hai. svayam apane shuddhAtmAkA kArya kar sakatA hai aur agnAn avasthAse vibhAv karatA hai. bAkI dUsare parapadArthakA vah kuchh nahIn kar sakatA. jaD padArthakA kare, koI kisIkA kare, ek chaitanya dUsarekA kare yA ek pudagal dUsarekA kare to dravyakI svatantratA hI nahIn rahI.

vastu svayam svatantra mahAn padArtha hai. sabake dravya-guN svatantra hain. kaise pariNamanA vah apane hAthakI bAt hai. ek padArtha dUsarekA kare to vah padArtha kamajor ho gayA. to dUsarA kuchh dUsarA kar de, svayam sulaTA kare, dUsarA UlaTA kar de, aisA parAdhIn vastukA svarUp hotA hI nahIn. pratyek dravya svatantra hai. svata kaise pariNamanA vah usake hAthakI bAt hai. usake hAthakI bAt hai. puruShArtha svayamko karanA rahatA hai.

mumukShu- sva aur parakA bhedagnAn kaise karanA?

samAdhAna- roj vah bAt AtI hai. karanA to svayamko paDatA hai. kaise karanA? to lakShaN pahachAnakar karanA. usakA lakShaN to pahachAnA jAy aisA hai. gnAnasvabhAvako pahichAnanA. ye vibhAv hai aur ye svabhAv hai. lakShaN pahichAnanA paDe. kAnch aur hIrekI parakh to jo jauharI ho vah kare na. lakShaNase pahachAnamen AtA hai. antaramense sachchI jignAsA ho to pahachAnamen A hI jAtA hai ki yah gnAn hai aur yah vibhAv hai. to bhedagnAn ho. lakShaN pahichAne to bhedagnAn ho. parantu usakA abhyAs chAhiye. ye gnAn hai, gnAn hai, gnAn hai, usakA bArambAr abhyAs karanA chAhiye ki yah gnAtA hai. gnAn arthAt gnAtA.

... vikalpa to Ate hain, puruShArtha karanA. palaTAnA chAhiye puruShArtha karake ki main gnAyak hUn. bArambAr usamen Tik na sake to us jAtakA vichAr, vAnchan, svAdhyAy, mahimA karanI. dev-guru-shAstrakI, AtmAkI-gnAyakakI mahimA karanI, na palaTe to. bhAvanA rakhanI, puruShArtha karanA.

muumukShu- mAtAjI! ApakA jIvane to bachapanase itanA vairAgyamay thA, adabhUt AshcharyakArI. aur hamen to aisA lagatA hai ki are..! ye duniyA aisI hai, sab chhoDane lAyak hai, bas! AtmAkA hI karanA hai.

samAdhAna- abhyAs hai na. kShaNabhar vairAgya AtA hai, phir badal jAtA hai. andar gaharAIse ho to hotA hai. usakI lagan antaramense laganI chAhiye. is manuShyajIvanamen vahI karanA hai. bArambAr usIkI lagan, bArambAr abhyAs karanA chAhiye. palaT to jAtA hai, anAdikA abhyAs hai isaliye palaT jAtA hai. aur antaramense utanI lagI ho to antaramen vahI khaTak rahA kare. are..! AtmAkA karanA bAkI rah jAtA hai. sab kiyA lekin AtmAkA karanA bAkI rah jAtA hai. aisI antaramense khaTak laganI chAhiye.