samAdhAna- dravya, guN, paryAy svatantra hain. lekin do dravya svatantra hai, donon dravya svatantra hai vaise guN aur paryAy vaise svatantra nahIn hai. svatantra to lakShaN, prayojan, sankhyA Adise svatantra hai. guN ek-ek sabakA.. gnAn, darshan, chAritra, Ananda aise guN svatantra hain. jo guN pariNamate hain usakI paryAy svatantra hai. vah sab svatantra hai. to bhI guN aur paryAyako dravyakA Ashray hai. dravyake Ashrayase hai. svatantra, apane svabhAvase svatantra hai. to bhI guNakA samUh to dravya hai. aisA kahanemen AtA hai. donon apekShAen bhinna- bhinna hain. apekShAse bAt hai.
mumukShu- usako dhyAnamen rakhanA paDegA.
samAdhAna- hAn, dhyAnamen rakhanA. svatantra (kahanese) aise svatantra nahIn hai ki guN dravya ho jAy, aisA svatantra nahIn hai. aisA svatantra hove to jitane guN hain, utane dravya ho jAya. aise svatantra nahIn hain. guN dravyamen rahate hain. paryAy dravyake Ashrayase hotI hai. apekShA lakShyamen rakhanI chAhiye.
mumukShu- dravyakI paryAy nahIn hotI, aisA samajhamen to honA chAhiye. guNakI paryAy hotI hai, dravyakI nahIn hotI.
samAdhAna- nahIn, aisA nahIn hai. dravyakI bhI paryAy hotI hai, guNakI paryAy hotI hai. guNaparyAy, arthaparyAy, vyanjanaparyAy aisA kahanemen AtA hai. akhaNDarUpase dravyaparyAy kahanemen AtA hai. ek-ek guNakI bhinna-bhinna paryAy arthaparyAy kahanemen AtI hai. guNakI paryAya.
mumukShu- sunate bhI hai, karate bhI hai, lekin phir bhI antaramen lakShya nahIn hotA hai. aisI kachAs hai.
samAdhAna- lakShya karanemen apanA puruShArtha karanA chAhiye. puruShArthase hotA hai. bhAvanA aisI hove ki antar lakShya ho. antar dRuShTise sab pragaT hotA hai. AtmA main kaun hUn? e merA kyA svabhAv hai? ye sab bhinna hain. sharIr apanA nahIn hai, sharIr paradravya hai. vibhAv bhI apanA svabhAv nahIn hai. aise chaitanyadravya gnAyak svabhAv ananta guNase bharapUr aisA dravya main hUn, us par dRuShTi karanI chAhiye. usakA prayatna karanA chAhiye. antarmukh dRuShTi karanese pragaT hotA hai. bAhar bahiradRuShTise nahIn hotA, vah to antaradRuShTise hotA hai. to antaradRuShTi karanese jo dravyamen hai, guN Ananda sab pragaT hotA hai.
mumukShu- vah anubhavamen AyegA.
samAdhAna- vah anubhavamen AyegA. antaramen jAnese anubhavamen AtA hai.
mumukShu- bAharakI bAt karanese, bAharake vichAr karanese to hotA nahIn.
samAdhAna- nahIn hotA hai.