parAvartan, aise ananta parAvartan kiye. jisakA koI mAp nahIn hai, utane janma-maraN kiye. usamen is manuShya bhavamen panchamakAlamen gurudev mile. unhonne dharma batAyA ki AtmA bhinna hai. tU gnAyak hai, tU shAshvat hai, terA Ananda svabhAv hai use grahaN kara.
rAgake kAraN dukh hotA hai, lekin vichAronko badalakar AtmAkA sharaN grahaN karane jaisA hai. baDe devalokake devonke AyuShya bhI pUrNa ho jAte hain. sAgaropamakA AyuShya ho to bhI pUrA ho jAtA hai, to is manuShyabhavamen aur is panchamakAlamen to AyuShya pUrA honemen der nahIn lagatI. ek kShaNamen pheraphAr ho jAte hain.
mumukShu- aise mahAn puNya ki aise santonkA yog huA. sab puNyavAn ki aisA dharma..
samAdhAna- aisA dharma aur aise guru milanA mahA mushkil hai. shAnti rakhanI. aise prasangommen shAnti rakhane jaisA hai. shAstramen AtA hai na ki ananta mAtAonko svayamne rulAyA hai aur ananta mAtAonne svayamko rulAyA hai. svayamko rulAkar ananta (jIv) chale gaye. aise ananta janma-maraN jIvane kiye hain.
jagatamen ek samyagdarshan durlabh hai ki jisase bhavakA abhAv hotA hai. ek jinavarasvAmI milanA durlabh hai. mile to svayamne svIkAr nahIn kiyA-unako pahichAnA nahIn. ek jinavarasvAmI aur ek samyagdarshan, ye do vastuen prApta honA atyant durlabh hai. bAkI ananta kAlamen sab prApta ho chUkA hai. kuchh nahIn milA aisA nahIn hai. devalokake bhav ananta, manuShyake ananta, tiryanchake ananta, narkake ananta, jIvane ananta-ananta bhav kiye hain. usamen ek samyagdarshan prApta karanA mahAdurlabh hai. vah samyagdarshan kaise prApta vah mArga gurudevane batAyA hai. vah karane jaisA hai.
ek jinavar svAmI aur ek samyagdarshan (prApta nahIn huA). jinavar svAmI mile. jinavarako pahichAne vah svayamko pahichAne, svayamko pahichAne vah jinavarako pahichAnatA hai. isaliyee vah grahaN karane jaisA hai ki AtmA kaise pahachAnamen Aye? vah vastu durlabh hai. andar bhedagnAn aur svAnubhUti kaise prApta ho, vahI grahaN karane jaisA hai. bArambAr vichAronko badalakar shAnti rakhane jaisA hai. jitanA rAg hotA hai utanA dukh hotA hai. parantu jIvako palaTane par hI chhUTakArA hai. shAnti rakhanI vahI ek upAy hai. anya koI upAy apane hAthamen nahIn hai. ek shAnti aur ek AtmAkA dharma- svabhAv grahaN karanA. dev-guru-shAstrako hRudayamenn rakhakar AtmAko grahaN karanA, vah karane jaisA hai. gnAyak AtmAkA sharaN grahaN karane jaisA hai.
mumukShu- vichAr kiyA ho matalab kyA?
samAdhAna- vichAr AtmAko grahaN karanA ki main gnAyak hUn. koI par padArthake