Page 6 of 212
PDF/HTML Page 21 of 227
single page version

6

‘main gnāyak aur yah par’, bākī sab jānaneke prakār hain . ‘main gnāyak hūn̐, bākī sab par’ — aisī ek dhārā pravāhit ho to usamen sab ā jātā hai, parantu svayam gaharā utaratā hī nahīn, karanekī ṭhānatā hī nahīn, isaliye kaṭhin lagatā hai ..13..

‘main hūn̐’ is prakār svayanse apane astitvakā jor ātā hai, svayam apaneko pahichānatā hai . pahale ūpar-ūparase astitvakā jor ātā hai, phi ra astitvakā gaharāīse jor ātā hai; vah vikalparūp hotā hai parantu bhāvanā joradār honese sahajarūpase jor ātā hai . bhāvanākī ugratā ho to sachchā ānekā avakāsh hai ..14..

tīrthaṅkaradevakī divyadhvani jo ki jaṛ hai use bhī kaisī upamā dī hai ! amr̥utavāṇīkī miṭhās dekhakar drākṣhen sharamākar vanavāsamen chalī gaīn aur ikṣhu abhimān chhoṛakar kolhūmen pil gayā ! aisī to jinendravāṇīkī mahimā gāyī hai; phi ra

Page 7 of 212
PDF/HTML Page 22 of 227
single page version

bahinashrīke vachanāmr̥ut

jinendradevake chaitanyakī mahimākā to kyā kahanā ! ..15..

gnān-vairāgyarūpī pānī antaramen sīñchanese amr̥ut milegā, tere sukhakā phavvārā chhūṭegā; rāg sīñchanese duḥkh milegā . isaliye gnān-vairāgyarūpī jalakā siñchan karake mukti sukharūpī amr̥ut prāpta kar ..16..

jaise vr̥ukṣhakā mūl pakaṛanese sab hāth ātā hai, vaise gnāyakabhāv pakaṛanese sab hāth āyagā . shubh- pariṇām karanese kuchh hāth nahīn āyagā . yadi mūl svabhāvako pakaṛā hogā to chāhe jo prasaṅg āyen us samay shānti — samādhān rahegā, gnātā-draṣhṭārūpase rahā jā sakegā ..17..

draṣhṭi dravya par rakhanā hai . vikalpa āyen parantu draṣhṭi ek dravya par hai . jis prakār pataṅg ākāshamen uṛatī hai parantu ḍor hāthamen hotī hai, usī prakār ‘chaitanya hūn̐’ yah ḍor hāthamen rakhanā . vikalpa āyen,

Page 8 of 212
PDF/HTML Page 23 of 227
single page version

8

parantu chaitanyatattva so main hūn̐ — aisā bārambār abhyās karanese drarḥatā hotī hai ..18..

gnānīke abhiprāyamen rāg hai vah jahar hai, kālā sām̐p hai . abhī āsakti ke kāraṇ gnānī thoṛe bāhar khaṛe hain, rāg hai, parantu abhiprāyamen kālā sām̐p lagatā hai . gnānī vibhāvake bīch khaṛe hone par bhī vibhāvase pr̥uthak hain — nyāre hain ..19..

mujhe kuchh nahīn chāhiye, kisī parapadārthakī lālasā nahīn hai, ātmā hī chāhiye — aisī tīvra utsukatā jise ho use mārga milatā hai . antaramen chaitanyar̥uddhi hai tatsambandhī vikalpamen bhī vah nahīn rukatā . aisā nispr̥uh ho jātā hai ki mujhe apanā astitva hī chāhiye . — aisī antaramen jānekī tīvra utsukatā jāge to ātmā pragaṭ ho, prāpta ho ..20..

chaitanyako chaitanyamense pariṇamit bhāvanā arthāt

Page 9 of 212
PDF/HTML Page 24 of 227
single page version

bahinashrīke vachanāmr̥ut

rāg-dveṣhamense nahīn udit huī bhāvanā — aisī yathārtha bhāvanā ho to vah bhāvanā phalatī hī hai . yadi nahīn phale to jagatako — chaudah brahmāṇḍako shūnya honā paṛe athavā to is dravyakā nāsh ho jāy . parantu aisā hotā hī nahīn . chaitanyake pariṇāmake sāth kudarat ban̐dhī huī hai — aisā hī vastukā svabhāv hai . yah ananta tīrthaṅkaroṅkī kahī huī bāt hai ..21..

gurudevako mānon tīrthaṅkar jaisā uday vartatā hai . vāṇīkā prabhāv aisā hai ki hajāron jīv samajh jāte hain . tīrthaṅkarakī vāṇī jaisā yog hai . vāṇī joradār hai . chāhe jitanī bār sunane par bhī aruchi nahīn ātī . svayam itanī sarasatāse bolate hain ki jisase sunanevālekā ras bhī jamā rahatā hai, rasabharapūr vāṇī hai ..22..

