‘‘bahinoṅkā mahān bhāgya hai ki champāben jaisī ‘dharmaratna’ is kāl paidā huī hain . bahin to bhāratakā anamol ratan hai . atīndriy ānandakā nāth unako antarase jāgr̥ut huā hai . unakī antarakī sthiti koī aur hī hai . unakī sudrarḥa nirmal ātmadraṣhṭi tathā nirvikalpa svānubhūtikā joṛ is kāl milanā kaṭhin hai .....asaṅkhya arab varṣhakā unhen jātismaraṇagnān hai . bahin dhyānamen baiṭhatī hain tab kaī bār vah antaramen bhūl jātī hain ki ‘main mahāvidehamen hūn̐ yā bharatamen’ ! !....bahin to apane antaramen — ātmāke kāryamen — aisī līn hain ki unhen bāharakī kuchh paṛī hī nahīn hai . pravr̥uttikā unako jarā bhī ras nahīn hai . unakī bāhar prasiddhi ho vah unhen svayaṅko bilakul pasanda nahīn hai . parantu hamen aisā bhāv ātā hai ki bahin kaī varṣha tak chhipī rahīn, ab log bahinako pahichānen .....’’

— aise vātsalyormibhare bhāvodgārabharī pūjya gurudevakī maṅgal vāṇīmen jinakī ādhyātmik pavitra mahimā sabhāmen anek bār prasiddha huī hai un pūjya bahinashrī champābenake, unhonne mahilā-shāstrasabhāmen uchchāre hue — unakī anubhavadhārāmense pravāhit — ātmārthapoṣhak vachan lipibaddha hon to anek mumukṣhu jīvoṅko mahān ātmalābhakā kāraṇ hogā, aisī utkaṭ bhāvanā bahut samayase samājake bahut bhāī-bahinommen vartatī thī . us shubh bhāvanāko sākār karanemen, kuchh brahmachāriṇī bahinonne pūjya bahinashrī champābenakī pravachanadhārāmense apaneko visheṣh lābhakārī hon aise jo vachanāmr̥ut likh liye the ve upayogī hue hain . unhīmmense yah amūlya vachanāmr̥utasaṅgrah taiyār huā hai . jinake lekh yahān̐ upayogī hue hain ve bahinen abhinandanīy hain .