PDF/HTML Page 582 of 1906
single page version

mumukShu- samyagdarshan, kevalagnAn usamen kyA antar hai?

samAdhAna- svakI samajh vah samyagdarshan arthAt sachchA gnAn aur sachchI pratIt evan svAnubhUti vah samyagdarshana. sachchA gnAn jisamen yathArtha ho, svabhAvakI joradAr pratIti hai, bhedagnAn hai aur svAnubhUti hai, vah samyagdarshana.

kevalagnAn arthAt pUrNa ho gayA. samyagdarshan to usakI sAdhanA hai. use ek ansh pragaT huA hai. ... pUrNatAke liye aur kevalagnAn hotA hai... svAnubhUtimen visheSh-visheSh Age baDhate-baDhate pUrNa parAkAShTA ho jAtI hai ki jis svAnubhUtimense phir bAhar hI nahIn AtA hai. is svAnubhUtimense bAhar AtA hai. us svAnubhUtimense bAhar hI nahIn AtA hai. svarUpamen gayA so gayA, samAyA so samAyA, phir bAhar nahIn AtA. usamen jo gnAn pragaT hotA hai vah kevalagnAn hai. aur vah gnAn aisA hai ki apane svabhAvamen rahakar, dekhane nahIn jAtA, jAnane nahIn jAtA. bAhar kuchh nahIn karatA, svayam svarUpamen samA jAtA hai. to bhI svabhAvamen rahakar hI lokAlokako ek samayamen jAn sake aisI koI apUrva shakti, apUrva gnAn pragaT hotA hai.

svayamko jAn letA hai, dUsaronko jAn letA hai, kalpanA kiye binA, vikalpa kiye binA sahaja. jAnanekI ichchhA nahIn hai. svarUpamen samA gayA hai. usamen jo gnAn pragaT hotA hai vah kevalagnAna. pUrNa ho gayA. phir use kuchh karanA bAkI nahIn rahatA. svarUpamen samA gayA so samA gayA. vItarAg ho gayA, vah kevalagnAna.

svAnubhUti huyI vah to ek ansh hai. vah svAnubhUtimense bAhar AtA hai, use vikalpa AtA hai. lekin AtmA bhinna rahatA hai. AtmA bhinna rahatA hai, puna use bArambAr apanI dashA anusAr svAnubhUti hotI hai aur bAhar AtA hai. aisI dashA jisakI ho, vah samyagdarshan hai. vah to gRuhasthAshramamen bhI hotI hai. antaramense svAnubhUti hotI hai. parantu andarase nyArA-nirlep rahatA hai. yah to muni ho jAtA hai, use kevalagnAn hotA hai. munikI dashAmen Aye, bArambAr svAnubhUtimen lIn hotA hai, aisI munidashAmen kevalagnAn hotA hai. bas, bAhar nahIn Aye, aisA ho jAtA hai.

abhI muni hai to vah sAdhanA hai. parantu jab kevalagnAn hotA hai, tab pUrNa vItarAgI

PDF/HTML Page 583 of 1906
single page version

bhagavAn kahalAte hain. jo bhagavAnako jAne vah svayamko jAnatA hai, aisA kahanemen AtA hai. kevalagnAn huA to bhagavAn ban gayA.

mumukShu- vah vyavahArik kAyAmen nahIn A sakate.

samAdhAna- vyavahArik kAyAmen nahIn Ate. sharIradhArI hote hain, lekin svarUpamen lIn hote hain. vANI chhUTatI hai to binA ichchhAke chhUTatI hai, sahaj chhUTatI hai. vyavahAr kAyAmen nahIn Ate. unakI nAsAgra dRuShTi hotI hai. kisIke sAmane dekhate nahIn, antaramen lIn rahate hain. unakI chAl alag hotI hai, unake vANI alag hotI hai. sab alag hotA hai. svarUpamen hI rahate hain. bolanemen alag lage, is jagatase alag hai. chAl alag hotI hai. nirichchhAse sahaj chalate hain. vah alag hI hotA hai. ve bhagavAn kahalAte hain.

mumukShu- bhagavAn aur yah jagat, donon bhinna vastuen hain, yA donon ek hI hai?

samAdhAna- bhinna hai. bhagavAn aur yah sab vastu, jagatamen to ananta vastuen hain. chaitanya bhagavAn to bhinna hai, vah vastu bhinna hai. bhagavAn aur vastu ek nahIn ho jAte.

