sab ekasAth hI hotA hai. yah chaitanyalakShaN hai aur yah vibhAvalakShaN hai. donon lakShaNako bhinna kare to vah vAstavik sUkShmatA hai. bhAvabhAsan ho to antaramen use grahaN ho jAya. yathArtha bhAvabhAsan ho to antaramen chaitanya grahaN ho hI jAtA hai. abhI tak yathArtha bhAvabhAsan nahIn huA hai.
mumukShu- vikalpAtmak yathArtha bhAvabhAsan nahIn huA hai?
samAdhAna- vikalpAtmak vah buddhise hotA hai. isaliye use vyavahArase yathArtha kahanemen AtA hai. vAstavik yathArtha svayamko-chaitanyako grahaN kare to hI vah yathArthatA hai. vAstavik yathArthatA tab kahanemen AtI hai. buddhise nirNay kare to use yathArtha kahanemen AtA hai, parantu vAstavikarUpase yathArtha svayamko grahaN kare tab kahanemen AtA hai.
mumukShu- aisA kuchh hai ki paradravyakI paryAy rAg aur gnAn, pragaT gnAnabhAv, pragaT gnAnabhAv use khyAlamen Aye ki yah jAnapanA, yah jAnapanA, yah jAnapanA. aise khyAlapUrvak yah jAnanevAlA so main, aisA jA sakatA hai?
samAdhAna- rAgake sAth jo gnAn hai vah gnAn hai, vah ek kShaNik paryAy hai. isaliye vah paryAy hai utanA hI main nahIn hUn, main to shAshvat hUn. akhaNDa gnAyak hUn, aise grahaN honA chAhiye.
mumukShu- aisA trikAlI jAnanevAlA.
samAdhAna- hAn, main trikAl jAnanevAlA hUn. ye kShaNik jo gnAnakI paryAy kShaN- kShaNamen badalatI hai vah kShaN-kShaNamen badalatI paryAy, aisA main nahIn hUn. parantu main shAshvat svayam gnAyak hI hUn. svayam merA astitva hI gnAyak hai. merA astitva gnAyakatAse hI rachit hai. svayam rachit hai. gnAyakatAsvarUp jo astitva hai vahI main hUn. mAtra ye kShaN- kShaNamen parivartan hotA hai, vah parivartan merA mUl vAstavik svarUp nahIn hai. parantu svayam gnAyakase hI merA astitva gnAyakatAse rachit akhaNDa hai. vah main gnAyaka. aise gnAyakako grahaN kare.
ye kShaNikamAtra jo gnAn-gnAn dikhatA hai, vah merA mUl astitva nahIn hai. vah to paryAy badalatI hai. aise grahaN honA chAhiye. anantAse bharA akhaNDa gnAyakatAse rachit astitva ananta-ananta agAdh shaktiyonse bharA jo gnAyakatAkA astitva hai, vah main hUn. anantatA use dikhatI nahIn hai, lekin use itanI mahimA antaramen A jAtI hai ki jo astitva gnAyakatAse rachit hai, agAdh shaktionse bharA aisA merA astitva hai. khAlI astitva yA gnAyak aise nahIn, parantu ananta shaktionse bharA, aisI jo gnAyakatA, vaisI merI gnAyakatA hai. aise mahimApUrvak antaramense use gnAyakatA grahaN honI chAhiye.