ATMADHARMA Regd. No. B. 4787
• સુવર્ણપુરી સમાચાર •
મંગલ કામના
પરમ પૂજ્ય ગુરુદેવ સુખશાંતિમાં બિરાજે છે; વૈશાખ સુદ બીજે તેઓશ્રીના ૬૬મા વર્ષમાં મંગળપ્રવેશ
પ્રસંગે આપણે સૌ ભક્તજનો મંગલકામનાપૂર્વક તેઓશ્રીનું દીર્ઘાયુષ ઈચ્છીએ છીએ.
વ્યાખ્યાન
સવારના વ્યાખ્યાનમાં હાલ પ્રવચનસાર વંચાય છે, તથા બપોરના વ્યાખ્યાનમાં નિયમસાર વંચાય છે.
આ ઉપરાંત રાત્રિચર્ચા ભક્તિ વગેરે કાર્યક્રમ નિયમિત ચાલે છે.
કારણશુદ્ધપર્યાયની લેખમાળા
નિયમસારની ‘કારણશુદ્ધપર્યાય’ સંબંધમાં પૂ. ગુરુદેવના ખાસ પ્રવચનોની લેખમાળા આવતા અંકથી
આત્મધર્મમાં શરૂ થશે. પૂ. ગુરુદેવના પ્રવચનોમાંથી આ વિષયની જરાક ઝાંખી આ અંકમાં આપી છે. આ
વિષયની વિસ્તારથી છણાવટ કરીને સ્પષ્ટતાપૂર્વક કારણશુદ્ધપર્યાયનું મહત્ત્વ સમજાવનારા પ્રવચનો આગામી
અંકથી શરૂ થશે. આ લેખમાળા લગભગ આઠ અંક સુધી ચાલશે.
ક્રમબદ્ધપર્યાયનાં તેર પ્રવચનો
‘ક્રમબદ્ધપર્યાય’ નું ખાસ સ્પષ્ટીકરણ કરીને તેનું મૂળભૂત તાત્પર્ય સમજાવનારા, પૂ. ગુરુદેવના તેર
પ્રવચનો આત્મધર્મમાં પ્રસિદ્ધ થઈ ગયા છે, તે જિજ્ઞાસુઓએ વાંચ્યા હશે આ પ્રવચનો દરેક જિજ્ઞાસુએ વાંચવા
જેવા છે. હજી પણ આત્મધર્મના ગ્રાહક થનારને આ ક્રમબદ્ધપર્યાયના તેર પ્રવચનો મળી શકે છે, ઉપરાંત
કારણશુદ્ધપર્યાયના પ્રવચનો પણ મલશે.
માનસ્તંભ – મહોત્સવ
ચૈત્ર સુદ દસમીએ માનસ્તંભ–પ્રતિષ્ઠાનો વાર્ષિક મહોત્સવ ઘણા ઉલ્લાસ અને ધામધૂમપૂર્વક ઊજવાયો હતો,
ચારે બાજુ ભવ્ય શણગારની વચ્ચે શોભતો દિવ્ય માનસ્તંભ, શ્રી જિનેન્દ્રદેવના વૈભવનો મહિમા બતાવતો હતો. એ
દિવસે સવારમાં શ્રી દેવ–ગુરુ–શાસ્ત્ર દર્શન અને માનસ્તંભને પ્રદક્ષિણા બાદ ભક્તિપૂર્વક માનસ્તંભની ચતુર્દિશામાં
સમૂહપૂજન થયું હતું. પૂ. ગુરુદેવના ખાસ પ્રવચન બાદ શ્રી જિનેન્દ્રભગવાનની રથયાત્રા નીકળી હતી. બપોરના
પ્રવચન પછી માનસ્તંભના ચોગાનમાં માનસ્તંભ સન્મુખ ભક્તિ થઈ હતી. રાત્રે પણ ભક્તિ થઈ હતી.
મહવર જન્મકલ્યણક ઉત્સવ
ચૈત્ર સુદ તેરસના રોજ ભગવાન શ્રી મહાવીરપ્રભુનો જન્મકલ્યાણક ઉત્સવ હતો, અને સાથે સાથે પૂ.
ગુરુદેવના પરિવર્તનનો પણ આ જ દિવસ હોવાથી, આજનું સવારનું પ્રવચન ‘સ્ટાર ઓફ ઇંડિયા’ ના મકાનમાં
જ્યાં પૂ. ગુરુદેવે ૨૦ વર્ષ પહેલાંં પરિવર્તન કર્યું હતું ત્યાં થયું હતું. પ્રવચન માટે સ્વાધ્યાયમંદિરેથી પૂ. ગુરુદેવ
સાથે ભક્તમંડળ મહાવીરભગવાનની ધૂન ગાતાં ગાતાં સરઘસ આકારે બેન્ડવાજા સહિત ગયા હતા અને ત્યાં પૂ.
ગુરુદેવે મહાવીરભગવાનના આંતરિક–અત્મિકજીવન ઉપર ખાસ પ્રવચન કર્યું હતું. આ ઉપરાંત સવારમાં
મહાવીરપૂજન અને બપોરે ભગવાનના જન્મોત્સવ સંબંધી ખાસ ભક્તિ થઈ હતી.
જૈનદર્શનશિક્ષણવર્ગ
સોનગઢમાં દર વર્ષની માફક આ વર્ષે પણ ઉનાળાની રજાઓ દરમિયાન વૈશાખ વદ ત્રીજ ને સોમવાર
તા. ૯–પ–પપ થી શરૂ કરીને, જેઠ સુદ નોમ ને સોમવાર તા. ૩૦–પ–પપ સુધી વિદ્યાર્થીઓને જૈનદર્શનના
અભ્યાસ માટે શિક્ષણવર્ગ ખોલવામાં આવશે. વિદ્યાર્થીઓ ઉપરાંત બીજા જિજ્ઞાસુ જૈનબંધુઓ પણ આ વર્ગનો
લાભ લઈ શકશે. વર્ગમાં દાખલ થનારને માટે જમવાની તથા રહેવાની વ્યવસ્થા શ્રી જૈન સ્વાધ્યાય મંદિર ટ્રસ્ટ
તરફથી થશે. વર્ગ પૂરો થયા પછી પરીક્ષા લઈને પ્રમાણપત્ર આપવામાં આવશે.
આ શિક્ષણ વર્ગમાં દાખલ થવા જેમની ઈચ્છા હોય તેમને સૂચના મોકલી દેવી અને વર્ગમાં હાજર થઈ
જવું. –શ્રી જૈન સ્વાધ્યાય મંદિર, સોનગઢ (સૌરાષ્ટ્ર)
તા. ક:– વર્ગમાં આવનાર દરેક વિદ્યાર્થીએ પોતાનું બીછાનું જરૂર સાથે લાવવું.
મુદ્રક:– જમનાદાસ માણેકચંદ રવાણી, અનેકાન્ત મુદ્રણાલય: વલ્લભવિદ્યાનગર (ગુજરાત)
પ્રકાશક:– શ્રી જૈન સ્વાધ્યાય મંદિર ટ્રસ્ટ વતી જમનાદાસ માણેકચંદ રવાણી, વલ્લભવિદ્યાનગર (ગુજરાત)