nahIn hotA. prayojanakI kyA bAt hai? prayojan apaneko jAne usamen svayam jAnanekA A jAtA hai. usake svabhAvakA nAsh nahIn hotA. jo chhadmastha hai usakA upayog ek taraph jAtA hai. svako jAnatA hai to par-or upayog nahIn jAtA hai. parantu usakA jAnanekA nAsh nahIn hotA hai. apanI svAnubhUtimen upayog jAtA hai (to) parako jAnanemen lakShya nahIn hotA. jAnanekA nAsh nahIn hotA hai. nahIn jAnatA hai aisA nahIn, jAne to usamen kyA doSh AtA hai? usake svabhAvakA nAsh nahIn hotA hai.
mumukShu- antim bhUl kaun-sI hai jisase anubhav nahIn ho pAtA hai?
samAdhAna- ekatvabuddhi hotI hai. par main hUn, main pararUp ho jAtA hUn aur par mere rUp ho jAtA hai. aur vibhAv hai, AkulatA jo vikalpakI jAl hai, us rUp main ho jAtA hUn, vikalpa meremen A jAtA hai. aisI ekatvabuddhi ho gayI hai, isaliye anubhav nahIn hotA hai. bhedagnAn karane-se anubhUti hotI hai. ekatvabuddhi hai.
main chaitanya hUn, main gnAyak hUn, anAdiananta shAshvat dravya hUn. us par dRuShTi karanese, usakA gnAn karanese, usamen lInatA karanese svAnubhUti hotI hai. bhedagnAnakA abhAv honese svAnubhUti nahIn hotI hai.
mumukShu- anubhav lakShaN to dikhatA hai parantu lakShya kyon nahIn dikhatA?
samAdhAna- lakShaN kahAn dekhanemen (AtA hai)? yathArtha lakShaN dekhanemen Ave to lakShya dekhanemen AtA hai. yathArtha lakShaN kahAn dekhanemen AtA hai?
mumukShu- usakA upAy kyA hai dekhanekA?
samAdhAna- apanI jignAsA, mahimA, apanI laganI lagAnA aur bAharase mahimA toDakar svabhAvakI mahimA, usakI lagan usakA upayog sUkShma karake AtmA svabhAvako grahaN karanA, vah usakA upAy hai.
mumukShu- gurudev kahate the, main gnAtA, main gnAn, main gneya. ... ye kyA hai?
samAdhAna- gnAyak hI main, gnAtA main, gney main. gney yAnI gnAnakI paryAy jo pariNamatI hai, vah gneya. usakA matalab par vastu nahIn hai aisA usakA artha nahIn hai. gnAtA, gnAn, gney apanemen pariNaman hotA hai. pararUp nahIn pariNamatA hai. par paramen hai, Ap apanemen hai. gnAtA, gnAn, gney sab apanemen hai. isaliye paradravya nahIn hai, aisA usakA artha nahIn hai. AtmA ananta kAlase paribhramaN karate-karate jo pratyabhignAnakA kAraN AtmA hai to yadi parako nahIn jAnatA ho to, parako koI jAnatA hai vah kaise jAnanemen A jAtA hai? AtmA pararUp pariNamatA nahIn hai. gnAn to apanA svabhAv hI hai.
jo anAdiananta shAshvat dravya hai, aisA gnAnasvabhAv anAdiananta ananta mahimAse bharapUr hai. usamen maryAdA nahIn hotI hai. sabako jAnatA hai. ekatvabuddhi toDe, gneyake sAth