PDF/HTML Page 1497 of 1906
single page version
samādhānaḥ- .. gurudevane bhavakā abhāv kaise ho usakā (mārga batāyā).
mumukṣuḥ- bharat kṣetrake jīvoṁko to .. abhī dekhane nahīṁ milatā, parantu ... dekhane milā hai. ye to mahābhāgya hai. jīvaṁt..
samādhānaḥ- gurudev is bharat kṣetrameṁ padhāre, bharat kṣetrake mahābhāgya! aisī vāṇī barasāyī aur caitanyadevakā svarūp batāyā. dev-guru-śāstra kaise hote haiṁ? caitanya kaisā hai? ātmā kaisā hai? yah sab batāyā. sacce dev-guru-śāstrakā svarūp batāyā.
samādhānaḥ- ... bhavakā abhāv ho, vah karane jaisā hai. gurudevane mārga batāyā hai, bhavakā abhāv honekā. saṁsārakā svarūp hī aisā hai. jīvane aise to ananta janma- maraṇ kiye haiṁ. ananta janma-maraṇ karate-karate manuṣya bhav milatā hai. ananta bhav jīvane devake kiye, narkake kiye, nigodake kiye, tiryaṁcake kiye, manuṣyake kiye. isameṁ yah manuṣya bhav durlabhatā-se milatā hai. usameṁ gurudev mile to ātmākā kar lene jaisā hai.
ātmā bhinna aur yah śarīr bhinna hai. śarīr aur ātmā, jab usakā āyuṣya pūrā hotā hai tab bhinna paḍate haiṁ. ātmākā kahīṁ nāś nahīṁ hotā hai, ātmā to śāśvat hai. isaliye ātmā bhinna hai, vah bhinna kaise paḍe? bhinna to usakā āyuṣya pūrā hotā hai tab paḍatā hī hai, parantu pahale-se hī aisā bhedajñān karake ātmā kaise bhinna paḍe, pahale to yah karane jaisā hai.
ātmā bhinna aur aṁtar ātmāmeṁ svānubhūti kaise ho? usakā bhedajñān kaise ho? gurudevane vah mārga batāyā hai, vah karane jaisā hai. jīvako ananta kālameṁ sab prāpta huā hai, ek samyagdarśan prāpta nahīṁ huā hai. ek jinavar svāmī nahīṁ mile haiṁ. bhagavān mile to svayaṁne pahacānā nahīṁ hai. isaliye bhagavān kaise pahacānameṁ āye? guru kaise pahacānameṁ āye? ātmā kaise pahacānameṁ āye? vah jīvanameṁ karane jaisā hai. samyagdarśan kaise prāpta ho? svānubhūti kaise ho? us jātakā raṭan, manan vah karane jaisā hai. dev- guru-śāstrakī mahimā aur ātmā kaise pahacānameṁ āye, vah karane jaisā hai.
bākī janma-maraṇ, janma-maraṇ to saṁsārameṁ hote hī rahate haiṁ. jo manuṣya bhav dhāraṇ karatā hai, jo janmatā hai, usakā maraṇ hotā hai. isaliye āyuṣya pūrā hone par sab
PDF/HTML Page 1498 of 1906
single page version
jīv cale jāte haiṁ. ataḥ ātmāko kaise bhinna karanā aur bhedajñān karanā, ātmākā jñān aur ānanda sab ātmāmeṁ hai. use pahacān lenā. karanā vah hai.
samādhānaḥ- ... gurudev rājakoṭ bahut bār padhārate.
mumukṣuḥ- pūrā lābh lete the, mātuśrī hameśā lābh lete the.
samādhānaḥ- deh aur ātmā bhinna paḍate haiṁ. dikhatā hai ki ātmā calā jātā hai, śarīr paḍā rahatā hai. isaliye pratham-se hī ātmākā bhedajñān kar lenā ki andar ātmā bhinna jānanevālā hai, ye vikalpa bhinna hai, usase bhī ātmā bhinna hai, vah kaise jānanemeṁ āye? usakī pahacān kaise ho? usakī svānubhūti kaise ho? aisī bhāvanā karane jaisī hai. jīvanameṁ yah ek apūrva hai, bākī kuch apūrva nahīṁ hai saṁsārameṁ.