mumukShu- to pUrA jagat bhagavAnakA yA kisI anyakA?

samAdhAna- ... jagat jagatakA hai aur bhagavAn bhagavAnake hain. jagat anAdiananta hai.

mumukShu- athavA bhagavAn jagatamen Ate hain?

samAdhAna- bhagavAn jagatamen Ate nahIn, bhagavAn jagatase bhinna hain.

mumukShu- jagatake andar jo jIv hain, vah bhagavAnamen to jAte hI hain.

samAdhAna- bhagavAn yAnI jagatakI ek vastu kahalAtI hai. jagatake bhagavAn kahalAyen, parantu bhagavAn aur jagat ek nahIn ho jAte. bhagavAn bhinna rahate hain, vastu bhinna rahatI hai. bhagavAn, jagat yAnI bhagavAn lokamen hai. parantu bhagavAn aur jagat ek nahIn ho jAte. bhagavAn antaramen to alaukik dashAmen hain.

mumukShu- gnAnIko aisA lagatA hogA, jagat aur...

samAdhAna- bhinna hai.

mumukShu- unhen bhI bhinna lagatA hai?

samAdhAna- hAn, bhagavAnako bhinna lagatA hai. jagat aur bhagavAn, donon bhinna hai. vikalpa hI nahIn hai, parantu bhinna hain. bhagavAn svayam apane vedanamen hain. jagatako bhagavAn nahIn vedate, bhagavAn usase bhinna hai.

mumukShu- vANI chhUTatI hai, vANI, vANI to .. mense chhUTatI hogI yA aise hI?

samAdhAna- bhagavAnako koI vikalpa nahIn hai. vah to sahaj chhUTatI hai. lokake puNyase chhUTatI hai. bhagavAnako ichchhA nahIn hai ki in sabakA hit karun aur upadesh

PDF/HTML Page 584 of 1906
single page version

dUn, aisA nahIn hai. sahaj hI chhUTatI hai.

mumukShu- yah sab jo jIv hue vah sab bhagavAnamense chhUTakar hue yA dUsare hue?

samAdhAna- jIv to anAdiananta hai hI. anAdiananta hai. ... bhinna hai. gnAyak AtmAko pahachAnanA vah karanA hai. andar jo vibhAv hotA hai vah apanA svabhAv nahIn hai. gnAyakako pahachAnanA. gnAyakakI ruchi rakhanI, vah jabatak na ho tabatak shubhabhAvamen dev-guru-shAstrakI mahimA. yah gnAyak kaise pahachAnamen Aye? aur munionke dharma jo kShamA, Arjav, mArdav Adi sab mumukShukI bhUmikAmen bhI sabako hote hain. mArdav, Arjav, satya, shauch, sanyam, tap, tyAg, Akinchan aur brahmacharya Adi sab mumukShukI bhUmikAmen bhI hotA hai. isaliye usakI ArAdhanApUrvak aur gnAyakakI ArAdhanApUrvak AtmAmen.. AtmAkA svabhAv hai. vah AtmAkA svabhAv kaise pragaT ho? usakI ruchi aur vah kaise pragaT ho, usakA prayAs karanA vahI karanA hai. jIvanamen bhedagnAn karake gnAyak kaise pahachAnamen Aye, yah karanA hai. samyagdarshanapUrvak vah dharma hote hain. munikI dashAmen vah sab ArAdhanA karanI hotI hai. parantu mumukShukI bhUmikAmen bhI vah hote hain. das dharma Adarane yogya hain, gnAyakake dhyeyapUrvaka.

AtmAmen Ananda aur ananta gnAn, ananta Ananda Adi ananta guN AtmAmen bhare hain. usakI mahimA, usakI ruchi, parase virakti aur svabhAvakI mahimA Adi sab karane yogya hai. vah na ho, tabatak dev-guru-shAstrakI mahimA aur shuddhAtmA kaise pahachAnA jAy, usakA prayAs karanA.

jIvane bAharamen bahut kiyA, kriyAen kI, shubhabhAv kiye, puNyabandha huA parantu bhavakA abhAv kaise ho, usakI usane andarase shraddhA nahIn kI hai. gurudevane mArga batAyA ki shubhAshubh pariNAmase bhI bhinna jo shuddhAtmA hai, us shuddhAtmAko pahachAn to bhavakA abhAv ho. usakI shraddhA kar, usakA gnAn kar, usamen lInatA kar to bhavakA abhAv ho aur antaramen svAnubhUti pragaT ho, vah karanA hai.

