aur uttam sa.nyog bijalIkI chamakakI bhA.Nti alpa kAlame.n vilIn ho jAye.nge . isaliye jaise tU akelA hI duHkhI ho rahA hai, vaise akelA hI sukhake mArga par jA, akelA hI mukti ko prApta kar le ..357..
gurudev mArgako atyanta spaShTa batalA rahe hai.n . AchAryabhagavanto.nne mukti kA mArga prakAshit kiyA hai aur gurudev use spaShTa kar rahe hai.n . jaise ek-ek mA.Ngame.n tel DAlate hai.n usIprakAr sUkShmatAse spaShTa karake sab samajhAte hai.n . bhedaj~nAnakA mArga hathelIme.n dikhAte hai.n . mAl masalakar, taiyAr karake de rahe hai.n ki ‘le, khA le’ . ab khAnA to apaneko hai ..358..
sahajatattvakA kabhI nAsh nahI.n hotA, vah malin nahI.n hotA, usame.n nyUnatA nahI.n AtI . sharIrase vah bhinna hai, upasarga use ChUte nahI.n hai.n, talavAr use ChedatI nahI.n hai, agni use jalAtI nahI.n hai, rAg-dveSh use vikArI nahI.n banAte . vAh tattva ! ana.nt kAl bIt gayA ho to bhI tU to jyo.nkA tyo.n hI hai . tujhe koI pahichAne yA na