56 ]
hokar vyartha prayatna karatā hai ? jis prakār marīcikāmeṁse kabhī kisīko jal nahīṁ milā hai usī prakār bāhar sukh hai hī nahīṁ ..158..
guru tere guṇoṁke vikāsakī kalā batalāyan̐ge . guru-ājñāmeṁ rahanā vah to param sukh hai . karmajanit vibhāvameṁ jīv dab rahā hai . gurukī ājñāmeṁ vartanese karma sahaj hī dab jāte haiṁ aur guṇ pragaṭ hote haiṁ ..159..
jis prakār kamal kīcaṛ aur pānīse pr̥thak hī rahatā hai usī prakār terā dravya karmake bīc rahate hue bhī karmase bhinna hī hai; vah atīt kālameṁ ekamek nahīṁ thā, vartamānameṁ nahīṁ hai aur bhaviṣyameṁ nahīṁ hogā . tere dravyakā ek bhī guṇ parameṁ mil nahīṁ jātā . aisā terā dravya atyanta śuddha hai use tū pahicān . apanā astitva pahicānanese parase pr̥thaktva jñāt hotā hī hai ..160..