śānti rakhanī. aise janma-maraṇ saṁsārameṁ hote haiṁ. rāg āye utanā duḥkh hotā hai, parantu manako badal denā, śānti rakhanī. ananta bhavoṁmeṁ kitanoṁko svayaṁ choḍakar āyā hai, svayaṁko choḍakar dūsare cale jāte haiṁ. aisā kitane bhavoṁmeṁ karatā āyā hai, hotā ā rahā hai. isaliye śānti rakhanī. karanekā yah hai.
mumukṣuḥ- āp kahate ho tab barābar samajhameṁ ātā hai, .. samajhameṁ ātā hai. phir ekadam jab āpatti ātī hai yā duḥkh āye, tab badal jātā hai.
samādhānaḥ- karanekā vah hai, bhūlane jaisā nahīṁ hai. gurudevane kahā hai, vahī karanekā hai. usakā puruṣārtha karane jaisā hai, bhūlane jaisā nahīṁ hai. aise prasaṁgoṁmeṁ adhik smaraṇ āye, ātmākī or adhik vairāgya āye aur vah karane jaisā hai. vahī puruṣārtha karane jaisā hai. gurudevane khūb upadeś de-dekar apūrva mārga batāyā hai.
mumukṣuḥ- gurudevake pratāp-se...
samādhānaḥ- sabako mr̥tyuke samay śānti rakhatī hai aur sunānevāleko bhī śānti rahatī hai. gurudevake pratāpase choṭe-baḍoṁko kitanoṁko aise saṁskār paḍ gaye haiṁ ki aisā prasaṁg āve tab śānti rahatī hai.
mumukṣuḥ- sab bhāīoṁko-bahanoṁko ek sāth bhāv āyā ki apane mātājīke darśan kar āte haiṁ, usake bād sab bichaḍeṁge.
samādhānaḥ- gurudevakī vāṇī apūrva thī. gurudev ātmā batā rahe the. phir bhī andar jānanevālā bhinna hai. puruṣārtha yah bhedajñān karanā hai.
mumukṣuḥ- āp kahate ho, ham samajhate haiṁ, phir bhī..
samādhānaḥ- ātmā bhinna jānanevālā hai usakā svabhāv pahacānanā ki yah jānanevālā hai, vah maiṁ hūn̐ aur us jānanevālemeṁ hī sab bharā hai. jānanevālemeṁ ananta śakti aur ananta guṇ aur ānanda sab jānanevālemeṁ bharā hai. ye sab vikalpakī jāl ātī
PDF/HTML Page 1499 of 1906
single page version
hai, jo rāg-dveṣakī jāl hai, vah maiṁ nahīṁ hūn̐, parantu usake andar jānanevālā jo ātmā hai vah maiṁ hū̃n. vah jānanevālā kaise pahacānameṁ āye? tadartha usakī bhāvanā, raṭan, mahimā, tadartha śāstra svādhyāy, vicār sab usake liye karanā hai. kṣaṇ-kṣaṇameṁ usakā raṭan aur usakī bhāvanā rakhanī ki yah śarīr, vikalpa ādi sabase ātmā andar bhinna hai. caitanya tattva, caitanyakā astitva kaise grahaṇ ho? vah karane jaisā hai.
andar śāśvat ātmā caitanyadev virājatā hai. gurudev kahate haiṁ na? jaise bhagavān haiṁ, vaisā tū hai. aisā ātmā caitanyadev ananta mahimāvaṁt ātmā hai. vah ātmā andar virājatā hai, use pahacānanekā prayatna karanā. usīkā bāraṁbār vicār, vāṁcan, bār-bār vah karane jaisā hai. vismr̥t ho jāy to bhī bār-bār vah karane jaisā hai. usīkā vicār, vāṁcan sab vahī karane jaisā hai. dev-guru-śāstrameṁ kaisā (ātā hai), gurudevane kaisā kahā hai, bhagavānane kaisā (kahā hai), munioṁ kaisī ārādhanā kar rahe haiṁ, kyoṁ, kaise puruṣārtha karanā, bhedajñān karanā? gurudevane samyagdarśanakā mārga batāyā. vah sab bāraṁbār smaraṇameṁ lākar ek ātmā kaise pahacānameṁ āye, vah karane jaisā hai. bāraṁbār ek hī karane jaisā hai. śāstrameṁ ātā hai na? bhedajñān, prajñāchainī dvārā svayaṁko aṁtarameṁ bhinna karanā.
