ભગવાની પ્રસાદી
આચાર્યદેવ કહે છે કે મારા આત્મા સમસ્ત
નિજવૈભવથી હું આ સમયસારમાં એકત્વ–વિભક્ત
આત્માનું સ્વરૂપ કહીશ. નિજવૈભવનું વર્ણન કરતાં તેઓશ્રી
કહે છે કે પર–અપર ગુરુઓએ એટલે કે તીર્થંકરોએ અને
ગણધરાદિ ગુરુઓએ પરમ અનુગ્રહપૂર્વક અમને ઉપદેશ
આપ્યો.... શું ઉપદેશ આપ્યો? –શુદ્ધાત્મતત્ત્વનો ઉપદેશ
આપ્યો.... તેનાથી મારા નિજવૈભવનો જન્મ થયો છે.
સર્વજ્ઞથી માંડીને અમારા ગુરુ પર્યંતના સર્વે ગુરુઓએ
અમને પરમ અનુગ્રહ પૂર્વક શુદ્ધાત્મતત્ત્વનો જ ઉપદેશ
આપ્યો છે.... ચારે અનુયોગમાં એ જ ઉપદેશ આપ્યો.... એ
જ ભગવાનની ને ગુરુઓની પ્રસાદી છે. ભગવંતોએ અને
ગુરુઓએ અમારા ઉપર પ્રસન્ન થઈને અમને પ્રસાદી તરીકે
શુદ્ધાત્માનો ઉપદેશ આપ્યો.... ને અમે ઝીલ્યો..... ભગવાને
પ્રસન્ન થઈને પ્રસાદીરૂપે જે શુદ્ધાત્મતત્ત્વનો ઉપદેશ અમને
આપ્યો તે જ અમે અહીં બતાવશું.
ઉપદેશ મળ્યો, તેનાથી અમારો નિજવૈભવ પ્રગટ્યો છે.
વિકારના કે નિમિત્તના ઉપદેશથી નિજવૈભવ નથી પ્રગટ્યો
પણ શુદ્ધાત્મતત્ત્વના ઉપદેશથી જ નિજવૈભવ પ્રગટ્યો છે.
અશુદ્ધતા હોવા છતાં શુદ્ધાત્મતત્ત્વનો જ ઉપદેશ ભગવાને
આપ્યો છે. ભગવાનના ઉપદેશમાં અશુદ્ધતાનું ને નિમિત્તોનું
જ્ઞાન તો કરાવ્યું છે પણ તેની મુખ્યતા નથી કરાવી,
શુદ્ધાત્માની જ મુખ્યતા (–આદર, આશ્રય) કરાવેલ છે, માટે
ભગવાને શુદ્ધાત્માનો જ ઉપદેશ આપ્યો છે.
ભગવાને અને સંતોએ અનુગ્રહપૂર્વક–કૃપાપૂર્વક–
પ્રસન્નતાપૂર્વક અમને જે ઉપદેશ આપ્યો તેમાં અમને
શુદ્ધાત્મતત્ત્વનો જ ઉપદેશ આપ્યો.... અમને સ્વીકારીને–
અનુગૃહીત કરીને શુદ્ધાત્મતત્ત્વ શીખવ્યું.... તે સર્વજ્ઞોના અને
સંતોના સર્વ ઉપદેશનો જે સાર છે તે અમે નિજવૈભવથી આ
સમયસારમાં દર્શાવીએ છીએ.... આ સમયસારમાં જેવું
શુદ્ધાત્મસ્વરૂપ દર્શાવીએ છીએ તેવો જ ઉપદેશ કરીને જે જે
પુણ્યને ધર્મ મનાવે તેણે ખરેખર જૈનશાસનનો ઉપદેશ
મળ્યો જ નથી, ભગવાનનો કે સંતોના અનુગ્રહ તેના ઉપર
થયો જ નથી. (–સ. ગા. ૫ ઉપરના પ્રવચનમાંથી)
• • • • •