રજતજયંતિનું વર્ષ
૩૦૦
સિદ્ધપ્રભુની સાથમાં
સાધક કહે છે–હે સિદ્ધ ભગવાન! આપને સાથે
રાખીને હું સિદ્ધપદમાં આવી રહ્યો છું. પ્રભો! અમારા
સાધકપણામાં આપ અમારી સાથે જ છો. આપને
અંતરમાં સાથે રાખીને જ અમે સિદ્ધપદને સાધવા
નીકળ્યા છીએ. પ્રભો! રાગાદિ પરભાવોનો સાથ તો મેં
છોડી દીધો છે, અને હવે તો પરમ સ્વભાવરૂપ
સિદ્ધપદનો સાથ મેં લીધો છે; અમારી સાધનામાં હવે
ભંગ પડવાનો નથી; કેમકે જ્યાં સિદ્ધ બિરાજે ત્યાં મોહ
કેમ થાય? અંતરમાં અમે અમારા ચિદાનંદસ્વભાવ
તરફ ઝુકીને સિદ્ધ ભગવાનનો સાથ લીધો છે;
પરભાવથી હવે અમે ભિન્ન થયા છીએ, ને સિદ્ધાલયમાં
અનંત સિદ્ધભગવંતોની પંક્તિમાં બેસવાના છીએ.
(–સમયસારના મંગલપ્રવચનમાંથી)
તંત્રી જગજીવન બાવચંદ દોશી • સંપાદક : બ્ર. હરિલાલ જૈન
વીર સં. ૨૪૯૪ આસો (લવાજમ : ચાર રૂપિયા) વર્ષ ૨પ : અંક ૧૨