hai.
samAdhAna- aisI pratIti, vah svayam nirNay karatA hai, apane puruShArthase nirNay karatA hai. pahale aisA nirNay hotA hai, bAdamen antaramen jAtA hai. pahale nirNay kare ki yah aise hI hai. shAstramen bhI aisA AtA hai, svayam apaneAp nakkI karatA hai ki vastu aise hI hai. aise nirNay karake phir matignAn, shrutagnAn Adi sab chaitanyakI or muDatA hai. phir usake vikalpa TUTate hain. gnAnIpuruShake vachanase svayam nakkI karatA hai. vishvAs svayamko karanA hai. vachan gnAniyonke, lekin vishvAs kaun karatA hai? vishvAs to svayam karatA hai. vishvAs svayamko karanA hai. apane buddhibalase svayam nakkI karatA hai. us prakArakI svayam ruchi karatA hai, vishvAs svayam karatA hai, nakkI karatA hai. pahale buddhise aise nakkI karatA hai.
shAstramen AtA hai na? vah vastra oDhakar so gayA. use kahate hain, ye terA vastra nahIn hai. lekin vah svayam lakShaNase nakkI karatA hai ki vAstavamen yah (merA) nahIn hai. isaliye chhoD detA hai. guru to bArambAr kahe ki yah terA nahIn hai, ye tU nahIn hai. tU bhinna hai. ye vikalpa tU nahIn hai, sharIr tU nahIn hai, kShaNik paryAyamAtra tU nahIn hai. aisA bArambAr kahe. lekin nakkI svayam karatA hai. vAstavamen guru jo yah kahate hain vah barAbar hai. guruke vachan to bIchamen hote hI hain, parantu taiyArI svayamko karanI paDatI hai.
mumukShu- gnAyak kahane par ananta guN to A gaye.
samAdhAna- ananta guN usamen sAthamen A jAte hain. gnAyak koI aisI gnAyakatA hai ki ananta guNonse bharI gnAyakatA hai. apanA astitva ananta guNonse bharI gnAyakatA hai. gnAyakatAmen astitva, vastutva Adi sab ananta-ananta shaktiyAn usamen A jAtI hai. gnAyakatA Anandase bharI hai. gnAyakatA shAntise (bharI hai). kitane hI guN vachanamen nahIn Ate, aisI ananta shaktiyonse bharI gnAyakatA hai.
... lakShyamen bhale na Ave, lekin usakI mahimA Ave. vichArase nakkI kar sakatA hai. gnAnI par vishvAs rakhanA barAbar hai, gnAnIne hI sab kar diyA. bhale svayam kahe ki prabhu! Apane kiyA aur ApakA upakAr hai. Apane hI sab kiyA, ham kuchh nahIn jAnate the. Apane hI mArga darshAyA. lekin aisA kahakar ve kar dete hain, aisA nahIn, karanA svayamko paDatA hai.
ananta shaktiyAn bhale gurudev batAve ki terA AtmA koI agAdh mahimAse bharA hai. lekin usakI pratIt svayamko karanI paDatI hai. svayam pratIt karatA hai ki barAbar hai. ananta guN kahIn dikhAI nahIn dete, parantu vah svayam nakkI karatA hai, vishvAs karatA hai.