhA ho tab gnAnako samyak nAm diyA jAtA hai. samyak shraddhA hotI hai tab donon sAthamen hI hai. usamen kram nahIn hai. donon sAthamen hai.

jis kShaN samyak shraddhA hotI hai, usI kShaN samyakagnAn hotA hai. usamen kram nahIn hai. chAritramen kram paDatA hai. chAritramen kram hai. samyak shraddhA aur samyakagnAn donon sAthamen hI hain. chAritramen kram hai. sarva guNAnsh so samyagdarshana. samyagdarshan hotA hai to amuk anshamen sarva guN nirmal hote hain. sarva guNAnsh so samyagdarshana. AtmAkA-gnAyakakA avalamban liyA. gnAyakakA avalamban liyA, usakI shraddhA kI to usake sAth gnAn bhI samyak hotA hai. shraddhA ek gnAyakako grahaN karatI hai aur gnAn AtmAko bhI grahaN karatA hai, gnAyakako grahaN karatA hai, paryAyakA khyAl hai, adhUrI-pUrI paryAyakA khyAl hai. lekin vah sAthamen hI hai.

koI aisA mAne ki samyak shraddhA aur gnAn huA, pUrNa dRuShTi huyI to usake sAth chAritra-lInatA bhI A gayI, pUrNa dRuShTi huyI-samyagdarshan huA isaliye sab A gayA aur sab nirmalatA ho gayI, aisA nahIn hai. usamen chAritrakA kram paDatA hai. antarmuhUrtamen kevalagnAn ho to bhI samyak shraddhA aur gnAn sAthamen hote hain aur chAritramen kram paDatA hai. chAritramen kram hai. samyak shraddhA aur gnAnamen kram nahIn hai.

chAritra, sthiratA, lInatA usake puruShArtha anusAr vardhamAn hotA jAtA hai. lInatAmen kram paDatA hai. gnAn aur shraddhA ho, isaliye pUrA ho gayA aisA nahIn hai. abhI use

PDF/HTML Page 416 of 1906
single page version

amuk nirmalatAkI shraddhA huyI, parantu nirmalatAkI pariNati jo pUrNarUpase honI chAhiye vah nahIn huyI. usake liye kram paDatA hai. vah svarUpamen lInatA karate-karate vah Age jAtA hai. Age jAtA hai aur usakI bhUmikA baDhatI jAy, chauthA, pAnchavA, chhaThThA-sAtavAn antarmuhUrta-antarmuhUrtamen svarUpamen jhulatA hai, usamen chAritrakA kram hai. shraddhA-gnAnamen kram nahIn hai. donon sAthamen hain.

use vyavahArase vichAr karake jAne. jAne binA Age nahIn baDh sakatA. jAnaneke liye sab gnAn kare, parantu samyak shraddhA hotI hai, tabhI samyakagnAn hotA hai. antarmuhUrtamen ek shvAsoshvAsamen agnAnI jo karma kShay karatA hai, lAkh-kroD bhav ho, use gnAnI antarmuhUrtamen kShay karatA hai. antarmuhUrtamen kShay kare to gnAn aur shraddhA sAthamen hote hain. usamen chAritrakA kram hotA hai. lekin shraddhA-gnAnamen kram nahIn hotA. use abhI lInatA kam rahatI hai, svarUpAcharaN chAritra-svarUpamen visheSh-visheSh lIn honekA prayatna (chalatA hai). shraddhAse jAnA ki yah gnAyak vahI main hUn aur koI bhI vibhAv merA svabhAv nahIn hai. rAgAdikA main kartA nahIn hUn. mere svabhAvakA kartA hUn. to bhI alpa asthiratAse asthirat pariNati hotI hai, usamen rAgAdi hote hain. isaliye svayam svarUpakI vItarAg dashA pragaT karanekA prayatna karatA rahatA hai. vItarAg dashA kaise pragaT ho? svAnubhUtikI dashA vartamAn shuddhi ho, us anusAr usakI svAnubhUtikI dashA baDhatI jAtI hai.

