એકવાર નદીકિનારે એક
જ્ઞાનીધર્માત્મા બેઠા હતા; તેમની પાસે એક
બાળક બેઠો હતો અને વાતચીત કરતો હતો.
• એવામાં ત્યાંથી કોઈ એક જીવ
પસાર થયો....બાળકે ધર્માત્માને પૂછયું: આ
કોણ છે? ધર્માત્માએ કહ્યું: ઈ બાંધે છે ઝાઝું
પણ છોડે છે થોડું’ બાળક વિચારમાં પડી
ગયો કે ઈ કોણ?
• ત્યાં તો બીજો એક જીવ આવીને
ધર્માત્માની સાથે જ બેઠો.......બાળકે પૂછયું:
આ કોણ? ત્યારે ધર્માત્માએ કહ્યુ: ઈ “છોડે
છે ઝાઝું પણ બાંધ છે થોડું”
• હજી તો બાળક વિચાર કરે છે કે
ઈ કોણ? –ત્યાં તો આકાશમાં ઉપર એક જીવને પસાર થતાં દેખીને તેના આર્શ્ચયનો
પાર ન રહ્યો.....તરત જ તેણે પૂછયું: ‘આ વળી કોણ? ધર્માત્માએ તે જીવ પ્રત્યે હાથ
જોડીને કહ્યું: છોડે છે બધુંય પણ બાંધતા નથી જરાય’ બાળકને થયું કે વિચાર કરીને
હમણાં જ એને ઓળખી કાઢું.
• ત્યાં તો એક ચોથો જીવ તે બાળકના લક્ષમાં આવ્યો, અને તરત ધર્માત્માને
પૂછયું કે ઈ કોણ? –ધર્માત્માએ આંખ મીંચીને કહ્યું: ઈ તો “બાંધતાય નથી ને
છોડતાય નથી.” બાળક વિચારમાં પડી ગયો કે ઈ કોણ?
• હજી પણ એ બાળક વિચારમાં જ છે.....ને એ ચારે જીવોને ઓળખવા
મહેનત કરી રહ્યો છે......તમે એને મદદ કરશો?
• ચાર જીવોને ઓળખી કાઢો •
(૧) બાંધે છે ઝાઝું પણ છોડે છે થોડું:
(૨) છોડે છે ઝાઝું પણ બાંધે છે થોડું:
(૩) છોડે છે બધુંય પણ બાંધતા નથી જરાય:
(૪) બાંધતાય નથી ને છોડતાય નથી: