munirAj bArambAr nirvikalparUpase chaitanyanagarame.n pravesh karake adbhut R^iddhikA anubhav karate hai.n . us dashAme.n, ananta guNo.nse bharapUr chaitanyadev bhinna-bhinna prakArakI chamatkArik paryAyo.nrUp tara.ngo.nme.n eva.n AshcharyakArI Anandatara.ngo.nme.n DolatA hai . munirAj tathA samyagdraShTi jIvakA yah svasa.nvedan koI aur hI hai, vachanAtIt hai . vahA.N shUnyatA nahI.n hai, jAgR^itarUpase alaukik R^iddhikA atyanta spaShTa vedan hai . tU vahA.N jA, tujhe chaitanyadevake darshan ho.nge ..329..
aho ! munirAj to nijAtmadhAmame.n nivAs karate hai.n . usame.n visheSh-visheSh ekAgra hote-hote ve vItarAgatAko prApta karate hai.n .
vItarAgatA honese unhe.n j~nAnakI agAdh adbhut shakti pragaT hotI hai . j~nAnakA a.ntarmuhUrtakA sthUl upayog ChUTakar ek samayakA sUkShma upayog ho jAtA hai . vah j~nAn apane kShetrame.n rahakar sarvatra pahu.Nch jAtA