.. bhIgA huA honA chAhiye, rukhA nahIn hotA. andarase bhIgA huA. mujhe AtmA kaise pahachAnamen Aye? andarase is bhavabhramaNakI thakAn lagI ho, bas, is bhavabhramaNase bas hoo, bhavakA abhAv kaise ho? vibhAvase thakAn lage, yah sab andarake vikalpa, rAg-dveSh Adi sabase thakAn lagI ho aur antaramen kaise jAnA ho? aisI antaramen use pyAs lagI ho, usakI lagan lagI ho, usakA hRuday bhIgA huA hotA hai, shuShka nahIn hotA.

AtmA bhinna hai yAnI AtmAmen kuchh nahIn hai, isaliye AtmAko kuchh nahIn lagatA, jo bhI karo koI dikkat nahIn hai, aisI use andarase shuShkatA nahIn hotI aur hRuday

PDF/HTML Page 585 of 1906
single page version

bhIgA huA hotA hai. do padArtha bhinna hain, parantu andar apanI pariNatimen ekatvabuddhi ho rahI hai, usase kaise chhUTA jAy? aisI use andarase laganI honI chAhiye. vastu svabhAvase gnAyak bhinna hai, parantu pariNati usamen malin ho rahI hai, usase kaise (bhinna hokar) nirmal paryAy kaise pragaT ho? aisI bhAvanA honI chAhiye.

AchAryadev kahate hain na? main shuddha chinmAtra mUrti hUn. parantu merI pariNati jo kalmAShit- malin ho rahI hai, usakI pUrNatA kaise ho? usakI bhAvanA munirAjonko bhI hotI hai. to yah to ek mumukShukI dashA hai. usakA bhIgA huA hRuday ho ki AtmA kaise pragaT ho? yah pariNati jo anAdikI ekatvabuddhi ho rahI hai, vah chhUTakar bhinna gnAyak bhinna hai, vah kaise (pahachAnun)? vastu svabhAvase bhinna hai, parantu pragaT bhinna pariNatimen kaise pragaT ho? aisI use ruchi, bhAvanA, aisA prayAs honA chAhiye. svabhAvase shuddha hai, parantu paryAyamen shuddhatA kaise ho, aisI andar laganI honI chAhiye. munidashA Ave aur phir pUrNatA hotI hai.

mumukShu- satpuruShase mumukShukA vairAgya baDh jAnA chAhiye, vah kaise?

samAdhAna- satpuruShase mumukShukA vairAgya baDh jAnA chAhiye? (vairAgya) shikharakA shikhAmaNi munirAjako kahate hain. samyagdarshanamen bhI aisA vairAgya hotA hai aur mumukShudashAmen bhI vairAgya hotA hai. sachchA yathArtha vairAgya to use samyagdarshan ho use yathArtha vairAgya hotA hai. munidashAmen yathArtha vairAgya hotA hai. pahalekA vairAgya use bhAvanArUp hotA hai. vairAgya to honA chAhiye, lekin satpuruShase bhI baDh jAy aisA shabda kahIn nahIn AtA. tyAg samyagdarshanapUrvak hotA hai.

tyAg samyagdarshanapUrvak hotA hai. usakI virakti vah virakti hai. bAkI vairAgya hotA hai, mumukShudashAmen tIvra vairAgya honA chAhiye. parapadArtha prati udAsInatA A jAya. AtmAkI mahimA Ave. udAsInatA mumukShudashAmen honI chAhiye, pAtratAmen honI chAhiye. "tyAg virAg na chittamAn thAy na tene gnAn'. tyAg-vairAgya jisake chittamen nahIn hai, jisake manamen tyAg evan vairAgya nahIn hai, use gnAn nahIn hotA.

"aTake tyAg vairAgyamAn to bhUle nij bhAn'. yadi svayamko samajhanekI or dRuShTi nahIn hai aur sachchA gnAn karake apanA svabhAv nahIn pahachAnanA chAhatA, mAtra bAhyamen ruk jAtA hai, bAhya tyAg-vairAgyamen, to bhI AtmAko nahIn pahachAnatA.