ūpar-ūparake vāñchan-vichār ādise kuchh nahīn hotā, hr̥udayase bhāvanā uṭhe to mārga saral hotā hai . ant-

Page 10 of 212
PDF/HTML Page 25 of 227
single page version

10

stalamense gnāyakakī khūb mahimā ānī chāhiye ..23..

ātmārthīko svādhyāy karanā chāhiye, vichār-manan karanā chāhiye; yahī ātmārthīkī khurāk hai ..24..

pratham bhūmikāmen shāstrashravaṇ-paṭhan-manan ādi sab hotā hai, parantu antaramen us shubh bhāvase santuṣhṭa nahīn ho jānā chāhiye . is kāryake sāth hī aisā khaṭakā rahanā chāhiye ki yah sab hai kintu mārga to koī alag hī hai . shubhāshubh bhāvase rahit mārga bhītar hai — aisā khaṭakā to sāth hī lagā rahanā chāhiye ..25..

bhītar ātmadev birājamān hai usakī sam̐bhāl kar . ab antaramen jā, aur tr̥upta ho . anant guṇasvarūp ātmāko dekh, usakī sam̐bhāl kar . vītarāgī ānandase bharapūr svabhāvamen krīṛā kar, us ānandarūp sarovaramen keli kar – usamen ramaṇ kar ..26..

Page 11 of 212
PDF/HTML Page 26 of 227
single page version

bahinashrīke vachanāmr̥ut

aise kālamen param pūjya gurudevashrīne ātmā prāpta kiyā isaliye param pūjya gurudev ek ‘achambhā’ hain . is kāl duṣhkaramen duṣhkar prāpta kiyā; svayam antarase mārga prāpta kiyā aur dūsaroṅko mārga batalāyā . unakī mahimā āj to gāyī jā rahī hai parantu hajāron varṣha tak bhī gāyī jāyagī ..27..

bhaviṣhyakā chitraṇ kaisā karanā hai vah tere hāthakī bāt hai . isaliye kahā hai ki — ‘bandh samay jīv cheto re, uday samay kyā chint !’ ..28..

gnānako dhīr-gambhīr karake sūkṣhmatāse bhītar dekh to ātmā pakaṛamen ā sakatā hai . ek bār vikalpakā jāl toṛakar bhītarase alag ho jā, phi ra jāl chipakegā nahīn ..29..

jab bīj bote hain tab pragaṭ rūpase kuchh nahīn dikhatā, tathāpi vishvās hai ki ‘is bījamense vr̥ukṣha ugegā, usamense ḍālen-patte-phalādi āyeṅge’, pashchāt

Page 12 of 212
PDF/HTML Page 27 of 227
single page version

12

usakā vichār nahīn ātā; usī prakār mūl shakti rūp dravyako yathārtha vishvāsapūrvak grahaṇ karanese nirmal paryāy pragaṭ hotī hai; dravyamen pragaṭarūpase kuchh dikhāī nahīn detā isaliye vishvās binā ‘kyā pragaṭ hogā’ aisā lagatā hai, parantu dravyasvabhāvakā vishvās karanese nirmalatā pragaṭ hone lagatī hai ..30..

samyagdraṣhṭiko gnān-vairāgyakī aisī shakti pragaṭ huī hai ki gr̥uhasthāshramamen hone par bhī, sabhī kāryommen sthit hone par bhī, lep nahīn lagatā, nirlep rahate hain; gnānadhārā evan udayadhārā donon bhinna pariṇamatī hain; alpa asthiratā hai vah apane puruṣhārthakī kamazorīse hotī hai, usake bhī gnātā rahate hain ..31..

samyagdraṣhṭiko ātmāke sivā bāhar kahīn achchhā nahīn lagatā, jagatakī koī vastu sundar nahīn lagatī . jise chaitanyakī mahimā evan ras lagā hai usako bāhya viṣhayoṅkā ras ṭūṭ gayā hai, koī padārtha sundar yā achchhā nahīn lagatā . anādi

Page 13 of 212
PDF/HTML Page 28 of 227
single page version

bahinashrīke vachanāmr̥ut

abhyāsake kāraṇ, asthiratāke kāraṇ andar svarūpamen nahīn rahā jā sakatā isaliye upayog bāhar ātā hai parantu rasake binā — sab niḥsār, chhilakoṅke samān, ras-kas shūnya ho aise bhāvase — bāhar khaṛe hain ..32..