mumukShu- samyak shraddhA aur samyakagnAn to ekasAth hote hain, parantu usake pahale pUrvabhUmikAmen gnAn hote-hote sAthamen shraddhAnakA kuchh kAm chalatA hai ki nahIn?

samAdhAna- gnAnake sAth shraddhAkA kAm chale, parantu use samyak pariNati yathArtha shraddhA ho tabhI kahA jAtA hai. gnAyakakA Ashray antaramen yathArthapane AyA aur gnAyakakA Alamban liyA, tab use, yahI gnAyak, to hI use shraddhA kahA jAtA hai. shraddhAkA kAm chale, vichArase nakkI kare ki gnAnasvabhAv main hUn, yah sab main nahIn hUn, aise vichArase nakkI kiyA kare, sachche dev-guru-shAstrakI shraddhA kare, yah gnAnasvabhAv so main, aise vichArase nakkI kiyA kare, vah sab shraddhAkA kAm sAthamen chalatA hai. parantu samyak to gnAyakakA avalban le tabhI kahanemen AtA hai.

mumukShu- aisA nahIn hai ki gnAnakA kAm chalatA ho aur shraddhA to ek samayamen phaTAkase mithyAtva (chhUT jAy) aisA nahIn hai.

samAdhAna- nahIn, aisA nahIn hai. vichAramen shraddhA hotI hai. parantu vah samyak nahIn kahalAtI. gnAyakakA avalamban le tab (samyak kahI jAtI hai).

mumukShu- mAtAjI! dUsarA prashna hai. pUjya gurudevashrIkA upadesh jignAsA aur bhAvanAse sunakar, main ek gnAyak hUn, sharIr nahIn hUn, itanA gnAn ho to samyagdarshan huA kahA

PDF/HTML Page 417 of 1906
single page version

jAy ki nahIn?

samAdhAna- gurudevakA upadesh sune. gurudev samyagdarshan kise kahate hain, use samajhanA chAhiye. gurudev mAtra, sharIrase bhinna ek gnAyak jAnanevAlA, utanemen samyagdarshan nahIn kahate the. gurudev samyagdarshanakA svarUp koI apUrva kahate the. ek sharIrase bhinna AtmAko jAnA isaliye usamen samyagdarshan AtA nahIn. thoDA karake Age nahIn baDhatA to thoDemen bahut mAn le to usamen kAryasiddhi nahIn hotI. usamen svayamko sukh utpanna nahIn hotA. ho sake to (achchhA hI hai), nahIn ho sake to shraddhA to barAbar karanA. jo gurudevane kahA hai ki samyagdarshan antaramen koI alag hai aur koI apUrva hai. shubhAshubh bhAvonse bhinna AtmA hai, use tU pahachAna. usamen jo svAnubhUti hotI hai, us pAr man-vachan-kAyAse bhinna AtmA, vibhAv bhI usakA svabhAv nahIn hai, usase bhI bhinna andar jAna. to samyagdarshan andar svAnubhUti ho to (hotA hai). aisA gurudevane kahA hai.

tujhase ho sake to dhyAnamay pratikramaN karanA, shAstramen AtA hai. na ho sake to shraddhA to barAbar karanA. tujhase Age nahIn baDhA jAy, to gurudevane jo samyagdarshanakA svarUp kahA hai, usakI shraddhA tU barAbar karanA. sharIrase bhinna jAnA. sharIr to jaD hai aur AtmA jAnanevAlA hai. isaliye AtmAko jAnaneke liye, yah jAnanevAlA main hUn, yah sharIr kuchh jAnatA nahIn. isaliye main sharIrase bhinna jAnanevAlA hUn. parantu andaramen jo vikalpakI jAlake sAth ekatva ho rahA hai, vikalpakA-rAg-dveShakA svAd kaluShit A rahA hai. vah svAd bhinna hai. AtmA jAnanevAlAkA svAd bhinna hai aur yah svAd bhinna hai. vikalpase bhinna svAdabhed karatA nahIn. to use abhI bhedagnAn huA nahIn hai.