cattārī maṁgalaṁ, arihaṁtā maṁgalaṁ, sāhū maṁgalaṁ, kevalipaṇatto dhammo maṁgalaṁ. cattārī loguttamā, arihaṁtā loguttamā, siddhā loguttamā, sāhū loguttamā, kevalipaṇatto dhammo loguttamā.
cattārī śaraṇaṁ pavajjāmi, arihaṁtā śaraṇaṁ pavajjāmi, siddhā śaraṇaṁ pavajjāmi, kevalī paṇatto dhammo śaraṇaṁ pavajjāmi.
cār śaraṇ, cār maṁgal, cār uttam kare je, bhavasāgarathī tare te sakaḷ karmano āṇe aṁta. mokṣa taṇā sukh le anaṁt, bhāv dharīne je guṇ gāye, te jīv tarīne muktie jāya. saṁsāramāṁhī śaraṇ cār, avar śaraṇ nahīṁ koī. je nar-nārī ādare tene akṣay avical pad hoya. aṁgūṭhe amr̥t varase labdhi taṇā bhaṇḍāra. guru gautamane samarīe to sadāy manavāṁchit phal dātā.
samādhānaḥ- svarūpameṁ samā gaye. jo caitanya svarūp hai, ananta guṇase bharapūr, usameṁ bhagavān aise samā gaye ki phir bāhar hī nahīṁ āte haiṁ. caturtha guṇasthānameṁ samyagdarśan ho use śānti ho. aṁtarmuhūrtameṁ bāhar āve to bāhar upayog jāye. phir use bhedajñānakī dhārā vartatī hai. parantu upayog bāhar jātā hai. bhagavānakā upayog phir bāhar nahīṁjātā. munidaśā āve, usameṁ chaṭhaveṁ-sātaveṁ guṇasthānameṁ aṁtarmuhūrta-aṁtarmuhūrtameṁ svānubhūtimeṁ jāte haiṁ. aṁtarmuhūrta bāhar āte haiṁ, aṁtarmuhūrtameṁ aṁtarameṁ jāte haiṁ. bāhar āye, andar jāy, is prakār chaṭhaveṁ-sātaveṁ guṇasthānameṁ kṣaṇ-kṣaṇameṁ svānubhūti (hotī hai). kṣaṇameṁ bāhar āve,
PDF/HTML Page 1500 of 1906
single page version
kṣaṇameṁ aṁtarameṁ jāte haiṁ. aise chaṭhaveṁ-sātaveṁ guṇasthānameṁ (calatā hai). aisā karate-karate śreṇi lagāte haiṁ. chaṭhaveṁ-sātaveṁ guṇasthānameṁ muni jhulate haiṁ. aisā karate-karate jab śreṇi lagāte haiṁ aur kevalajñān hotā hai, phir ātmāmeṁ aise sthir ho jāte haiṁ ki punaḥ bāhar hī nahīṁ āte. ātmāmeeṁ aise jam jāte haiṁ.
ananta ānandakā sāgar jo paḍā hai, ānanda sāgar uchal rahā hai, usameṁ bhagavān samā jāte haiṁ. aur ananta guṇ haiṁ, usameṁ lavalīn ho jāte haiṁ. ātmākā koī apūrva adabhut ānandakā vedan karate haiṁ aur jñān aisā nirmal pragaṭ ho jātā hai ki ātmā to jānanevālā jñāyak hai. usameṁ kuch nahīṁ jāne, aisā banatā nahīṁ. svayaṁ apanemeṁ jam jāte haiṁ, parantu upayog bāhar (nahīṁ ātā). jānanekī icchā nahīṁ hai ki ye bāhar kyā hai? kuch jānanekī icchā nahīṁ hai. icchā nahīṁ hai to bhī aṁtarameṁ sahaj jñāt ho jātā hai.
mumukṣuḥ- paryāy to hotī hī hai.
samādhānaḥ- hān̐, paryāy to hotī hai.
mumukṣuḥ- jñānakī paryāya.
