samAdhAna- ... juD rahA hai, isaliye yah sab ho rahA hai. parantu nishchayase vastu svabhAvase jaise siddha bhagavAn hain, vaise hI sabakA AtmA hai. koI pharka hI nahIn hai.
mumukShu- paryAyakA pahalu atyant gauN rahatA hai.
samAdhAna- paryAyako gauN karake dravyadRuShTike balamen AchAryadev bol rahe hain. dravyadRuShTignake balamen, AtmAko pahachAnanA ho to dravyadRuShTise dravyase-dravya svarUpase AtmA vaisA hI hai. dravya svarUpase pratyek AtmA vaise hI hain. dravyadRuShTike balamen paryAy gauN ho jAtI hai. siddha bhagavAn jaise hI sab AtmA hain. kis nayase, kuchh pharka nahIn dikhAI detA. tattvake andar tattva dRuShTise dekhatA hUn, tattvamen koI AtmAmen kuchh pharka nahIn hai. paryAyako gauN kar dI hai. paryAy hai hI nahIn, lekin use gauN kar dI hai.
anAdise ashuddha jIv to mAnatA hI AyA hai, shuddha svarUp svayamkA pahachAnA nahIn, shuddha svarUpako pahachAne to Age jAtA hai. lekin shuddha svarUp us prakArase pahachAne ki usamen paryAy aur dravya dononko jAne, lekin bal dravyadRuShTikA AtA hai. paryAyamen bhI ashuddhatA nahIn hai vaisA artha vahAn nahIn hai.
mumukShu- paryAyamen ashuddhatA hai to phir use bhrAnti kyon kahA?
samAdhAna- bhrAnti yAnI jUThA hai, aisA artha nahIn hai. ashuddhatA hai vah usakI bhrAnti yAnI merA AtmA par svarUp ho gayA aur main par svarUp ho gayA, vah bhrAnti hai, vah to bhrAnti hI hai na. vastu svarUp jaisA hai vaisA mAnatA nahIn hai aur jUThI rItase mAnatA hai to bhrAnti hai. bhrAnti hai vah ashuddhatA hai. bhrAnti yAnI ye sab ekAnta hai, shuddha hai bAkI sab mAyA hai, aisA usakA artha nahIn hai. aisA nahIn hai. bhrAnti bhI ashuddhatA hai. bhrAntike kAraN sab ashuddhatA, asthiratA aur jUThA mAn le ki kuchh nahIn hai yAnI paryAyamen ashuddhatA... aisA jUThA svarUp mAn liyA hai isaliye bhrAnti hai. dravya jaisA hai vaisA nahIn mAnatA, yah usakI bhrAnti hai. mAno merA dravya par rUp ho gayA, mAno par mujhamen A gaye. vah sab jUThA hai. vastu svarUpase viparIt mAne isaliye vah bhrAnti hai. vastuko yathArtha mAne binA muktikA mArga prArambh nahIn hotA. dravya jaisA hai vaisA, paryAy jaisI hai vaisI (mAne).