210
mumukShu- pragaT hai, mahAn hai, Ap kahate ho ki lakShaNase hI Apako prApta ho jAyagA.
samAdhAna- lakShaNase pahichAnA jAtA hai. vah svayam hI hai, anya koI nahIn hai.
mumukShu- svayam us rUp hI hai.
samAdhAna- us rUp hI hai.
mumukShu- hAn jI. gurudev bahut kahakar gaye hain aur Ap bahut kahate ho. parantu gurudev paramaguru aur mere to Ap bhI guru hI ho.
samAdhAna- .. abhyAs karate rahanA. bArambAr abhyAs karate rahanA, na ho to bhI. bArambAr karate rahanA.
mumukShu- Apako to dhanya hai! Ap jaisI koI vyakti is vishvamen nahIn hai, mAtAjI! naman karane jaisI vyakti yA smaraN karane jaisI vyakti to ek Ap hI ho.
samAdhAna- ApakA svAsthya barAbar nahIn rahatA thA, ThIk rahatA hai? .. mahAbhAgya, itane jIvonko taiyAr kar diye. pUrA hindustAn taiyAr kar diyA. har ek vyakti kitane taiyAr ho gaye hain. AtmA-AtmA karanA sIkh gaye hain. is panchamakAlamen sab kriyAmen paDe the. shubhabhAvase dharma hotA hai, aisA mAnate the. usake bajAy AtmA.. AtmA.. shubhAshubh bhAvase AtmA nyArA hai. bhale bIchamen shubhabhAv Aye, lekin terA svabhAv nahIn hai. tU usase bhinna hai, aisA kahanevAle gurudev mile. dravya-guN-paryAyakI gaharI-gaharI .. kI. gurudevane pUre hindustAn, hindI-gujarAtI sabako gurudevane taiyAr kiyA. gurudevane hI sabako muktike mArga par moD diye hain. mahAbhAgyakI bAt hai. aisA bhedagnAnakA, svAnubhUtikA mArga batAyA.
mumukShu- kisIko guru na mile, aise guru panchamakAlamen.. AhAhA..! kuchh alag hI prakArase kahate the.
samAdhAna- bhedagnAn karanA vahI muktikA mArga hai, svAnubhUti karanA vahI (muktikA mArga hai).
mumukShu- bhedagnAn hI mukhya vastu hai.
samAdhAna- bhedagnAn mukhya vastu hai.
mumukShu- bhedagnAn honeke bAd hI apane AtmAkA lakShya hotA hai.
samAdhAna- kevalagnAn bAdamen hotA hai, pahale to usakA bhedagnAn hotA hai. jo pariNati Aye usakA bhed varte yA usakA ras TUT jAy yA bhedagnAn ho ki main chaitanya gnAyak hUn, gnAyak hUn, aisI pariNati rahA kare. kabhI-kabhI usakI svAnubhUti ho. bAkI bhedagnAnakI dhArA nirantar vartatI rahe, aisI samyagdRuShTiko pariNati hotI hai.