samādhānaḥ- jñānakī paryāy aisī nirmal ho jātī hai ki usameṁ svayaṁ svayaṁko jāne, svayaṁ apanā vedan kare, ananta ānandakā, ananta guṇako jāne aur bāharameṁ lokālokako jāne. jo ananta dravya, jo ananta ātmā hai, ananta siddha hai, jo- jo bhūtakālameṁ ho gaye, vartamānameṁ ho rahe haiṁ, narkameṁ, svargameṁ jahān̐-jahān̐ hai, sabako jānate haiṁ. ananta paramāṇuko jāne. bhūtakālameṁ jīvane ananta bhav kiye use jāne. vartamān jāne. bhaviṣyameṁ ananta bhav kaise karegā, vah jāne. aisā bhagavān ek samayameṁ sab jānate haiṁ. unheṁ vikalpa nahīṁ karanā paḍatā, upayog rakhanā nahīṁ paḍe. nij svarūpameṁ sthir ho gaye hoṁ, phir bhī sahaj jñāt ho. unakā jñān aisā nirmal hai.
mumukṣuḥ- jñān..
samādhānaḥ- hān̐, jñān utanā viśāl ho jātā hai ki upayog rakhe nahīṁ, kram paḍe nahīṁ, khed ho nahīṁ, vismr̥t nahīṁ ho, parantu sahaj jāne.
mumukṣuḥ- tadartha bahut prayatna karanā paḍe.
samādhānaḥ- hān̐, vah to prayatna kare to jāne.
mumukṣuḥ- ...
samādhānaḥ- lekin prayojanabhūt jñān ho to vah svarūpako pahacāne ki maiṁ caitanya hūn̐ aur yah bhinna hai. vibhāv merā svabhāv nahīṁ hai, maiṁ to caitanya jñānasvarūp hū̃n. aise prayojanabhūt jānakar apanemeṁ līn ho to līn hote-hote jo andar svabhāv hai vah
PDF/HTML Page 1501 of 1906
single page version
pragaṭ hote haiṁ. use lokālokako jānanekā prayatna nahīṁ karanā paḍatā, parantu apanemeṁ sthir ho aur svayaṁko pahacāne to sabako (jāne). ek svayaṁko jāne vah sabako jān sakatā hai. svayaṁko jāne. lekin jo dūsaroṁko jānanekā prayatna kare vah svayaṁko bhī nahīṁ jānatā aur parako bhī nahīṁ jānatā. lekin jo svayaṁko jāne vah sab jān sakatā hai.
mumukṣuḥ- kitanā ānanda ātā hai. svarūp thoḍī der sunakar kitanā ānanda ātā hai. sunanā acchā lagatā hai.
samādhānaḥ- us svarūpakī kyā bāt! adabhut svarūp hai!
mumukṣuḥ- abhī bahut āvaraṇ haiṁ.
samādhānaḥ- abhī āvaraṇ hai. parantu prayojanabhūt gurudevane mārga batāy hai. us mārgako pahacāne ki maiṁ caitanya bhinna hū̃n. us caitanyameṁ sthir ho jāy, vikalpa ṭūṭ jāy aur yadi svānubhūtike mārga par jāy aur svānubhūti ho to vah apanemeṁ līnatā karate- karate, śraddhā, jñān aur līnatā karate-karate vah kevalajñānako prāpta karatā hai.
mumukṣuḥ- pratham to śarīr-se bhinna mānanā.
samādhānaḥ- śarīr-se bhinna, śarīr aur vikalpa-se bhinna. śarīr sthūl hai. yah śarīr to jaḍ hai, kuch jānatā nahīṁ. usase to bhinna hai. pratham aisā (kare).
mumukṣuḥ- usase to bhinna mānatā hī nahīṁ.
samādhānaḥ- vah śarīrase bhī (bhinnatā) nahīṁ mānatā hai to vikalpa-se kahān̐ māne? śarīr aur maiṁ ek hūn̐, aisā mānatā hai. śarīrase bhinna maiṁ jānanevālā hū̃n. pratham śarīrase bhinna. andar gaharāīmeṁ jāy to vikalpase bhinna. jo-jo anek jātake vikalpa āye, ākulatā ho, vah sab vikalpa āye...
mumukṣuḥ- vikalpase to abhī bhī jān sakate haiṁ, parantu śarīr-se to bhinnatā nahīṁ mān sakatā haiṁ, vah kaise?
samādhānaḥ- vikalpa-se bhinna mānanā muśkil hai.
