____________________________________________________________________________
વર્ષ સત્તરમું: અંક ૯ મો સંપાદક: રામજી માણેકચંદ દોશી અષાડ : ૨૪૮૬
____________________________________________________________________________
સર્વજ્ઞની કૃપાનું ફળ મોક્ષ છે.
આ જેઠ વદ ત્રીજની સવારમાં સીમંધર ભગવાનના દર્શન
બાદ ગુરુદેવે ભાવભીના ચિત્તે કહ્યું કે: “ભગવાન સર્વજ્ઞદેવની
કૃપાનું ફળ મોક્ષ છે; અને જ્ઞાનસ્વભાવનો જેણે નિર્ણય કર્યો છે તેના
ઉપર ભગવાન સર્વજ્ઞની કૃપા છે, તેની નિકટ મુક્તિ સર્વજ્ઞ ભગવાન
દેખી રહ્યા છે, એ જ ભગવાનની કૃપા છે.”
પોતાના જ્ઞાનમાં જેણે સર્વજ્ઞનો નિર્ણય કર્યો છે અને
અંતર્મુંખ થઈને જ્ઞાનસ્વભાવની સમ્યક્ પ્રતીતિ–જ્ઞાન–રમણતા પ્રગટ
કરીને જે મોક્ષમાર્ગી થયો છે એવો ધર્માત્મા સર્વજ્ઞના ઉપકારની
પ્રસિદ્ધિ કરતાં કહે છે કે અહો પરમાત્મા! આપની મારા ઉપર કૃપા
થઈ.....આપની કૃપાના પ્રસાદથી જ હું મોક્ષમાર્ગ પામ્યો....મોક્ષરૂપ
પરમઆનંદ તે ખરેખર આપની કૃપાનું જ ફળ છે. –કોણ કહે આમ!
કે જેણે પોતાના હૃદયમાં સર્વજ્ઞને બેસાડીને, જ્ઞાનસ્વભાવની શ્રદ્ધા
કરી છે, એટલે અંતર્મુખ થઈને ચિદાનંદ પરમાત્માની પ્રસન્નતા જેણે
મેળવી છે.......તે વિનયના પ્રસંગે ઉપકારીનો ઉપકાર પ્રસિદ્ધ કરતાં
કહે છે કે અહો નાથ! આપ મારા ઉપર પ્રસન્ન થયા......આપની
પ્રસાદીથી જ હું પરમ આનંદ પામ્યો....આપના અનુગ્રહરૂપ કૃપાથી
જ હું મોક્ષમાર્ગ પામ્યો.
–આ રીતે સાધક સન્તો ઉપર સર્વજ્ઞની કૃપા છે.
૨૦૧