kAlIjIrI aur shakkar donon mishra ho gaye ho, shakkarakA svAd aur kAlIjIrIkA svAd, doko alag nahIn karatA hai to andar bhedagnAn nahIn ho sakatA hai. dUdh ek bartanamen ho to bartanase bhinna dUdh hai. bartan bartan hai. lekin dUdh aur pAnI mishra hai, vah dUdh aur pAnIko bhinna nahIn karatA hai to vah vAstavikarUpase dUdhakA svarUp kaisA hai, use jAnatA nahIn.

svAdabhed andar hai, use bhinna kare to hI usane AtmAko jAnA kahanemen Aye aur to hI bhedagnAn kiyA kahanemen AtA hai. to hI use samyagdarshan hotA hai. donon- shubh aur ashubh, shubhabhAv bIchamen Aye, dev-guru-shAstrakI mahimA, shAstra abhyAs bIchamen AtA hai, jo prayojanabhUt tattvako jAnanekA prayAs, jyAdA bahut jAne esA nahIn, parantu prayojanabhUt jAne. vah sab bIchamen Aye, parantu donon bhAvonse svayam bhinna hai, shubhAshubh bhAv donon kaluShit AkulatArUp hai, main usase bhinna gnAyak hUn, aisA bhedagnAn kare to hI usane sachchA jAnA hai. sharIramAtrase bhinna jAne to usane bhinna nahIn jAnA hai. vah

PDF/HTML Page 418 of 1906
single page version

ThIk hai, sharIr jaD aur main bhinna jAnanevAlA hUn. parantu andar vibhAvonse bhinna paDe to usane vAstavamen bhinna jAnA hai, nahIn to bhinna nahIn jAnA hai.

gurudevane to kitanA upadesh diyA hai. chAron orase spaShTa kar-karake samajhAyA hai. usamen kuchh bAkI nahIn rakhA hai. gurudevane kuchh bAkI nahIn rakhA hai. shAstramen AtA hai na ki, mere gurune jo upadeshakI jamAvaT kI hai, us upadeshakI jamAvaTake Age yah tIn lokakA, pRithvIkA rAjya bhI mujhe priy nahIn hai, yah tIn lokakA rAjya bhI mujhe priy nahIn hai. sab tuchchha hai. aise gurudevane is bharatakShetramen janma lekar jo upakAr kiyA hai, 45-45 varSha tak jo upadesh barasAyA hai, us upadeshakI jamAvaT svayam andar kare. gurudevane to upadeshakA dhodh barasAyA hai. us upadeshake Age sab tuchchha hai. yah pUrA jagat tuchchha hai. sab tuchchha hai.

ek gnAyak AtmAko pahachAno, vahI upadesh gurudevane diyA hai. is pRithvIkA rAjya, AchAryadev kahate hain, tIn lokakA rAjya bhI priy nahIn hai. usake Age bAharake vibhAv, sab tuchchha hai. logommen jAhir honA, kisI bhI prakArakA kArya, sab tuchchha hai. mere gurune jo upadesh diyA, usake Age sab tuchchha hai. andaramen gurudevakA upadesh grahaN kare to jo unhonne kahA, use pahachAne to usamen samyagdarshan (hokar) bhavakA abhAv ho aur samyagdarshanakI prApti ho.

mumukShu- ... TikatA hai to kaise?

samAdhAna- pariNamatA hai, svayam apanA svabhAv TikAkar pariNamatA hai. svabhAv TikatA rahatA hai, pariNaman hotA hai.

mumukShu- arthAt pUrA dravya to pariNamatA hai.

samAdhAna- hAn, pUrA dravya pariNamatA hai. svabhAv Tikakar pariNamatA hai. do bhAg nahIn ho jAte ki AdhA bhAg pariNamatA hai aur AdhA bhAg nahIn pariNamatA hai, aisA nahIn hai. pariNamatA hai pUrA aur svabhAvarUp sab rahatA hai. apanA svabhAv Tikakar pariNamatA hai. pUrA badalakar pheraphAr nahIn ho jAtA. pUrA TikatA hai aur pariNamatA bhI hai. TikatA bhI hai aur pariNamatA bhI hai.

