30
haiṁ tadanusār svayamev kāgaj par citrit ho jāte haiṁ, koī citraṇ karane nahīṁ jātā . usī prakār karmake udayarūp citrakārī sāmane āye tab samajhanā ki maiṁne jaise bhāv kiye the vaisā hī yah citraṇ huā hai . yadyapi ātmā karmameṁ praveś karake kuch karatā nahīṁ hai, tathāpi bhāvake anurūp hī citraṇ svayaṁ ho jātā hai . ab darśanarūp, jñānarūp, cāritrarūp pariṇaman kar to saṁvar-nirjarā hogī . ātmākā mūl svabhāv darśan- jñān-cāritrarūp hai, usakā avalamban karane par dravyameṁ jo (śakti rūpase) vidyamān hai vah (vyakti rūpase) pragaṭ hogā ..76..
anaṁt kālase jīvako svase ekatva aur parase vibhakta panekī bāt rucī hī nahīṁ . jīv bāharase bhūsī kūṭatā rahatā hai parantu aṁdarakā jo kas — ātmā — hai use nahīṁ khojatā . rāg-dveṣakī bhūsī kūṭanese kyā lābh hai? usameṁse dānā nahīṁ nikalegā . parase ekatva- buddhi toṛakar bhinna tattvako — abaddhaspr̥ṣṭa, ananya, niyat, aviśeṣ evaṁ asaṁyukta ātmāko — jāne, to kārya ho ..77..