‘jise lagī hai usīko lagī hai’....parantu adhik khed nahīn karanā . vastu pariṇamanashīl hai, kūṭastha nahīn hai; shubhāshubh pariṇām to hoṅge . unhen chhoṛane jāyagā to shūnya athavā shuṣhka ho jāyagā . isaliye ekadam jaldabājī nahīn karanā . mumukṣhu jīv ullāsake kāryommen bhī lagatā hai; sāth hī sāth andarase gaharāīmen khaṭakā lagā hī rahatā hai, santoṣh nahīn hotā . abhī mujhe jo karanā hai vah bākī rah jātā hai — aisā gaharā khaṭakā nirantar lagā hī rahatā hai, isaliye bāhar kahīn use santoṣh nahīn hotā; aur andar gnāyakavastu hāth nahīn ātī, isaliye ulajhan to hotī hai; parantu idhar-udhar na jākar vah ulajhanamense mārga ḍhūn̐rḥ nikālatā hai ..33..

Page 14 of 212
PDF/HTML Page 29 of 227
single page version

14

mumukṣhuko pratham bhūmikāmen thoṛī ulajhan bhī hotī hai, parantu vah aisā nahīn ulajhatā ki jisase mūrḥatā ho jāy . use sukhakā vedan chāhiye hai vah milatā nahīn aur bāhar rahanā posātā nahīn hai, isaliye ulajhan hotī hai, parantu ulajhanamense vah mārga ḍhūn̐rḥ letā hai . jitanā puruṣhārtha uṭhāye utanā vīrya andar kām karatā hai . ātmārthī haṭh nahīn karatā ki mujhe jhaṭapaṭ karanā hai . svabhāvamen haṭh kām nahīn ātī . mārga sahaj hai, vyarthakī jaldabājīse prāpta nahīn hotā ..34..

anant kālase jīvako ashubh bhāvakī ādat paṛ gaī hai, isaliye use ashubh bhāv sahaj hai . aur shubhako bārambār karanese shubh bhāv bhī sahaj ho jātā hai . parantu apanā svabhāv jo ki sachamuch sahaj hai usakā khyāl jīvako nahīn ātā, khabar nahīn paṛatī . upayogako sūkṣhma karake sahaj svabhāv pakaṛanā chāhiye ..35..

jo pratham upayogako palaṭanā chāhatā hai parantu

Page 15 of 212
PDF/HTML Page 30 of 227
single page version

bahinashrīke vachanāmr̥ut

antaraṅg ruchiko nahīn palaṭatā, use mārgakā khyāl nahīn hai . pratham ruchiko palaṭe to upayog sahaj hī palaṭ jāyagā . mārgakī yathārtha vidhikā yah kram hai ..36..

‘main abaddha hūn̐’, ‘gnāyak hūn̐’, yah vikalpa bhī duḥkharūp lagate hain, shānti nahīn milatī, vikalpamātramen duḥkh hī duḥkh bhāsatā hai, tab apūrva puruṣhārtha uṭhākar vastusvabhāvamen līn hone par, ātmārthī jīvako sab vikalpa chhūṭ jāte hain aur ānandakā vedan hotā hai ..37..

ātmāko prāpta karanekā jise draḍha nishchay huā hai use pratikūl sanyogommen bhī tīvra evan kaṭhin puruṣhārtha karanā hī paṛegā . sachchā mumukṣhu sadguruke gambhīr tathā mūl vastusvarūp samajhamen āye aise rahasyonse bharapūr vākyoṅkā khūb gaharā manthan karake mūl mārgako ḍhūn̐rḥ nikālatā hai ..38..

sahaj dashāko vikalpa karake nahīn banāye rakhanā paṛatā . yadi vikalpa karake banāye rakhanā paṛe to vah

