samAdhAna- .. aisI use upamA dete hain-parokSha. bAkI kevalagnAnIkA pratyakSha (hai). bAdamen kahate hain na ki merA kShayopashamagnAn kahAn aur prabhu! ApakA kShAyik kahAn aur main kahAn! aisA kahate hain. antarmuhUrtamen merA upayog jAnatA hai, Ap to ek samayamen jAn sakate ho. main kahAn, usakA koI mel nahIn hai. ApakA to ananta (gnAn) aur merA to kitanA Anshik! us apekShAse shrutagnAnako (parokSha) kahate hain. yah to kShayopasham kShaN-kShaNamen jAnane vAlA, upayog antarmuhUrta ho tab jAnanemen Aye, Ap to ek samayamen jAnate ho, us apekShAse bahut pharka hai. kevalagnAn ananta aur kShayopasham to ek antarmuhUrtamen jAnane vAlA, isaliye thoDA usakA mel nahIn baiThatA isaliye aisA kahate hain. usakI mahimAmen aisA kahe ki shrutagnAnI aur kevalagnAnI donon samAn hain, aisA kahanemen Aye. shAstramen AtA hai, shrutagnAnI aur kevalagnAn (donon samAn hain). samvedanakI apekShAse AtA hai. parantu andar donon le sakate hain.

samAdhAna- ... manuShyadeh mile, usamen panchamakAlamen gurudev mile vah mahAbhAgyakI bAt hai. sabako gnAyak.. gnAyak.. gnAyakakI sabako ruchi karavAyI. sharIr bhinna, AtmA bhinna Adi gurudevane hI sikhAyA hai. mahAbhAgyakI bAt hai. bhavakA abhAv karanekA prasang banA. nahIn to samAj to kahAn paDA thA. kriyA Adi, shubhabhAva. shubhAshubh bhAvase bhinna AtmA kisane batAyA? gurudevane batAyA hai. isaliye sabako itane sanskAr prApta hue hain.

jIvane kitane janma-maraN kiye hain. ek-ek AkAshake pradeshamen, ananta avasarpiNI, utsarpiNI kAlamen, ek-ek AkAsh pradeshamen janma-maraN karate-karate bAharake pudagal paramANu lokamense jitane grahaN kiye utane chhoDe hain. utane jIvane bhav dhAraN kiye. AkAshake ek-ek pradesh par janma-maraN, avasarpiNI, utsarpiNI kAlamen ananta janma-maraN dhAraN kiye, usamen aise gurudev mile, aisA mArga milA vah mahAbhAgyakI bAt hai. gurudevake pratApase sabako yah mArga milA hai, mahAbhAgyakI bAt hai.

mumukShu- .. us bhAvako dRuDh karaneke liye, us bhAvamen adhik-adhik gaharAImen jA sake, aisA karaneke liye, vAnchan to barAbar hai, lekin sAth-sAthamen .. jisase ekadam dRuDh ho, svarUpamen lInatA ho, Ananda hai...

samAdhAna- main gnAyak hUn, yah vibhAv merA svabhAv nahIn hai, main to gnAyak hUn. gnAyakakI ruchi jyAdA laganI chAhiye. bAharakI ruchi kam ho, antarakI jignAsA, laganI, bhAvanA andar baDhAye. main to gnAyak hI hUn, yah sharIr main nahIn hUn, ye shubhAshubh vikalpa bhI merA svabhAv nahIn hai, main usase bhinna hUn. isaprakAr bArambAr prayAs karatA rahe. vAnchan, vichAr to kare, lekin usake sAth bArambAr bhinna karanekA prayAs kare ki main to bhinna hI hUn. usakA svabhAv pahachAnakar ki yah jAnane vAlA hai vahI main hUn. isake sivA