mumukShu- dRuShTikA viShayabhUt aisA jo trikAl panchamabhAv sadA ekarUp rahatA hai. to vah dRuShTi apekShit hai yA paramArthase aisA hai? panchamabhAv dRuShTi apekShitamen len...

samAdhAna- panchamabhAv pUrA anAdiananta hai. vah dRuShTikI apekShAse nahIn, parantu vastu svabhAvase vah ekarUp hI rahatA hai, pAriNAmikabhAv to. parantu dRuShTike viShayamen vah pAriNAmikabhAv AtA hai. anAdiananta hai, vah vastusvarUp hai. apekShit yAnI pAriNAmikabhAv apekShit hai aisA nahIn, pAriNAmikabhAv anAdiananta hai. dRuShTi use pahachAn

PDF/HTML Page 419 of 1906
single page version

letI hai. dRuShTikA viShay hai. dRuShTimen vah jAn sakate hain. vah dRuShTikA viShay hai, apekShit nahIn hai. dRuShTi use viShay karatI hai. apekShit nahIn hai. dRuShTikI apekShAse pAriNAmikabhAv hai aise nahIn, pAriNAmikabhAv hai aur dRuShTi use grahaN karatI hai. paramArthase hai.

mumukShu- Ajake alingagrahaNake pravachanamen AyA thA ki guN sAmAnya, dravya-guN sAmAnya hai aur paryAy visheSh hai. ham log guNako bhI visheSh lete hain, vah kis prakArase?

samAdhAna- koI apekShAse dravya aur guNako sAmAnya kahate haiain aur paryAy visheSh hai. koI apekShAse guNako bhI visheSh kahanemen AtA hai. guNako bhed apekShAse visheSh kahanemen AtA hai. dravyamen bhed nahIn paDatA. ek-ek guN bhinna (hai). gnAn, darshan, chAritra aise bhedakI apekShAse visheSh kahanemen AtA hai. aur paryAyako bhI visheSh kahate hain. paryAyabhed paDate hain, palaTatI paryAy hai isaliye use bhI visheSh kahanemen AtA hai. parantu guN aur dravya dononko sAmAnya bhI kahanemen AtA hai.

mumukShu- ananta guNAtmak dravya hai,...

samAdhAna- ananta guNAtmak dravya. guN anAdiananta hai. paryAy to badalatI hai. isaliye guNako aur dravyako dononko sAmAnya lenA aur paryAyako visheSh lenA. aur bhed apekShAse guNako bhI visheSh le sakate haiain aur dravyako sAmAnya le sakate hain.

mumukShu- dravya sAmAnyamen abhed...

samAdhAna- dravya sAmAnya ek lekar, usamen guN sAthamen A jAte hain. guNako bhed apekShAse use visheSh le sakate hain. bAkI donon anAdiananta hain, isaliye dononko sAmAnya le sakate hain. abhed hai, guN dravyake sAth abhed hai aur anAdiananta hai. isaliye dravyakA viShay kare usamen sab guN abhedapane A jAte haiain aur paryAy palaTatI hai isaliye paryAy visheSh hai.

mumukShu- guNavisheSh aise to pragaT nahIn hai, phir bhI bhedakI apekShAse use visheSh (kahate hain).

samAdhAna- vah bhale pragaT nahIn hai, parantu vah bhedakI apekShAse visheSh hai. paryAy pragaT hotI hai, isaliye visheSh kahalAtI hai. use bhed apekShAse (visheSh kahate haiain). ek- ek guN gnAn, darshan, chAritra aise visheSh hai na? dravya to ek sAmAnya lenA. guNakA bhed paDe, yah gnAn hai, yah darshan hai, yah chAritra hai, yah bal hai, aise bhed paDate hain isaliye visheSh hai. bhed apekShAse.

mumukShu- anant guNAtmak kahen tab sAmAnya lenA.

samAdhAna- ekarUp dravya hai, anant guNAtmak ek dravya hai. guN bhinna-bhinna TUkaDe

PDF/HTML Page 420 of 1906
single page version

nahIn hai, parantu ek dravyakA hI svarUp hai. isaliye ekarUp hai, dravyake sAth guN ekarUp hai. isaliye dravya aur guNako ek len to sAmAnya hai. parantu lakShaN apekShAse bhinna paDatA hai, isaliye use visheSh kahanemen AtA hai.