Page 16 of 212
PDF/HTML Page 31 of 227
single page version

16

sahaj dashā hī nahīn hai . tathā pragaṭ huī dashāko banāye rakhanekā koī alag puruṣhārtha nahīn karanā paṛatā; kyoṅki barḥanekā puruṣhārtha karatā hai jisase vah dashā to sahaj hī banī rahatī hai ..39..

sādhak dashāmen shubh bhāv bīchamen āte hain; parantu sādhak unhen chhoṛatā jātā hai; sādhyakā lakṣha nahīn chūkatā . — jaise musāphi ra ek nagarase dūsare nagar jātā hai tab bīchamen anya-anya nagar āyen unhen chhoṛatā jātā hai, vahān̐ rukatā nahīn hai; jahān̐ jānā hai vahīṅkā lakṣha rahatā hai ..40..

sachchī utkaṇṭhā ho to mārga milatā hī hai, mārga na mile aisā nahīn banatā . jitanā kāraṇ de utanā kārya hotā hī hai . andar vedan sahit bhāvanā ho to mārga ḍhūn̐rḥe ..41..

yathārtha ruchi sahit shubhabhāv vairāgya evan upasham- rasase sarābor hote hain; aur yathārtha ruchi binā, vahake

Page 17 of 212
PDF/HTML Page 32 of 227
single page version

bahinashrīke vachanāmr̥ut

vahī shubhabhāv rūkhe evan chañchalatāyukta hote hain ..42..

jis prakār koī bālak apanī mātāse bichhuṛ gayā ho, usase pūchhen ki ‘terā nām kyā ?’ to kahatā hai ‘merī mān̐’, ‘terā gām̐v kaun ?’ to kahatā hai ‘merī mān̐’, ‘tere mātā-pitā kaun hain ?’ to kahatā hai ‘merī mān̐’, usī prakār jise ātmākī sachchī ruchise gnāyakasvabhāv prāpta karanā hai use haraek prasaṅgamen ‘gnāyakasvabhāv....gnāyakasvabhāv’ — aisī lagan banī hī rahatī hai, usīkī nirantar ruchi evan bhāvanā rahatī hai ..43..

ruchimen sachamuch apaneko āvashyakatā lage to vastukī prāpti hue binā rahatī hī nahīn . use chaubīson ghaṇṭe ek hī chintan, manthan, khaṭakā banā rahatā hai . jis prakār kisīko ‘mān̐’ kā prem ho to use mān̐kī yād, usakā khaṭakā nirantar banā hī rahatā hai, usī prakār jise ātmākā prem ho vah bhale hī shubhamen ullāsapūrvak bhāg letā ho tathāpi antaramen khaṭakā to ātmākā hī rahatā hai . ‘mān̐’ ke premavālā bhale hī ba. va. 2

Page 18 of 212
PDF/HTML Page 33 of 227
single page version

18

kuṭumba-parivārake samūhamen baiṭhā ho, ānanda karatā ho, parantu man to ‘mān̐’ men hī lagā rahatā hai : ‘are ! merī mān̐....merī mān̐ !’; usī prakār ātmākā khaṭakā rahanā chāhiye . chāhe jis prasaṅgamen ‘merā ātmā....merā ātmā !’ yahī khaṭakā aur ruchi rahanā chāhiye . aisā khaṭakā banā rahe to ‘ātma-mān̐’ mile binā nahīn rah sakatī ..44..

antarakā tal khojakar ātmāko pahichān . shubh pariṇām, dhāraṇā ādikā thoṛā puruṣhārtha karake ‘mainne bahut kiyā hai’ aisā mānakar, jīv āge barḥaneke badale aṭak jātā hai . agnānīko jarā kuchh ā jāy, dhāraṇāse yād rah jāy, vahān̐ use abhimān ho jātā hai; kyoṅki vastuke agādh svarūpakā use khyāl hī nahīn hai; isaliye vah buddhike vikās ādimen santuṣhṭa hokar aṭak jātā hai . gnānīko pūrṇatākā lakṣha honese vah anshamen nahīn aṭakatā . pūrṇa paryāy pragaṭ ho to bhī svabhāv thā so pragaṭ huā isamen nayā kyā hai ? isaliye gnānīko abhimān nahīn hotā ..45 ..

