maraN to AnA hI hai jab sab kuchh chhUT jAyagA . bAharakI ek vastu chhoDanemen tujhe dukh hotA hai, to bAharake samasta dravya-kShetra-kAl-bhAv ekasAth chhUTane par tujhe kitanA dukh hogA ? maraNakI vedanA bhI kitanI hogI ? ‘koI mujhe bachAo’ aisA terA hRuday pukAratA hogA . parantu kyA koI tujhe bachA sakegA ? tU bhale hI dhanake Dher lagA de, vaidya-DAkTar bhale sarva prayatna kar chhUTen, AsapAs khaDe hue anek sage-sambandhiyonkI or tU bhale hI dInatAse Tukur- Tukur dekhatA rahe, tathApi kyA koI tujhe sharaNabhUt ho aisA hai ? yadi tUne shAshvat svayamrakShit gnAnAnandasvarUp AtmAkI pratIti-anubhUti karake Atma-ArAdhanA kI hogI, AtmAmense shAnti pragaT kI hogI, to vah ek hI tujhe sharaN degI . isaliye abhIse vah prayatna kar . ‘sir par maut manDarA rahA hai’ aisA bArambAr smaraNamen lAkar bhI tU puruShArtha chalA ki jisase ‘ab ham amar bhaye, na marenge’ aise bhAvamen tU samAdhipUrvak dehatyAg kar sake . jIvanamen ek shuddha AtmA hI upAdey hai ..412..