200
samAdhAna- chaTapaTI lage isaliye use kaShAy kam ho jAte hain.
mumukShu- chaTapaTI lagAneke liye bhI prayatna to karanA paDatA hai na?
samAdhAna- chaTapaTI lagAneke liye prayatna karanA paDatA hai. prayatna karanA chAhiye. antaramen jAnekA prayatna to karanA chAhiye. kaShAy to use sahaj hI kam ho jAte hain.
mumukShu- sahaj hI kam ho jAte hain? prayatna jyAdA nahIn karanA paDe.
samAdhAna- use ras hI nahIn rahatA. jise AtmAkI or jAnekA vairAgya A jAy, use ye sab ruchi, bAharakI ruchi kam ho jAtI hai. ras kam ho jAtA hai.
mumukShu- .. use dRuDhatA rahA kare ki main to, chAhe jo bhI upayog ho, koI bhI avasthA ho, main to gnAyak hI hUn.
samAdhAna- sarva pratham to buddhipUrvak nirNay hotA hai. lekin use nirNay aisA hI hotA hai ki yah yathArtha nirNay hai aur isI prakArase Age jAyA jAtA hai. aisI use antaramense shraddhA ho jAtI hai. yah gnAyak hai aur is gnAyakako grahaN karanese aur usamen tIvratA karanese, usakI ugratA karanese avashya isamense Age baDhA jAtA hai. aisA use nirNay A jAtA hai. usakA vah nirNay yathArtha hotA hai. gnAyakake mUlamense hI use svabhAv grahaN hokar nirNay hotA hai ki yahI gnAyak hai aur ye sab par hai, yah vibhAv hai, yah svabhAv hai. aur is svabhAvako grahaN karanese antaramense shAnti pragaT ho, antaramense Ananda AtA hai, aisA use yathArtha nirNay joradAr hotA hai. aur jahAn usakA puruShArtha uThatA nahIn hai, vah jAnatA hai ki merA puruShArtha nahIn hai. lekin is gnAyakako grahaN karanese, gnAtAdhArAko ugra karanese avashya isamense svAnubhUti pragaT hotI hai. aisA use joradAr nirNay hotA hai.
aur usake bAd bhI, svAnubhUtike bAd bhI use bhedagnAnakI dhArA chalatI hai. pahale to use nirNay hotA hai, parantu bhedagnAnakI dhArA usakI sahaj nahIn hotI hai. gnAyak grahaN ho aur phir chhUT jAy, use aisI puruShArthakI tIvratA-mandatA hotI rahatI hai. parantu usakA nirNay joradAr hotA hai ki aisA puruShArtha karanese, is gnAyakakI ugratA karanese avashya isI mArgase Age baDhA jAtA hai. utanA joradAr nirNay hotA hai. phir to usakI gnAyakakI dhArA joradAr rahatI hai. kShaN-kShaNamen kahIn bhI upayog jAy, upayog bAhar jAy, anek jAtake use vibhAvake vikalpa Aye to bhI use gnAyakakI dhArA to gnAyak use bhinna hI, pratikShaN bhinna hI rahatA hai. bAharamen koI bhI kArya hotA ho, antaramen koI bhI vikalpa Ate ho to bhI use gnAyak usase nyArA, gnAyakakI dhArAkI pariNati bhinna hI rahatI hai. khAte-pIte, chalate-phirate koI, kahIn bhI sote-jAgate use bhedagnAnakI dhArA (chalatI hai). ekatva hotA hI nahIn, aisI sahaj dhArA hotI hai. aur sahaj dhArAkI