Page 19 of 212
PDF/HTML Page 34 of 227
single page version

bahinashrīke vachanāmr̥ut

jīvan ātmāmay hī kar lenā chāhiye . bhale hī upayog sūkṣhma hokar kārya nahīn kar sakatā ho parantu pratītimen aisā hī hotā hai ki yah kārya karanese hī lābh hai, mujhe yahī karanā hai; vah vartamān pātra hai ..46..

traikālik dhruv dravya kabhī ban̐dhā nahīn hai . mukta hai yā ban̐dhā hai vah vyavahāranayase hai, vah paryāy hai . jaise makaṛī apanī lāramen ban̐dhī hai vah chhūṭanā chāhe to chhūṭ sakatī hai, jaise gharamen rahanevālā manuṣhya anek kāryommen, upādhiyommen, jañjālamen phan̐sā hai parantu manuṣhyarūpase chhūṭā hai; vaise hī jīv vibhāvake jālamen ban̐dhā hai, phan̐sā hai parantu prayatna kare to svayam mukta hī hai aisā gnāt hotā hai . chaitanyapadārtha to mukta hī hai . chaitanya to gnān-ānandakī mūrti — gnāyakamūrti hai, parantu svayam apaneko bhūl gayā hai . vibhāvakā jāl bichhā hai usamen phan̐s gayā hai, parantu prayatna kare to mukta hī hai . dravya ban̐dhā nahīn hai ..47..

vikalpamen pūrā-pūrā duḥkh laganā chāhiye .

Page 20 of 212
PDF/HTML Page 35 of 227
single page version

20

vikalpamen kiñchit bhī shānti evan sukh nahīn hai aisā jīvako andarase laganā chāhiye . ek vikalpamen duḥkh lagatā hai aur dūsare mand vikalpamen shāntikā ābhās hotā hai, parantu vikalpamātramen tīvra duḥkh lage to andar mārga mile binā na rahe ..48..

sāre dinamen ātmārthako poṣhaṇ mile aise pariṇām kitane hain aur anya pariṇām kitane hain vah jān̐chakar puruṣhārthakī or jhukanā . chintavan mukhyarūpase karanā chāhiye . kaṣhāyake vegamen bahanese aṭakanā, guṇagrāhī bananā ..49..

tū satkī gaharī jignāsā kar jisase terā prayatna barābar chalegā; terī mati saral evan sulaṭī hokar ātmāmen pariṇamit ho jāyagī . satke sanskār gahare ḍāle hoṅge to antamen anya gatimen bhī sat pragaṭ hogā . isaliye satke gahare sanskār ḍāl ..50..

ākāsh - pātāl bhale ek ho jāyen parantu bhāī !

Page 21 of 212
PDF/HTML Page 36 of 227
single page version

bahinashrīke vachanāmr̥ut

tū apane dhyeyako mat chūkanā, apane prayatnako mat chhoṛanā . ātmārthako poṣhaṇ mile vah kārya karanā . jis dhyey par ārūrḥ huā use pūrṇa karanā, avashya siddhi hogī ..51..

sharīr sharīrakā kārya karatā hai, ātmā ātmākā kārya karatā hai . donon bhinna-bhinna svatantra hain, unamen ‘yah sharīrādi mere’ aisā mānakar sukh-duḥkh na kar, gnātā ban jā . dehake liye anant bhav vyatīt hue; ab, sant kahate hain ki apane ātmāke liye yah jīvan arpaṇ kar ..52..

nivr̥uttimay jīvanamen pravr̥uttimay jīvan nahīn suhātā . sharīrakā rog miṭanā ho to miṭe, parantu usake liye pravr̥utti nahīn suhātī . bāharakā kārya upādhi lagatā hai, ruchatā nahīn ..53..

anukūlatāmen nahīn samajhatā to bhāī ! ab prati-

Page 22 of 212
PDF/HTML Page 37 of 227
single page version

22

kūlatāmen to samajh ! kisī prakār samajh....samajh, aur vairāgya lākar ātmāmen jā ..54..

chaitanyakī bhāvanā kabhī niṣhphal nahīn jātī, saphal hī hotī hai . bhale hī thoṛā samay lage, kintu bhāvanā saphal hotī hī hai ..55..

jīv svayam pūrā kho gayā hai vah nahīn dekhatā, aur ek vastu kho gaī to mānon svayam pūrā kho gayā, ruk gayā; rupayā, ghar, sharīr, putrādimen tū ruk gayā hai . are ! vichār to kar ki tū sāre din kahān̐ rukā rahā ! bāharakā bāhar hī ruk gayā, to bhāī ! vahān̐ ātmaprāpti kaise hogī ? ..56..

