290

samAdhAna- gurudev to mArga batAye. jo sAdhanA karate hain vah mArga batAte hain. usamen jisakI jitanI yogyatA ho us anusAr asar hotI hai. dUsarA koI tIre yA na tIre, sachchA mArga... gurudev jaise jAge ve mArga batAye. dUsaronko asar honI, vah usakI yogyatA AdhArit hai. bahut jIv aise hain, jisakI ruchi to palaT jAtI hai. jo ruchi palaT jAtI hai, jo mAnyatA palaT jAtI hai, akelI kriyAmen dharma mAnate the, usamense dharma koI alag hai, aisI ruchi to bahut logonkI palaT jAtI hai. bAkI AcharaN kaisA ho, vah (yogyatA par nirbhar karatA hai). parantu antar ruchi palaT jAy aise to bahut jIv hote hain.

mumukShu- ye jo jainIjham hai, usamen itanI tarahake hain, ki ham jo yuvA varga hai, hamen bahut bAr samajhamen nahIn AtA hai. kyonki itane gUT ho gaye hain ki ham yuvA vargako samajhamen nahIn AtA hai.

samAdhAna- (jainadarshan) bhinna-bhinna nahIn hai, gUT ho to bhI. bAharake gUTako ek or rakh do. antaramen bhedagnAn karake AtmAko pahachAnanA vah ek hI mArga hai. gurudevane vah kahA hai aur shAstramen vah AtA hai. andaramen svAnubhUti karake AtmAko bhinna jAnanA, bhedagnAn karake usamen lInatA karanI, usamen pratIt karanI vahI muktikA mArga hai. dUsarA koI muktikA mArga nahIn hai. usamen bIchamen sachche dev-guru-shAstra shubh pariNAmamen hote hain. andar shuddhAtmA-AtmAko bhinna pIchhAnanA. usakI pratIt, usakI lInatA, usakI svAnubhUti kaise ho, usakA prayatna karanA, vah ek hI mArga hai, dUsarA koI mArga nahIn hai.

mumukShu- lekin jainijhamamen kyon sab ek nahIn sakate? kyonki jab tak ham ek nahIn honge, tab tak ek prakArase sosAyaTImen asar to hotI hI hai na. ham sosoyaTIke taur par, ham sab baniye kahalAyen, jain kahalAyen, jainonkA ek panth ho jAy to hamAre deshako phAyadA hogA. .. usamen to koI shankA hai hI nahIn. parantu sAth-sAth sosAyaTImen jo log rahate hain, unakA kuchh phAyadA honA chAhiye na. ham log hI jainamen gUT banAyenge aur kahenge ki...

samAdhAna- .. svayam apanA kar sakatA hai. bAharakA honA, nahIn honA vah (apane hAthakI bAt nahIn hai). pratyek dravya svatantra hain. koI dravyako badalanA apane hAthakI bAt nahIn hai. baDe mahApuruSh hon, ve bhI upadesh dekar chale jAte hain. kisIko badalanA apane hAthakI bAt nahIn hai.

gurudevane sabako upadesh diyA. unake upadeshakA aisA nimitta ki kitanonkA upAdAn badal gayA. dUsareko koI badal sake, vah kisIke hAthakI bAt nahIn hai. pratyek dravya svatantra hain. koI samAjako ham badal sake, vah koI hAthakI bAt nahIn hai. vah to