samAdhAna- ... do tattva bhinna hain. chaitanyatattva bhinna hai aur yah jaD tattva bhinna hai. do dravya hI bhinna haiain. dravyako bhinna-bhinna jAne, usakA bhedagnAn kare to ataramen use jo ekatvabuddhi hai, us kAraNase use jo AkulatA hotI hai, vah AkulatA chhUT jAya. AkulatAsvarUp AtmA hai hI nahIn. AkulatA bhinna aur AtmA bhinna hai. AtmA to shAntisvarUp hai. aise usakA bhedagnAn kara.
main bhinna chaitanya gnAyak hUn. shAnti meremen hai, bAhar kahIn nahIn hai. shAnti, Ananda, gnAn Adi ananta guNonse bharapUr AtmA hai, usakA bhedagnAn kara. gnAyakakI dhUn lagAkar gnAtAdhArAkI ugratA kara. usImen lInatA, usImen prayatna. ananta kAlase jo yah ekatvabuddhi hai isaliye yah bandha aur janma-maraN hai. ekatvabuddhi TUTakar, antaramen bhedagnAn karake chaitanyako bhinna jAnanA, vahI jIvanakA kartavya hai. aur vahI ek dhyey rakhane jaisA hai. gnAyak AtmA kaise pahachAnamen Aye, vahI karane jaisA hai.
us gnAtAmen sab bharA hai. gnAyak sahaj svabhAv hai. vah svabhAv use kahIn bAhar lene nahIn jAnA paDatA. bAharase lene jAtA hai vah apanemen kuchh nahIn AtA. vah to paravastu hai. paravastumen-se kuchh nahIn AtA. paramen shAnti nahIn hai, paramen Ananda nahIn hai, paramen gnAn nahIn hai. jo hai, vah nij svarUpamen hai. us svarUpamen-se pragaT ho aisA hai. parakI kartAbuddhi-mAnon main parako kar sakatA hUn, par merA kar sakatA hai, main usamen pheraphAr kar sakatA hUn, vah sab bhramaNAbuddhi hai. parakA to jaisA honA hotA hai vaise hotA hai. jo vedanA AnI hai vah AtI hai. vastukA svarUp hI aisA hai.
svayam nij svabhAvakA kar sakatA hai. svayam gnAn, Ananda Adi ananta guNonse bharapUr AtmA hai, use pragaT kar sakatA hai. use pragaT karanemen dev-guru-shAstra nimitta hote hain. parantu vah jAgRut, svayam upAdAn taiyAr ho to ho. ananta kAlase jIv AtmAko pahachAnatA nahIn hai. aisemen koI guru athavA dev mile, unakI deshanA mile use svayam grahaN kare aur antaramen-se svayam puruShArtha kare to vah pragaT ho sake aisA hai.
jIvanamen ek gnAyak AtmA vahI grahaN karane jaisA hai. gurudev to vahAn tak kahate the ki anek jAtake jo guNabhed paDate hain, pAnch gnAnake bhed paDe, pAnch bhAvonke bhed