pūjya gurudevake shrīmukhase svayam jis tattvako grahaṇ kiyā ho usakā manthan karanā chāhiye . nivr̥uttikālamen apanī pariṇatimen ras āye aisī pustakoṅkā paṭhan karake apanī laganako jāgr̥ut rakhanā chāhiye . ātmāke dhyeyapūrvak, apanī pariṇatimen ras

Page 23 of 212
PDF/HTML Page 38 of 227
single page version

bahinashrīke vachanāmr̥ut

āye aise vichār-manthan karane par antarase apanā mārga mil jātā hai ..57..

gnānīko draṣhṭi-apekṣhāse chaitanya evan rāgakī atyanta bhinnatā bhāsatī hai, yadyapi ve gnānamen jānate hain ki rāg chaitanyakī paryāyamen hotā hai ..58..

jis jīvakā gnān apane sthūl pariṇāmoṅko pakaṛanemen kām na kare vah jīv apane sūkṣhma pariṇāmoṅko kahān̐se pakaṛegā ? aur sūkṣhma pariṇāmoṅko na pakaṛe to svabhāv kaise pakaṛamen āyegā ? gnānako sūkṣhma-tīkṣhṇa karake svabhāvako pakaṛe to bhedavignān ho ..59..

anādikālase agnānī jīv sansāramen bhaṭakate- bhaṭakate, sukhakī lālasāmen viṣhayoṅke pīchhe dauṛate- dauṛate, anant duḥkhoṅko sahatā rahā hai . kabhī use sachchā sukh batalānevāle mile to shaṅkā rakhakar aṭak gayā, kabhī sachchā sukh batalānevālekī upekṣhā karake

Page 24 of 212
PDF/HTML Page 39 of 227
single page version

24

apanā sachchā svarūp prāpta karanese vañchit rahā, kabhī puruṣhārtha kiye binā aṭakā rahā, kabhī puruṣhārtha kiyā bhī to thoṛese puruṣhārthake liye vahān̐se aṭakā aur girā . — is prakār jīv apanā svarūp prāpta karanemen anant bār aṭakā . puṇyodayase yah deh prāpta huā, yah dashā prāpta huī, aise satpuruṣhakā yog milā; ab yadi puruṣhārtha nahīn karegā to kis bhavamen karegā ? he jīv ! puruṣhārtha kar; aisā suyog evan sachchā ātma- svarūp batalānevāle satpuruṣh bār-bār nahīn mileṅge ..60..

jise sachamuch tāp lagā ho, jo sansārase ūb gayā ho usakī yah bāt hai . vibhāvase ūb jāye aur sansārakā trās lage to mārga mile binā nahīn rahatā . kāraṇ de to kārya pragaṭ hotā hī hai . jise jisakī ruchi — ras ho vahān̐ usakā samay kaṭ jātā hai; ‘ruchi anuyāyī vīrya’ . nirantar gnāyakake manthanamen rahe, din-rāt usake pīchhe paṛe, to vastu prāpta hue binā na rahe ..61..

jīv gnāyakake lakṣhase shravaṇ kare, chintavan kare,

Page 25 of 212
PDF/HTML Page 40 of 227
single page version

bahinashrīke vachanāmr̥ut

manthan kare use — bhale kadāchit samyagdarshan na ho tathāpi — samyaktvasanmukhatā hotī hai . andar drarḥa sanskār ḍāle, upayog ek viṣhayamen na ṭike to anyamen badale, upayog sūkṣhmase sūkṣhma kare, upayogamen sūkṣhmatā karate karate, chaitanyatattvako grahaṇ karate hue āge barḥe, vah jīv kramase samyagdarshan prāpta karatā hai ..62..

jaisā bīj boye vaisā vr̥ukṣha hotā hai; āmakā bīj (guṭhalī) boye to āmakā vr̥ukṣha hogā aur akauā (āk)kā bīj boyegā to akauekā vr̥ukṣha ugegā . jaisā kāraṇ deṅge vaisā kārya hotā hai . sachchā puruṣhārtha karen to sachchā phal milatā hī hai ..63..

antaramen, chaitanyatattva namaskār karane yogya hai; vahī maṅgal hai, vahī sarva padārthommen uttam hai, bhavya jīvoṅko vah ātmatattva hī ek sharaṇ hai . bāhyamen, pañch parameṣhṭhī — arihant, siddha, āchārya, upādhyāy tathā sādhu — namaskār karane yogya hain kyoṅki unhonne