2
laganī chāhiye; usake pīchhe laganā chāhiye . ātmāko dhyeyarūp rakhakar din-rāt satat prayatna karanā chāhiye . ‘merā hit kaise ho?’ ‘main ātmāko kaise jānūn̐?’ — is prakār lagan barḥākar prayatna kare to avashya mārga hāth lage ..2..
gnānīkī pariṇati sahaj hotī hai . har ek prasaṅgamen bhedagnānako yād karake use ghokhanā nahīn paṛatā, parantu unake to aisā sahaj pariṇaman hī ho jātā hai – ātmāmen dhārāvāhī pariṇaman vartatā hī rahatā hai ..3..
gnān aur vairāgya ek-dūsareko protsāhan denevāle hain . gnān rahit vairāgya vah sachamuch vairāgya nahīn hai kintu rundhā huā kaṣhāy hai . parantu gnān na honese jīv kaṣhāyako pahichān nahīn pātā . gnān svayam mārgako jānatā hai, aur vairāgya hai vah gnānako kahīn phan̐sane nahīn detā kintu sabase nispr̥uh evan svakī maujamen gnānako ṭikā rakhatā hai . gnān sahit jīvan niyamase vairāgyamay hī hotā hai ..4..