to bhI chaitanya to vaisAkA vaisA shAshvat hai. usake ananta guN yA usakA svabhAv nAsh
nahIn huA. vaisA kA vaisA hai. use pahachAnanA, vah upAy hai. use pIchhAnanekA prayatna
karanA, usakA vichAr karanA, usakA abhyAs karanA. dev-guru-shAstrakI mahimA aur AtmAkI
mahimA antaramen rakhakar tattvakA vichAr karanA, yah usakA upAy hai.
ananta kAlase parapadArtha.. sva-parakI ekatvabuddhi ho rahI hai. ekatvabuddhi toDanI. parake dravya-guN-paryAy aur sva dravya-guN-paryAy donon bhinna hain, use bhinna karanA. yah usakA upAy hai. AtmA koI apUrva adabhUt vastu hai. use prApta karaneke liye usake vichAr, usakI pratIt, us jAtakI lInatA vah sab karane jaisA hai.
use lakShaNase pahachAnanA. AtmA svayam gnAnalakShaN hai. koI vastuko pIchhAnanI ho to lakShaNase pahachAnate hain na? bhinna karanA. shakkarakA mIThA svabhAv hai, kAlIjIrIkA kaDaA svabhAv hai. use svabhAvase pIchhAnA jAtA hai. vaise AtmAkA jAnanekA lakShaN hai. ye pudagal kuchh jAnatA nahIn. jo jAnatA hai vah main hUn. jisamen Ananda hai, jo jAnatA hai vah main hUn. is prakAr lakShaNase pahichAna. lakShaNako pIchhAne binA vah bhinna kaise hogA? isaliye lakShaNase pIchhAnanA.
anAdikA anajAnA pahachAnA nahIn jAtA. lakShaNase pahachAna. aur gurudev mArga darshAte hain ki tU bhinna koI apUrva hai. ye jo anAdikA hai vah apUrva nahIn hai. vah sarvasva nahIn hai, vah rakhaneyogya nahIn hai. AtmA hai vahI rakhaneyogya aur AnandarUp hai. ye sab to dukharUp hai. itanI pratIt antaramense AnI chAhiye. usakA gnAnalakShaN kabhI nAsh nahIn huA. vah jAnanevAlA sadA jAnanevAlA hI hai. antaramense shAnti Ave, antaramense gnAn Ave, anntaramense ananta guNakI paryAyen antaramense pragaT hotI hai. bAharase kuchh nahIn AtA hai.
usakI lagan lagAte rahanA. usakA puruShArtha karate rahanA, usakA abhyAs karate rahanA. jab tak nahIn hotA tab tak chaitanya hUn, main chaitanya hUn, main chaitanya hUn, usakI bhAvanA karatA rahe, usakA prayAs karate rahanA, bhedagnAn karanekA.