334 samavasaraNamen virAjate hon aise.
jo jinendrako pahichAne vah svayamko pahichAne, vah AtA hai. jinendrako pahichAne. jinendra devakI pratimAen bhI jagatamen hain. pratimA shAshvat, mandir shAshvata. jagatamen AdaraNIy kyA hai, vah kudarat batA rahI hai. AdaraNI aur mahimA kisakI karanI vah kudarat batA rahI hai. mandir shAshvat aur pratimAen shAshvat hain.
mumukShu- bhagavAnakA Adar vah to..
samAdhAna- nimitta-upAdAnakA sambandha aisA hai. bhagavAnane pragaT kiyA. svayamko dArshanikarUpase darshA rahe hain ki yah pragaT karake is rUp chaitanyabimb ho gaye. aisA karane jaisA hai. bhagavAn mArga batA rahe hain. vANI dvArA, divyadhvani dvArA. kis mArga par jAnA? gurudevane usakI pahachAn karavAyI, gurudevane vANI dvArA (darshAyA ki) mArga kaun-sA sachchA hai?
... viharamAn bhagavAn bhI shAshvata. ekake bAd ek pravAharUpase shAshvat hI rahate hain. naye-naye, naye-naye bhagavAn to hote hI rahate hain. vah kShetra aisA hai ki vahAn bhagavAn hamenshA virAjamAn hI rahate hain. chaitanyadevako pahichAnaneke nimitta bhI jagatamen taiyAr hote hain. svayam taiyAr ho to sab taiyAr hI hai. apanI taiyArI nahIn hai. svayam taiyAr ho to jagatamen sab taiyAr hai. mArga dikhAnevAle bhI taiyAr hai, sab taiyAr hai.
anAdi kAlase kahIn-kahIn bhramamen, bhUlamen (aTakA hai). dUsaronko bhramase AdaraNIy mAn rahA hai, vibhAvako AdaraNIy mAn rahA hai. nisAr vastuko AdaraNIy mAn rahA hai isaliye ruk rahA hai. sArabhUt AtmA gnAyak hai vah AdaraNIy hai. aur use batAnevAle dev-guru-shAstra hain, ve AdaraNIy hain. gnAyakako batA rahe hain ki tU gnAyak bhagavAn hai. terA yah svarUp hai. ham pragaT karake virAjamAn ho gaye, vaise terA svarUp bhI aisA hai. tU bhI pragaT kar to antaramense vah pragaT ho sake aisA hai.
gurudev, bhagavAn padhAre us vakta unakI bhAvanA kitanI thI. vyAkhyAnamen utanA kahate the. Ankhamen AnsU A jAya. rangaberang chhA gaye. jinendra bhagavAnake sAth kudarat bandhI huI hai. "amIy bharI mUrti rachI re, upamA na ghaTe koI'. vah gAte the. "shAnt sudhAras jhilatI re, nirakhat tRupti na hoy, sImandhar jin dIThA loyaN Aj, mArA sijhyA vAnchhit kAj, sImandhar jin dIThA loyaN Aj'. pUrI bhakti gAte the. bhagavAn batAUn, chaliye bhagavAn batAUn.
.. vah mArga gurudevane batAyA. bhagavAn kahate hain, gurudev kahate hain, shAstra kahate hain. .. upayog jAy to mujhe Apake darshan ho, shravaN shAstrakA ho, merI vANI ApakI, stuti ApakI, merA sab vartan dev-guru-shAstramen jAo, bAhar Ao. antaramen merA gnAyakadeva. bAharakA to sab nisAr hai.