mumukṣuḥ- śarīr-se to bhinna kahān̐ mānatā hī hai. thoḍā bhī śarīrako kuch ho to..
samādhānaḥ- rāgake kāraṇa. yah śarīr bhinna hai. kṣaṇ-kṣaṇameṁ apanā bhedajñān taiyār rakhanā cāhiye ki ye jo rog hotā hai, vah merā svarūp nahīṁ hai, maiṁ usase bhinna hū̃n. ek bār dhāraṇā kar lī, vicār kar liyā aur phir choḍ de, aisā nahīṁ. jab- jab svayaṁko prasaṁg paḍe tab jñān hājir ho ki yah śarīrameṁ jo hotā hai vah merā svarūp nahīṁ hai, maiṁ bhinna hū̃n. maiṁ caitanya hū̃n. aisī kṣaṇ-kṣaṇameṁ apanī taiyārī rakhe to kṣaṇ-kṣaṇameṁ usase bhedajñān niraṁtar bhāne jaisā hai.
mumukṣuḥ- vikalpa-se to aisā māne, itanā sune to aisā lage ki śarīr-se maiṁ
PDF/HTML Page 1502 of 1906
single page version
bhinna hūn̐, aisā mānatā hai. kisīkā maraṇ ho to mān letā hai ki yah jaḍ hai aur cetan ātmā hai. vikalpase mān lete haiṁ, parantu śarīrase ekatvabuddhi to bahut hai.
samādhānaḥ- rāgake kāraṇa. śarīrase bhī kahān̐ chūṭā hai aur vikalpa-se bhī nahīṁ chūṭā hai. yathārtha chūṭe to donoṁ-se chūṭe. vikalpa-se bhī nahīṁ chūṭā hai aur śarīr-se bhī nahīṁ chūṭā hai. śarīr so maiṁ aur maiṁ so śarīr, usameṁ apanā jñāyak use bhinna nahīṁ dikhatā hai. parantu usakā prayatna kare ki ye jo jānanevālā hai, jo-jo vikalpa hue sab vikalpa cale gaye, lekin unake bīc jo jānanevālā hai vah jānanevālā maiṁ hū̃n. vah jānanevālā śarīrameṁ nahīṁ ātā hai. śarīr to jaḍ hai, vah kahān̐ jānatā hai. śarīrameṁ rog ho to śarīr kahān̐ jānatā hai ki mujhe rog huā hai ki ye rog acchā nahīṁ hai, nirogatā acchī aur rog kharāb, aisā śarīr nahīṁ jānatā. jānanevālā andar hai. use rāg ho ki yah rog acchā nahīṁ hai, mujhe duḥkharūp hai. ye nirogatā acchī hai, mujhe sukharūp hai. jānanevālemeṁ svayaṁ rāg-dveṣ karatā hai. śarīr kuch nahīṁ jānatā hai, vah to jaḍ hai.
mumukṣuḥ- duḥkh āve tab isake sāth ekatvabuddhi ho jātī hai.
samādhānaḥ- us vakta taiyārī rakhanī cāhiye. gurudev kahate haiṁ na ki sunā use kahe ki mauke par jñān hājir honā cāhiye. maiṁ ātmā bhinna śāśvat hai, yah śarīr bhinna hai. is prakār aṁtarameṁ-se aisī bhāvanā (ho), yathārtha to bādameṁ hotā hai, parantu pahale aisī bhāvanā taiyār kare, aisī ruci taiyār kare, aise vicār kare. yathārtha bhedajñān ho use to kṣaṇ-kṣaṇameṁ hājir hotā hai ki maiṁ to bhinna jānanevālā hū̃n. parantu aisā vicār kare, bhāvanā kare to bhī acchā hai. aisī ruci kare.
ye śarīr becārā to kuch jānatā nahīṁ. jānanevālā andar rāg-dveṣ (karatā hai). usase bhī maiṁ (bhinna hūn̐), rāg-dveṣ bhī merā svarūp nahīṁ hai. parantu jānanevālā rāg- dveṣameṁ juḍatā hai. śarīr to kuch jānatā nahīṁ, vah to jaḍ hai. lekin vah svayaṁ mān letā hai ki aisā śarīr ho, aisā ho, vaisā ho, vah maiṁ hū̃n. aisā cale, bole, vah sab maiṁ hūn̐, aisā mānatā hai. aisī bhāṣā nikale vah maiṁ hū̃n. vah sab maiṁ-maiṁ mānatā hai. bhāṣā bhī jaḍ hai, sab jaḍ hai, lekin svayaṁ andar ekatvabuddha kar rahā hai. svayaṁ prayatna karake vicār karanā cāhiye ki maiṁ to śāśvat hū̃n.
