isaprakAr shrI kundakunda AchAryakR^it gAthAbaddha pAhuDagra.nth hai, isame.n ye pAhuD hai.n, inakI yah deshabhAShAvachanikA likhI hai. Chah pAhuD kI to TIkA TippaN hai. iname.n TIkA to shrutasAgar kR^it hai aur TippaN pahile kisI or ne kiyA hai. iname.n kai gAthA tathA artha anya prakAr hai.n, mere vichAr me.n AyA unakA Ashray bhI liyA hai aiAr jaisA artha mujhe pratibhAShit huA vaisA likhA hai. li.ngapAhuD aur shIlapAhuD in dono.n pAhuD kI TIkA TippaN milI nahI.n isaliye gAthAkA artha jaisA prati bhAs me.n AyA vaisA likhA hai.
shrI shrutasAgarakR^it TIkA aShTapAhuD kI hai, usame.n granthAntar kI sAkShI Adi kathan bahut hai vah us TIkA kI vachanikA nahI.n hai, gAthA kA arthamAtra vachanikA kar bhAvArtha me.n merI pratibhAsame.n AyA usake anusAr artha likhA hai. prAkR^it vyAkaraNAAdi kA j~nAn mere me.n visheSh nahI.n hai isaliye kahI.n vyAkaraN se tathA Agam se shabda aur artha apabhra.nsh huA hoto buddhimAn pa.nDit mUlagra.nth vichAr kar shuddha karake pa.DhnA, mujhe alpabuddhi jAnakar ha.NsI mat karanA, kShamA karanA, satpuruSho.n kA svabhAv uttam hotA hai, doSh dekhakar kShamA hI karate hai.n. yahA.N koI kahe–––tumhArI buddhi alpa hai to aise mahAn grantha kI vachanikA kyo.n kI? usako aisA kahanA ki isakAl me.n mere se bhI ma.ns buddhi bahut hai.n, unake samajhane ke liye kI hai. isame.n samyagdarshan ko dR^i.Dh.h.h karane kA pradhAn rUp se varNan hai, isaliye alpa buddhi bhI vA.Nche pa.Dhe.n artha kA dhAraN kare.n to unake jinamat kA shraddhAn dR^i.Dh.h.h ho. yah prayojan jAnakar jaisA artha pratibhAs me.n AyA vaisA likhA hai or jo ba.De buddhimAn hai.n ve mUl grantha ko pa.Dh.h.h kar hI shraddhAn dR^i.Dh.h.h kare.nge, mere koI khyAti lAbh pUjA kA to prayojan hai nahI.n, dharmAnurAg se yah vachanikA likhI hai, isaliye buddhimAno.n ke kShamA hI karane yogya hai.
is grantha ke gAthA kI sa.nkhyA aise hai–––pratham darshanapAhuD kI gAthA 36. sUtrapAhuDakI gAthA 27. chAritrapAhuD kI gAthA 45. bodhapAhuDakI gAthA 61. bhAvapAhuDakI gAthA 165. mokShapAhuDakI gAthA 106. li.ngapAhuDakI gAthA 22. shIlapAhuDakI gAthA 40. aise pAhuD ATho.nkI gAthAkI sa.nkhyA 402 hai.n.
392] [aShTapAhuD