: કારતક : ૨૪૯૩ આત્મધર્મ : ૧ :
વર્ષ ૨૩
વાર્ષિક લવાજમ અંક ૧
ત્રણ રૂપિયા વીર સં. ૨૪૯૩
કારતક
મહાવીર ભગવાન મોક્ષ પામ્યા, એ વીરનિર્વાણનુંં ૨૪૯૩મું વર્ષ બેઠું.
વીરનિર્વાણનું આ બેસતું વર્ષ કારતક સુદ એકમે નહિ પણ આસો વદ
અમાસે બેઠું. ભગવાન એ દિવસે (પરોઢિયે) મોક્ષ પધાર્યા હતા.
જે દિવસે ભગવાન મોક્ષ પધાર્યા, ગૌતમગણધર તે જ દિવસે
કેવળજ્ઞાન પામ્યા.
અને જે દિવસે ગણધરજી કેવળજ્ઞાન પામ્યા, સુધર્માચાર્ય તે જ દિવસે
શ્રુતકેવળી થયા.
એટલે મોક્ષપદ, અરિહંતપદ ને શ્રુતકેવળીપદ ત્રણેનો ઉત્સવ એક જ
દિવસે–આસો વદ અમાસે થયો. એ દિવસે આપણે ય એ ત્રણે પદની
ભાવના ભાવીને જ્ઞાનદીપક પ્રગટાવીએ.. આત્માને દીપાવીએ...ને એ રીતે
દીપાવલીપર્વ ઉજવીએ. આત્મામાં નવા નવા મંગલ ભાવો પ્રગટાવીને નવું
વર્ષ બેસાડીએ...ને વીરમાર્ગે જઈએ. શ્રદ્ધા–જ્ઞાનના ઊજવળ દીપકોથી
ધર્મીનું જીવન દીપી રહ્યું છે. એ શ્રદ્ધાદીપ ને જ્ઞાનજ્યોત પ્રગટાવવાની રીત
ગુરુદેવ જેવા સન્તો આપણને દેખાડી રહ્યા છે...વીરપ્રભુ જે માર્ગે
સિદ્ધપુરીમાં સીધાવ્યા તે માર્ગે પોતે જઈ રહ્યા છે ને આપણને ય સાથે
આવવા કહે છે કે તમે પણ આ વીરમાર્ગે ચાલ્યા આવો.
ચાલો, એ વીરમાર્ગપ્રકાશી સન્તોની સાથે સાથે આપણેય વીરમાર્ગે જઈએ.