Am lo to usamen usake sab guN hain. varNa, gandha, ras, sparsha sab usamen samA jAte hain, isaliye ek abheda. guNako bhinna nahIn karo to ek Am hai. parantu usake rang, ras sabako bhinna karo to vah guN bhI visheSh hai. parantu usakI paryAyen khaTTA, mIThA, saphed, harA, pIlA vah sab usakI paryAyen hotI hain. usakA pariNaman vah paryAy hai. AmakA jo pariNaman hai vah paryAy hai. aise darshan, gnAn, chAritra usake guN hain.

mumukShu- nau tattvakI shraddhA hai yA svaparakI shraddhA hai yA svakI shraddhA hai yA sva sAmAnyakI hI mAtra shraddhA hai?

samAdhAna- shraddhAmen sab A jAtA hai. ek sAmAnyakI shraddhA, ek dravya par dRuShTi, usamen ek AtmashraddhA, tattvakI shraddhA, ek mUl vastu AtmAkI shraddhA. vah mUl shraddhA (hai). usake sAth vyavahAramen bhed apekShAse sab AtA hai. svaparakI shraddhA. apanI shraddhA, yah main hUn aur yah main nahIn hUn, aise svaparakI shraddhA AyI. usamen nau tattvakI shraddhA AyI. dRuShTi apekShAse ekakI shraddhA. gnAn apekShAse sab AtA hai. yah apanI shraddhA aur yah par hai, yah main hUn, ese svaparakI shraddhA. nau tattvakI shraddhA, vah sab usamen sAthamen AtA hai.

mumukShu- svakI shraddhAmen sab..?

samAdhAna- hAn. abhed apekShAse ekakI shraddhA. usakA visheSh le to sab shraddhA andar sAthamen AtI hai. jIvakI, ajIvakI, Asrav.. koI apekShAse jIvako vibhAv hai, vibhAvase chhUT sakatA hai, Anshik shuddhi huyI-samvar, jyAdA shuddhi huyI-nirjarA, karmakI orase len to karma aTak gaye-(samvar), andaramen shuddhi baDhatI jAy vah nirjarA. pUrNa shuddhi ho gayI, kevalagnAn mokSha (huA), vah sab shraddhA. sAdhak-sAdhya sabakI shraddhA sAthamen A jAtI hai, bhed apekShAse. andar ek tattva, andar dravya dRuShTikI apekShAse ek sAmAnya abhedakI shraddhA hai. visheShamen sab AtA hai.

mumukShu- atIndriyagnAnakI prApti binA, ham indriyagnAnavAle bhedamense abhedamen kaise chhalAng lagAye?

samAdhAna- bhed bhale rahe, parantu abhed svarUp svayam hai nA, koI dUsarA nahIn hai. abhed atIndriy svarUp svayam hI hai, usakI dRuShTi bAhar gayI hai. upayog bAhar ghumatA hai isaliye yah indriy, man AdikA Alamban bIchamen AtA hai. parantu main nirAlambI tattva hUn, usakI shraddhA kare. jUThI mAnyatA ho gayI hai ki yah par main aur main so

PDF/HTML Page 421 of 1906
single page version

par, aisA ho gayA hai. shraddhA badal de. AtmAkA gnAnalakShaN pahachAn le, to usamen palaT sakatA hai. nahIn hotA hai aisA nahIn hai. apanA hI svabhAv hai. bAharakA avalamnab lenevAlA svayam hI, nirAlamb honevAlA svayam hI hai. nirAlamban svabhAv hI svayamkA hai.

mumukShu- atIndriyagnAn nahIn hai phir bhI indriyagnAnase bhI vah.. samAdhAna- hAn, bhale indrignAn ho, svayam svakI or muD sakatA hai.