: ચૈત્ર : ૨૪૭૭ : ૧૨૭ :
મહોત્સવના સમાચાર
ફાગણ સુદ બીજે, તીર્થધામ સોનગઢમાં સીમંધરનાથ પ્રભુજી પધાર્યાને દસ વર્ષ પૂરાં થયા, ને અગિયારમું
વર્ષ શરૂ થયું. ફાગણ સુદ બીજ આવતા પહેલાંં થોડા દિવસ અગાઉ આ પ્રતિષ્ઠામહોત્સવનો અઠ્ઠાઈ–મહોત્સવ
ઊજવવાનું નક્કી થયું... અને ભગવાન પાસે ભક્તિમાં ‘કંકુ છાંટી કંકોતરી મોકલો...પ્રભુ ભક્તો આવે સહુ
ભાવે....’ એ સ્તવન (સ્તવનાવલી પૃ. ૧૨૩) દ્વારા ભક્તજનોને ભાવભરી કંકોત્રી મોકલાણી.
માહ વદ ૭
ફાગણ સુદ બીજ નજીક આવી રહી હતી... તેથી આજે ભક્તિ દ્વારા સીમંધરનાથ ભગવાનને મહાવિદેહથી
વિહાર કરવા માટે પત્ર લખ્યો કે ‘સ્વસ્તિ શ્રી મહાવિદેહ ક્ષેત્રે બિરાજમાન હે સીમંધરનાથ! આપના ભરતક્ષેત્રના
ભક્તોની વિનંતિ સ્વીકારીને આપ વહેલા વહેલા વિહાર કરીને આ ભરતે પધારો..... ’
માહ વદ ૯
આજથી સમૂહપૂજન, વિશેષ ભક્તિ અને સાંજે સાંજી ઈત્યાદિ કાર્યક્રમ સાથે અઠ્ઠાઈ મહોત્સવની શરૂઆત થઈ.
માહ વદ ૧૩
આજ સવારે ‘શ્રી કુંદકુંદ શ્રાવિકાશાળા’નું ઉદ્ઘાટન થયું. સવારે પૂ. ગુરુદેવશ્રીના મંગલ પ્રવચન બાદ,
શ્રાવિકાશાળાનું ઉદ્ઘાટન કરવા માટે પ્રવચનમંડપેથી મુમુક્ષુઓનું સરઘસ નીકળીને શ્રાવિકાશાળાએ આવ્યું હતું...આ
વખતે અજમેરની ભજનમંડળી પણ આવી ગઈ હતી ને સરઘસમાં સાથે જોડાઈ હતી. શ્રાવિકાશાળાના ઉદ્ઘાટન બાદ
પૂ. ગુરુદેવશ્રીએ ત્યાં માંગલિક તરીકે ‘वंदित्तु सव्वसिद्धे ઉપર પ્રવચન કરીને સિદ્ધોની સ્થાપના કરી હતી.
આ પ્રસંગે, મુમુક્ષુ બેનોના રહેવાસની અગવડતા દૂર કરવા ૨૦ નવા રૂમ બંધાવવાનું નક્કી થતાં, તે માટે
એક રૂમના ખર્ચના રૂ. ૧૫૦૦–તરીકે નીચે મુજબ રકમોની જાહેરાત થઈ હતી:
૩૦૦૦ /– શેઠ કાળીદાસ રાઘવજી તરફથી રૂમ ૨ ના
૧૫૦૦ /– શેઠ બેચરલાલ કાળીદાસના ધર્મપત્ની હરકોર બેન તરફથી રૂમ ૧ ના
૩૦૦૦ /– શેઠ નેમિદાસ ખુશાલદાસ તથા તેમના ધર્મપત્ની કંચનબેન તરફથી રૂમ ૨ ના
૩૦૦૦ /– શેઠ ખીમચંદ જેઠાલાલ તથા તેમના માતુશ્રી તરફથી રૂમ ૨ ના
૧૫૦૦ /– શેઠ મોહનલાલ વાઘજીભાઈ તરફથી રૂમ ૧ ના
૧૨૦૦૦ /–
ઉપર પ્રમાણે ૮ રૂમની રકમો નોંધાણી છે.
માહ વદ ૧૪ :
ચાલુ કાર્યક્રમ ઉપરાંત આજે બપોરે ૧ થી ૨ નિર્વિચિકિત્સાગુણસૂચક ઉદયન રાજાનો સંવાદ બાળકોએ
ભજવ્યો હતો. તેમાં પાંચ વર્ષના બાળકે પણ પ્રશંસનીય કામ કર્યું હતું.
બપોરે પ્રવચન બાદ ભજનમંડળ દ્વારા જિનેન્દ્ર ભક્તિ થઈ હતી; તે વખતે ‘ગોદી લે લે....ગોદી લે લે....
ગોદી લે લે....જી’–એ ભક્તિ દ્વારા જન્મકલ્યાણક પ્રસંગનું વર્ણન કર્યું હતું; અને તેમાં જ્યારે ‘ઈન્દ્રાણી બાલ–
તીર્થંકરને ગોદીમાં લ્યે છે’ એ દ્રશ્ય આવ્યું ત્યારે મુમુક્ષુ ભક્તો અતિ આનંદિત થયા હતા. તે ઉપરાંત મંડળીએ
જન્માભિષેક વગેરે દ્રશ્યો પણ ભક્તિ ભરેલા નૃત્ય દ્વારા દેખાડયા હતા.
સાંજે નેમનાથ પ્રભુજી પાસે ‘ઓ....! નેમિજિનેશ્વરજી....’ એ સ્તુતિ દ્વારા રાજીમતિની વૈરાગ્યભરી
વિનતિરૂપ ભક્તિ કરી હતી.
રાત્રે ‘સર્પનૃત્ય’ના દ્રશ્ય દ્વારા જૈનધર્મનો મહિમા બતાવ્યો હતો. એક વ્યક્તિને સર્પ કરડતાં તે બેભાન થઈ જાય
છે, ને કોઈ જિનેન્દ્રભક્ત ત્યાંથી નીકળતાં કરુણાબુદ્ધિથી જિનેન્દ્રભક્તિનો શ્લોક બોલીને તેના ઉપર જળ છાંટે છે ને તેનું
ઝેર ઊતરી જતાં તે જિનેન્દ્રદેવની અતિ પ્રેમપૂર્વક ભક્તિ કરે છે.–આવું દ્રશ્ય સર્પનૃત્યમાં બતાવવામાં આવ્યું હતું.
પછી ‘આરતિનૃત્ય’ થયું હતું. તેમાં બે હાથમાં બે દીપકો અખંડ જલતા રાખીને પ્રભુજી સન્મુખ
ભક્તિનૃત્ય કર્યું હતું....એ દ્રશ્ય જોતાં જિજ્ઞાસુ ભક્તોને