AtmA kaise pahachAnamen Aye, aise tattvavichAr prati dhyAn honA chAhiye. aur tyAg, vairAgya usake chittamen honA chAhiye. tyAg, vairAgya mumukShukI bhUmikAmen hone chAhiye. nahIn to vah shuShka-AtmAko kuchh lenA-denA nahIn hai, AtmAmen kahAn kuchh hai, aisI shuShkatA ho to Age nahIn baDh sakatA. tyAg, vairAgya usake chittamen honA chAhiye aur tattva par dRuShTi honI chAhiye. sachche gnAn par usakI dRuShTi honI chAhiye aur vaise vichAr hone

PDF/HTML Page 586 of 1906
single page version

chAhiye. sab sAthamen ho to Age jAtA hai.

bAharase kitanA chhoD sake vah nahIn, tyAg-vairAgya usake hRudayamen honA chAhiye. usakA hRuday bhIgA huA honA chAhiye. sabase chittamen vairAgya aur virakti, usakA chitta antarase nyArA honA chAhiye.

samAdhAna- ... gurudevane bahut upadesh diyA hai aur bhagavAnakI vANImen bhI AtA hai. karanA to svayamko hai. upadesh to asidhArA jaisA hai. yadi svayam taiyAr ho to bhedagnAn ho jAya. do TUkaDe ho jAya. AtmA bhinna-gnAyak bhinna aur vibhAv bhinna. bhedagnAn ho jAy aisA asidhArA jaisA upadesh hai bhagavAnakA. aur gurudevakA bhI aisA thA ki bArambAr AtmAkA svarUp batAte the, sUkShmatAse spaShTa kar-karake. karanA to svayamko puruShArthase svayamko hI karanA hai. AtmAko pahachAnanA, gnAyak bhinna hai, vibhAv svabhAv apanA nahIn hai. sharIr bhinna, sab bhinna. bhedagnAn karake antaramen svayam puruShArtha kare to ho sake aisA hai. bAharase kuchh hotA nahIn. antaramense hotA hai. vah na ho tabatak shubhabhAvamen dev-guru-shAstra aur andaramen shuddhAtmA kaise pahachAnamen Aye? usakA puruShArtha bArambAr, bArambAr, bArambAr na ho tabatak gnAyakako pahachAnanekA prayAs (honA chAhiye).

main gnAyak hUn, isake sivA dUsarA kuchh mujhemen nahIn hai. main to jAnanevAlA tattva koI apUrva, anupam tattva hUn. gnAyak gnAtA main jagatase bhinna udAsIn gnAtA hUn. gney merA svarUp nahIn hai, main to usase bhinna hUn. aise usake dravya, guN, paryAy, paradravyake dravya, guN, paryAy sab samajhakar bhinna paDe to hotA hai. puruShArtha kare to hotA hai. puruShArtha kiye binA kuchh hotA nahIn. puruShArthase sab hotA hai. utanI andar laganI chAhiye. sansArase use ras Utar jAnA chAhiye, antarase ruchi laganI chAhiye, utanI laganI chAhiye, AtmA binA-gnAyak binA kahIn chain na paDe, aisI antaramen bhAvanA honI chAhiye, to hotA hai. aisA asidhArA jaisA upadesh to bhagavAnakA hai aur gurudevakA bhI vaisA hI thA.

mumukShu- he mAtAjI! hamAre yahAn himmatabhAI vAnchanake liye tab hamane kahA, atIndriy AnandakA svAd kaisA AtA hai? to kahA, mAtAjIke pAs jAkar pUchhanA to ve Apako batAyenge. to Ap, hamen atIndriy AnandakA svAd kaisA AtA hai, yah batAnekI vinantI hai.

samAdhAna- vah koI vANImen Aye aisA hai? AtmAmen jo svAnubhUti hotI hai, usamen vah pahachAnA jAy aisA hai. vah vANImen Aye aisA nahIn hai. vah to manase, vachanase, sabase bhinna-agochar hai. svAnubhUtimen usakA vedan ho, aisA hai. bAkI to usakA lakShaN batAyA jA sakatA hai. bAkI dikhAnemen Aye aisA svAnubhUtikA svAd nahIn hai.

jo indriyase par atIndriy hai, jisakA bAharamen kisIke sAth mel nahIn hai, koI

PDF/HTML Page 587 of 1906
single page version

namUnA athavA usakA dRuShTAnta nahIn hai. aisA svarUp to jab vah andar jAy, use jAnanekI ichchhA ho, usakA kutUhal ho to andar jAya. gurudev kahate the ki shAstramen (AtA hai ki), chha mahine bArambAr usakI dhun lagA aur usakI tIvra jignAsA karake bArambAr andarase tIkhA upadesh kar to usakI svAnubhUti ho. bAkI vANImen (nahIn A sakatA). vah to vachanase, manase sabase agochar hai. vah to AtmAkA svarUp, AtmAse pahachAnA jAy aur AtmAse vedanamen Ave. gnAyak gnAyakase pahachAnA jAy, gnAyak gnAyakase vedanamen Ave. vah to anupam aur koI apUrva hai. vah vANImen Ave aisA svarUp nahIn hai.

