bahinaśrīke vacanāmr̥t
abhyāsake kāraṇ, asthiratāke kāraṇ andar svarūpameṁ nahīṁ rahā jā sakatā isaliye upayog bāhar ātā hai parantu rasake binā — sab niḥsār, chilakoṁke samān, ras-kas śūnya ho aise bhāvase — bāhar khaṛe haiṁ ..32..
‘jise lagī hai usīko lagī hai’....parantu adhik khed nahīṁ karanā . vastu pariṇamanaśīl hai, kūṭastha nahīṁ hai; śubhāśubh pariṇām to hoṁge . unheṁ choṛane jāyagā to śūnya athavā śuṣka ho jāyagā . isaliye ekadam jaldabājī nahīṁ karanā . mumukṣu jīv ullāsake kāryoṁmeṁ bhī lagatā hai; sāth hī sāth andarase gaharāīmeṁ khaṭakā lagā hī rahatā hai, saṁtoṣ nahīṁ hotā . abhī mujhe jo karanā hai vah bākī rah jātā hai — aisā gaharā khaṭakā niraṁtar lagā hī rahatā hai, isaliye bāhar kahīṁ use saṁtoṣ nahīṁ hotā; aur andar jñāyakavastu hāth nahīṁ ātī, isaliye ulajhan to hotī hai; parantu idhar-udhar na jākar vah ulajhanameṁse mārga ḍhūn̐rḥ nikālatā hai ..33..