bhAvake sAmane tIn lokakA vaibhav tuchCha hai . aur to kyA parantu merI svAbhAvik paryAy — nirmal paryAy pragaT huI vah bhI, mai.n dravyadraShTike balase kahatA hU.N ki, merI nahI.n hai . merA dravyasvabhAv agAdh hai, amAp hai . nirmal paryAyakA vedan bhale ho parantu dravya- svabhAvake Age usakI visheShatA nahI.n hai . — aisI dravyadraShTi kab pragaT hotI hai ki jab chaitanyakI mahimA lAkar, sabase vimukh hokar, jIv apanI or jhuke tab ..398..
samyagdraShTiko bhale svAnubhUti svaya.n pUrNa nahI.n hai parantu draShTime.n paripUrNa dhruv AtmA hai . j~nAnapariNati dravya tathA paryAyako jAnatI hai parantu paryAy par jor nahI.n hai . draShTime.n akelA svakI orakA — dravyakI orakA bal rahatA hai ..399..
mai.n to shAshvat pUrNa chaitanya jo hU.N so hU.N . mujhame.n jo guN hai.n ve jyo.nke tyo.n hai.n, jaiseke taise hI hai.n . mai.n ekendriyake bhavame.n gayA vahA.N mujhame.n kuCh kam nahI.n