gurudev kahate hain, AchArya kahate hain, svAnubhUtikA svarUp koI alag hI hai. usakI tU mahimA kar, usakA vishvAs kar, dRuDhatA kar, vichArase nakkI kar ki tattvamen koI apUrva shAnti (bharI hai). jo svayam sukh-sukh kar rahA hai, vah sukhasvarUp svayam hI hai. bAharamen jo Ashcharya mAn rahA hai, vah AshcharyakA svarUp AtmAmen hai. vah AshcharyakA piNDa aur AnandakArI tattva hai vah svayam hI hai. jo bAharamen Arop kar kar rahA hai, vah svabhAv usakA hai. bAharase kahInse nahIn AtA. bAharamen dekhe to mAtra AkulatA bharI hai. vah AshcharyakArI aur AnandakArI tattva svayam hI hai, aisA tU nakkI kar to vah anubhavamen gnAt ho aisA hai. bAharase gnAt ho aisA nahIn hai.

mumukShu- kal himantabhAIne mAtAjIkA 412 nambarakA vachanAmRut liyA thA. maraN avashya AyegA hI. usamen bhAvavibhor ho gaye. ...

samAdhAna- AyegA, maraN to avashya AyegA. janma-maraN to sansAramen hai hI. AtmA hI shAshvat hai. mujhe manuShya jIvanamen AtmAkA hI karanA hai. dUsarA kuchh nahIn hai, sArabhUt jagatamen to ek AtmAkA mujhe prayojan hai, dUsarA koI prayojan nahIn hai. kisIke sAth muje prayojan nahIn hai. ek AtmAkA prayojan hai. jIvanamen koI prayojan ho to mujhe dev-guru-shAstrakA aur ek AtmAkA prayojan ho, dUsarA koI prayojan nahIn hai.

janma-maraN karate-karate manuShyabhav prApta ho, usamen ek AtmAkA svarUp pahachAn lene jaisA hai ki jisase bhavakA abhAv ho. gnAyak ek gnAtA tattva kaise pahachAnamen Aye, jo apUrva hai. bas, vahI shAshvat hai.

mumukShu- pUjya mAtAjI! sanskAr boye hain, aisA kab kahA jAy? anubhavamen thoDA samay honeke bAd?

samAdhAna- andar apane sanskAr svayam pahachAn sake. us sanskArakA phal Aye tab mAlUm paDe, lekin sanskAr dRuDh to svayamko karane hain. bArambAr main gnAyak, gnAyak binA chain paDe nahIn. andar svabhAvakI ruchi lage, vibhAvamen kahIn ras paDe nahIn. bArambAr

PDF/HTML Page 588 of 1906
single page version

usakA prayatna karatA rahe to svayam jAn sake. sanskAr boye hain yA nahIn vah svayam pahachAn sakatA hai, dUsarA nahIn pahachAn sakatA. andarake gahare sanskAr bAharase pahachAnamen nahIn Ate. svayam pahachAn sakatA hai ki mujhe gahare sanskAr hai ki nahIn? bAkI svAnubhUti hotI hai tab usakA phal AtA hai.

... kaisA upakAr kiyA hai, upadesh kitane barason tak barasAyA hai. vah svayam andar ruchise sune to andar sanskAr Dale binA rahate nahIn. andar yadi svayamko ruchi ho to.

mumukShu- 15vIn gAthAmen gurudevashrI pharamAte the ki yah to jainadharmakA prAN hai. to usamen kyA rahasya hai, yah batAnekI vinantI hai.

samAdhAna- jainadharmakA prAN hI hai. bhUtArtha svarUp AtmAko jAne, yathArtha svarUp jAne aur yathArtha svarUpako pahachAnakar andar gaharAImen jAya. vah jainadharmakA prAN hI hai. jisase muktikA mArga pragaT ho aur jisamen sAdhakadashA pragaT ho. AtmAkA jo yathArtha svarUp hai use grahaN kare, us par dRuShTi jAy, aisA apUrva samyagdarshan prApta kare aur usakI sAdhakadashA pragaT ho, vah jainadharmakA prAN hI hai.