Atmadharma magazine - Ank 161 (Original language). Page: 17.

સૌથી પહેલી કુંથુનાથ ભગવાનની ટૂંક આવે છે. ત્યાં દર્શન અને ચરણસ્પર્શ કરીને સૌએ અર્ઘ ચડાવ્યો.....
સમ્મેદશિખરજી તીર્થ ઉપરથી આ ચોવીસીના ૨૦ તીર્થંકર ભગવંતો તેમજ કરોડો મુનિવરો મોક્ષ પામ્યા છે; ઉપર ૨પ
ટૂંકો છે. તેમાં ભગવાનના ચરણકમળ બિરાજે છે. પહેલી ટૂંકે શરૂઆતમાં પૂ. ગુરુદેવે એક સ્તવન ગવડાવ્યું હતું.....તેમાં
વચ્ચે કહ્યું કેઃ જુઓ, અહીંથી અનંતા તીર્થંકરો ને મુનિઓ મોક્ષ પધાર્યા છે, તે અનંતા સિદ્ધ ભગવંતો અત્યારે
ઉપર બિરાજી રહ્યા છે.....ઉપર પંક્તિમાં અનંત સિદ્ધ ભગવંતો બિરાજે છે, તેનાં અહીં સ્મરણ થાય છે.....

આજે આ મહામંગળ પ્રસંગ છે.

* અહીંથી અનંતા જીવો મોક્ષ પામ્યા છે તેથી આ ભૂમિ મંગળ છે.

* આજે ભગવાનના મોક્ષનો દિવસ છે તેથી આ કાળ પણ મંગળ છે.

* આત્મદ્રવ્ય અલ્પકાળમાં મોક્ષ પામનાર છે તે દ્રવ્ય પણ મંગળ છે.

* અને આજનો ભાવ પણ મંગળ છે.

આ રીતે આપણે બધું મંગળ છે.

ગુરુદેવના શ્રીમુખેથી, શાશ્વત તીર્થરાજની યાત્રાના પ્રારંભમાં આ પ્રમાણે માંગળિક સાંભળતાં સૌ

ભક્તજનોએ આનંદપૂર્વક હર્ષનાદ વ્યક્ત કર્યો હતો.

ત્યાર બાદ ભક્તિ ચાલતાં ચાલતાં ગુરુદેવ કહે કે–આ કુંથુનાથ પ્રભુની પહેલી ટૂંક છે. “કૂંથુ” નો અર્થ પૃથ્વીમાં

સ્થિત; જ્ઞાન–આનંદ વગેરે અનંત ગુણોસ્વરૂપ ચૈતન્ય–પૃથ્વીમાં ભગવાન સ્થિર રહેનારા છે. આમ તો અહીંની કાંકરી–
કાંકરીએ અનંતા જીવો મોક્ષ ગયા છે, પણ નજીકના કાળને હિસાબે વર્તમાન ચોવીસીમાં શ્રી કુંથુનાથ ભગવાન અહીંથી
મોક્ષ ગયા છે. અનંતા સિદ્ધ ભગવંતો અહીં આપણા શીર ઉપર બિરાજે છે; મોક્ષપદ જગતમાં સૌથી શ્રેષ્ઠ છે તેથી તેઓ
લોકમાં સૌથી શ્રેષ્ઠ–ઊંચા સ્થાને બિરાજે છે. ઇત્યાદિ ઘણા ઘણા પ્રકારે ગુરુદેવ સિદ્ધ ભગવંતોનો મહિમા ભક્તજનોને
સમજાવતા હતા....ને “આવા સિદ્ધભગવંતોને તમારા હૃદયમાં સ્થાપીને તેમનું ધ્યાન કરો.” એવી પ્રેરણા ભક્તોના
હૃદયમાં જગાડતા હતા. ત્યારબાદ પૂ. બેનશ્રીબેને પણ નવા નવા સ્તવનો દ્વારા અદ્ભુત ભક્તિ કરાવી હતી. તીર્થધામ
હજારો ભક્તોથી ઉભરાઈ ગયું હતું.....ને ચારે કોરના રસ્તા યાત્રાળુઓથી છવાઈ ગયા હતા.

એક પછી એક ટૂંકની યાત્રા કરતા કરતા, ને ભક્તિપૂર્વક અર્ઘ ચડાવતા ચડાવતા, સુપાર્શ્વનાથ પ્રભુની ટૂંકે

આવ્યા...આ ભગવાનનો આજે મોક્ષકલ્યાણક હોવાથી અહીં ખાસ ભક્તિ થઈ. ગુરુદેવે સુપાર્શ્વનાથપ્રભુના
ચરણકમળનો ભાવપૂર્વક અભિષેક કર્યો.....ને પછી “હું એક શુદ્ધ સદા અરૂપી.....જ્ઞાનદર્શનમય ખરે” એ ધૂન
બોલ્યા....તેમજ “ અપૂર્વ અવસર” ની કેટલીક ગાથાઓ ઘણા જ ઉપશાંત ભાવથી બોલ્યા હતા..... તે વખતનું
વાતાવરણ ભક્તિથી ને ઉપશાંત ભાવનાથી છવાઈ ગયું હતું.

ત્યારબાદ છેલ્લી પાર્શ્વનાથ ભગવાનની ટૂંકે પણ પૂ. ગુરુદેવ એ સ્તવનો ભક્તિપૂર્વક ગવડાવ્યા હતા. છેલ્લે

પૂ. બેનશ્રીબેને એક સ્તવન ગવડાવ્યું હતું......ને આ રીતે ઘણા આનંદ અને જયજયકારપૂર્વક પૂ. ગુરુદેવની સંઘસહિત
શાશ્વત તીર્થધામની યાત્રા પૂર્ણ થઈ હતી.....

શાશ્વત તીર્થધામ શ્રી સમ્મેદશિખરજી ધામકી જય હો.

ૐ

ઃ ૧૬ઃ આત્મધર્મઃ ૧૬૧

< Previous Page Next Page >