AtmAkI anubhUti vahI shivapurIkI saDak hai, vahI mokShakA mArga hai . dUsare sab us mArgakA varNan karaneke bhinnabhinna prakAr hain . jitane varNanake prakAr hain, utane mArga nahIn hain; mArga to ek hI hai ..383..

tere AtmAmen nidhAn ThasAThas bhare hain . anant- guNanidhAnako rahaneke liye anant kShetrakI AvashyakatA nahIn hai, asankhyAt pradeshonke kShetramen hI anant guN ThasAThas bhare hain, tujhamen aise nidhAn hain, to phi ra tU bAhar kyon jAtA hai ? tujhamen hai use dekh na ! tujhamen kyA kamI hai ? tujhamen pUrNa sukh hai, pUrNa gnAn hai, sab kuchh hai . sukh aur gnAn to kyA parantu koI bhI vastu bAhar lene jAnA paDe aisA nahIn hai . ek bAr tU antaramen pravesh kar, sab antaramen hai . antaramen gahare utarane par, samyagdarshan hone par, tere nidhAn tujhe dikhAyI denge aur un sarva nidhAnake pragaT anshako vedakar tU tRupta ho jAyagA . pashchAt puruShArtha karate hI rahanA jisase pUrNa nidhAnakA bhoktA hokar tU sadAkAl param tRupta-tRupta rahegA ..384..