68

samAdhAna- bhAvanA hai na isaliye pUchhanA ho jAtA hai. gurudevane to mArga batAyA hai. karanekA svayamko hai. gurudevane sab taiyAr karake diyA hai, svayamko ek puruShArtha karanAhI bAkI rahatA hai, kuchh khojanekA bAkI nahIn rahatA ki kahAn khojanA? kahAn prApta karanA? jagatake jIvonko sat khojanemen dikkat hotI hai ki kyA sat hai? kyA AtmA? sukh kahAn hai? AtmA kyA hai? sat khojanA mushkil ho jAtA hai. yahAn to khojanekI koI dikkat nahIn hai.

gurudevane khojakar, taiyAr karake, spaShTa kar-karake diyA hai. ek puruShArtha karanA vahI svayamko bAkI rahatA hai. khojakar diyA hai. bAhar dRuShTi thI, bAhya kriyAmen usamen-se chhuDAkar, antar vibhAv pariNAm hote hain vah terA svabhAv nahIn hai. shubhabhAv sUkShmase sUkShma, Unchese UnchA ho, vah bhI terA svabhAv nahIn hai. tU andar shubhabhAvamen bhedamen ruke vah bhI terA mUl shAshvat svarUp nahIn hai. tujhe antaramen ekadam dRuShTi gaharAImen chalI jAy, utanA spaShTa karake (diyA hai). kahIn khojanA na paDe, aisA batAyA hai.

jabaki jagatako jIvonko sat khojanA (paDatA hai), sat prApta nahIn hotA, sat kahAn khojanA? koI kahAn phans jAtA hai aur koI kahAn phans jAtA hai. kahIn khojanA nahIn hai. ek puruShArtha karanA (bAkI hai). taiyAr karake diyA hai. svayamko ek puruShArtha karanA hI bAkI rahatA hai.