itane sāl bīt gaye, usameṁ jānanevālā aise hī vidyamān hai, vikalpa ākar cale gaye. lekin maiṁ to jānanevālā bhinna hūn̐, maiṁ to andar bhinna hū̃n. ye śarīr to jaḍ becārā kuch jānatā nahīṁ. vah kuch nahīṁ jānatā hai. soyā ho to niṁdameṁ anek jātakī jāl ātī hai, śarīr soyā ho to svapnameṁ maiṁ kahīṁ jātā hūn̐ aur ātā hūn̐, vah
PDF/HTML Page 1503 of 1906
single page version
sab (calatā hai). andar aise saṁskār hai. jānanevālā hai, usameṁ jo rāg-dveṣ hote haiṁ, usase bhinna paḍanekī jarūrat hai. śarīr to jaḍ hai. ye hāth-pairā kahān̐ kuch jānate haiṁ. jānanevālā andar rāg-dvekhakī kalpanā khaḍī karatā hai.
mumukṣuḥ- kalpanāmeṁ bhī jñān hī paradravya par..
samādhānaḥ- hān̐, usakā lakṣya par-or jātā hai, andar ekatvabuddhi hai.
mumukṣuḥ- tīrthaṁkar bhagavānako hī om dhvani chūṭatī hai?
samādhānaḥ- hān̐, tīrthaṁkar bhagavānako om dhvani chūṭatī hai, kevalī bhagavānako om dhvani chūṭatī hai. jisako kevalajñān ho un sabako om dhvani chūṭatī hai. koī kevalajñānī bhagavān jise vāṇī ho unheṁ om dhvani chūṭe. koī kevalī bhagavānako vāṇī na nikale to na chūṭe. kevalajñānī bhagavānako om dhvani chūṭatī hai. tīrthaṁkar bhagavānako om dhvani chūṭatī hai. tīrthaṁkar bhagavānako samavasaraṇakī racanā hotī hai, sab hotā hai. kevalī bhagavānako samavasaraṇakī racanā ho yā na ho, parantu sab sabhā hotī hai. kevalī bhagavānako bhī om dhvani chūṭatī hai.
mumukṣuḥ- tīrthaṁkar gotra.. usake bād..
samādhānaḥ- hān̐, jo tīrthaṁkar hote haiṁ, unheṁ pahale śubhabhāv hotā hai. usameṁ puṇyabandhatā hai, tīrthaṁkar gotra. vah bhī puṇya hai. lekin vah unheṁ heyabuddhi-se (hotā hai) ki yah ādaraṇīy nahīṁ hai. samyagdr̥ṣṭi ho usako hī tīrthaṁkar gotra bandhatā hai, koī muniko bandhatā hai, koī samyagdr̥ṣṭiko (bandhatā hai), lekin vah mānatā hai ki yah śubharāg hai, merā svarūp nahīṁ hai. use bhāvanā ā jātī hai ki aho! aisā dharma! aisā caitanyakā svarūp koī adabhut! yah svarūp sab kaise samajhe? sarva jīv karu śāsan ... sab jīv yah dharma kaise prāpta kare? aisā karuṇā bhāv utpanna hotā hai, usameṁ use puṇyabandha ho jātā hai. lekin yah puṇyabhāv ādaraṇīy nahīṁ hai. aise use heyabuddhi-se puṇya bandha ho jātā hai. tīrthaṁkar gotra bāndhate haiaiṁ aur usakā uday ātā hai. bhagavānakā janma hotā hai tab indra āte haiṁ, paṁc kalyāṇak hote haiṁ. kevalajñān hotā hai tab samavasaraṇakī racanā hotī hai. bhagavān garbhameṁ āye, bhagavān janme tab indra ākar unakā janma kalyāṇak karate haiṁ. paṁc kalyāṇakameṁ bhagavān janmate haiṁ.
mumukṣuḥ- sādhāraṇ jīv ... to use aisā koī bhāv nahīṁ hotā. to phir usakā...
samādhānaḥ- sādhāraṇ jīv ho use...?
mumukṣuḥ- bhavya jīv sādhāraṇ ho, vāṇī sunakar tir jāya. sabako tīrthaṁkar gotrakā śubhabhāv nahīṁ hotā hai na?
samādhānaḥ- sabako tīrthaṁkar gotra nahīṁ bandhatā. sādhāraṇ jīv ho to vāṇī sunakar..
