: ૪૦ : આત્મધર્મ : ફાગણ : ૨૪૯૩
મોક્ષ પામ્યા ને જગતને પણ કેવો માર્ગ ઉપદેશ્યો–તે વાત સમજાવી હતી. તથા મોક્ષમાર્ગ
પ્રકાશકમાંથી બે નયોનું સ્વરૂપ, બે નયોના અર્થ સમજવાની રીત, અને યથાર્થ
વસ્તુસ્વરૂપ કઈ રીતે સમજવું–તે સંબંધી વિવેચન કર્યું હતું. પ્રવચન પછી શ્રી
જિનેન્દ્રભગવાનની ભક્તિ પણ ત્યાં સ્મારકભવનમાં જ થઈ હતી. ત્યારપછી
સ્મારકભવનના ચૈત્યાલયમાં ભગવાન સીમંધરપ્રભુની પ્રતિષ્ઠા થઈ હતી. અહા,
પ્રભુજીની પ્રતિષ્ઠા પ્રસંગે શેઠ પૂરણચંદજી ગોદિકા અને તેમનો પરિવાર, તથા જયપુરના
મુમુક્ષુઓ તેમ જ સૌરાષ્ટ્ર–ગુજરાતના મુમુક્ષુઓ હર્ષોલ્લાસથી નાચી ઊઠ્યા હતા.
ગુરુદેવના સુહસ્તે સીમંધરનાથની પ્રતિષ્ઠા દેખીને શેઠ પૂરણચંદજી તો હાથમાં ચામર
લઈને ઉલ્લાસથી નાચી ઊઠ્યા હતા. પ્રભુજીની પ્રતિષ્ઠા શેઠ ગોદિકાજીએ તથા તેમના
સુપુત્રોએ કરી હતી. આ સમસ્ત ઉત્સવનું ખર્ચ, તેમજ સ્મારકભવનનું બધું ખર્ચ શ્રી
ગોદિકા પરિવાર તરફથી (–એકલા તરફથી) કરવામાં આવ્યું હતું. તેમની આટલી
ઉદારતા તથા આવી નમ્રતા, ધાર્મિક પ્રેમ ને ઉત્સાહ–તે પ્રશંસનીય છે; ગુરુદેવ પણ તેની
પ્રશંસા કરતા હતા. અહા, અમારા આંગણે સીમંધરનાથ ભગવાન પધાર્યા–એવા
અંતરંગ ઉમંગથી સીમંધરભગવાનની પ્રતિષ્ઠા થઈ. પ્રતિષ્ઠા વખતનો હજારો ભક્તોનો
હર્ષોલ્લાસ હૈયામાં સમાતો ન હતો. પ્રભુજીની પ્રતિષ્ઠા પછી કલશ તથા ધ્વજારોહણ થયું,
તથા જિનવાણીમાતા સમયસારની પણ સ્થાપના ગુરુદેવના સુહસ્તે થઈ; પછી આ જ
દિવસે બપોરે ગોદિકાજીના શહેરના ચૈત્યાલયમાં પણ જિનેન્દ્રભગવાનની પ્રતિષ્ઠા થઈ.
બપોરનું પ્રવચન તથા ભક્તિ સ્મારકભવનમાં થયા હતા.
તે સર્વે જિનેન્દ્રોને તથા જિનવાણીમાતાને નમસ્કાર!
શ્રી પંડિત ટોડરમલજી–સ્મારકભવન ૧૦પ×૬પ ફૂટનું ઘણું વિશાળ, વચ્ચે
થાંભલા વગરનું છે. ભવનની બંને બાજુ ઉપર–નીચે ૩૪ કમરા છે. નીચેના એક
કમરામાં સીમંધરસ્વામીનું ચૈત્યાલય છે. આધુનિક સુવિધા સહિત સ્મારકભવન
સુશોભિત બન્યું છે, ને દીવાલો ઉપર ઐતિહાસિક ચિત્રો શોભે છે.
પં. શ્રી ટોડરમલજીને બસો વર્ષ પૂર્ણ થતા હોવાથી ટોડરમલજી–દ્વિશતાબ્દિ
મહોત્સવ પણ ઉજવવામાં આવ્યો હતો. તે દ્વિશતાબ્દિ મહોત્સવનું ઉદ્ઘાટન પણ આજે
રાત્રે થયું હતું.
मंगलमय मंगलकरण वीतरागविज्ञान।
नमों ताहि जातें भये अरहन्तादि महान।।