Benshreeke Vachanamrut-Hindi (simplified iso15919 transliteration). Bol: 45.

bahinashrīke vachanāmr̥ut

kuṭumba-parivārake samūhamen baiṭhā ho, ānanda karatā ho, parantu man to ‘mān̐’ men hī lagā rahatā hai : ‘are ! merī mān̐....merī mān̐ !’; usī prakār ātmākā khaṭakā rahanā chāhiye . chāhe jis prasaṅgamen ‘merā ātmā....merā ātmā !’ yahī khaṭakā aur ruchi rahanā chāhiye . aisā khaṭakā banā rahe to ‘ātma-mān̐’ mile binā nahīn rah sakatī ..44..

✽

antarakā tal khojakar ātmāko pahichān . shubh pariṇām, dhāraṇā ādikā thoṛā puruṣhārtha karake ‘mainne bahut kiyā hai’ aisā mānakar, jīv āge barḥaneke badale aṭak jātā hai . agnānīko jarā kuchh ā jāy, dhāraṇāse yād rah jāy, vahān̐ use abhimān ho jātā hai; kyoṅki vastuke agādh svarūpakā use khyāl hī nahīn hai; isaliye vah buddhike vikās ādimen santuṣhṭa hokar aṭak jātā hai . gnānīko pūrṇatākā lakṣha honese vah anshamen nahīn aṭakatā . pūrṇa paryāy pragaṭ ho to bhī svabhāv thā so pragaṭ huā isamen nayā kyā hai ? isaliye gnānīko abhimān nahīn hotā ..45 ..

✽

< Previous Page Next Page >