PDF/HTML Page 1504 of 1906
single page version
oho..! bhagavānakī aisī vāṇī! ātmākā svarūp samajhameṁ āye, bhedajñān ho, munidaśā ho aur kevalajñān ho jāya. sabako tīrthaṁkar gotra bandhe aisā nahīṁ hai.
mumukṣuḥ- munidaśāke bād hī..
samādhānaḥ- munidaśā avaśya ātī hai, muni ho, kevalajñān ho. kevalajñān ho to kisīko vāṇī chūṭe, kisīko nahīṁ chūṭatī. phir mokṣa ho jātā hai. gajasukumāl muni gaye, smaśānameṁ gaye aur sar par agni rakhī. usane agni rakhī, upasarga āyā to aṁtarameṁ ūtar gaye. kevalajñān ho gayā aur mokṣa ho gayā.
mumukṣuḥ- apane yahān̐ caibīsīmeṁ aṁtim mahāvīr bhagavān, ab āgāmī caubīsīke śreṇik rājā pratham tīrthaṁkar hoṁge. unheṁ divyadhvani chūṭegī?
samādhānaḥ- hān̐, unheṁ divyadhvani chūṭegī. mahāvīr bhagavānakī jaisī divyadhvani chūṭatī thī, vaisī śreṇik rājākī divyadhvani chūṭegī. unhoṁne tīrthaṁkar gotra bāndhā hai. śreṇik rājāne tīrthaṁkar gotra bāndhā hai. aise caubīs bhagavān hote haiṁ. vartamān caubīs, bhaviṣyameṁ caubīs, bhūtakālameṁ cobīs (hue). caubīs bhagavān, yah bharatakṣetra, airāvat kṣetra sabameṁ caubīs-caubīs bhavagān hote haiṁ. aur mahāvidehameṁ bīs viharamān bhagavān haiṁ. vahān̐ mahāvidehameṁ hameśā bhagavān virājate haiṁ. acchā kāl ho us samay videhakṣetrameṁ har jagah bhagavān hote haiṁ.
mumukṣuḥ- samyagdarśan sabako kyoṁ nahīṁ ho jātā?
samādhānaḥ- puruṣārtha kare to ho. karanā svayaṁko hai. pratyek dravya svataṁtra hai, gurudevane kahā na, jo puruṣārtha kare use hotā hai. koī kisīko kar nahīṁ detā. ananta tīrthaṁkar hue, munivar hue, gurudev jaise jāge to gurudev kahate the ki tū kar to hogā. koī kisīko kar nahīṁ sakatā. koī kisīko jabaran nahīṁ (karavā detā). svayaṁko ruci ho aur svayaṁko ruce nahīṁ ki ye vibhāv acchā nahīṁ hai, ye saṁsār mahimāvaṁt nahīṁ hai, mahimā to mere ātmāmeṁ hai. sarvasva mere ātmāmeṁ hai, ye sab tuccha aur niḥsār hai. aisā svayaṁko aṁtarameṁ lage aur jīv puruṣārtha kare, bhedajñān kare use samyagdarśan hotā hai.
mumukṣuḥ- bhavakā duḥkh laganā cāhiye?
samādhānaḥ- hān̐, duḥkh laganā cāhiye ki aise janma-maraṇ karate-karate jīv ananta bār duḥkhī huā. ananta bār narkameṁ, nigodameṁ aise janma-maraṇ hote rahate haiṁ. maiṁ ātmā śāśvat hūn̐, aise svayaṁko pahacāne, vairāgya karake, to samyagdarśan hotā hai.
mumukṣuḥ- din-rāt usīkā raṭana. samādhānaḥ- vahī raṭana. usakā gaharā besabrī-se raṭan honā cāhiye.