hai. jise lagan lagatI hai vah chhUTatA hai. lagan nahIn hai, jise antar AtmAkI lagI nahIn hai, vah nahIn chhUTatA hai. antaramen-se nyArA honA vahI mArga hai-bhedagnAna.
mumukShu- sansArake pralobhan Age sthir nahIn rahA jAtA, us vakta usake sAmane laDaneke liye kaun-sA shastra AjamAnA chAhiye, laganIke alAvA?
samAdhAna- laganake alAvA svayamko antaramen nakkI ho jAnA chAhiye, isamen kahIn sukh hI nahIn hai. apanI ruchi laganI chAhiye, andarase utanA shraddhAkA bal AnA chAhiye. vahI usakA shastra hai. apanI shraddhA aur vaisI virakti aur aisA nishchay andarase amuk lakShaN parase nakkI honA chAhiye ki isamen kahIn sukh nahIn hai, sukh mere AtmAmen hI hai. vahI usakA andar (shastra hai). is tarah vah nyArA rah sakatA hai. svayamkI ruchise hI bhinna rah sakatA hai.
mumukShu- (yogyatA) gnAnaprAptike liye balavAn kAraN hai, to yogyatA kaisI honI chAhiye?
samAdhAna- yogyatA antaramen AtmAkI or lagan honI chAhiye. mujhe AtmAkI kaise prApti hove? aur AtmagnAn kaise hove? AtmAke alAvA kahIn chain na paDe. mujhe AtmasvarUpakI kaise prApti hove? aisI lagan laganI chAhiye. aur bAharase sab virakti ho jAy aur svabhAvamen hI lagan honI chAhiye. aisI pAtratA honI chAhiye.
shrImadamen AtA hai na? kaShAyakI upashAntatA mAtra mokSha abhilASha. mAtra mokShakI abhilASha. mAtra mujhe mokSha yAnI AtmasvabhAvakI prAptikI bhAvanA hove aur kuchh nahIn. jo anantAnubandhI kaShAy jo ananta-ananta rukanevAlA hai bAharamen ekatvabuddhi hotI hai, use aisI kaShAyakI upashAntatA honI chAhiye. aur AtmasvabhAvakI ekadam jignAsA honI chAhiye.
mumukShu- vachanAmRutamen ek bol AtA hai, mAtAjI! bandha samay jIv chetIe, uday samay shA uchAT? usakA bhAv kyA hai? mAtAjI!
samAdhAna- uday samay kyA uchAT? uday to A gayA, to us samay shAnti rakhanI. jo pUrvamen bAndhakar AyA thA, vah uday to A gayA. to us samay shAnti rakhanA ki uday to A gayA. ab gnAtA-dRuShTA hokar shAntise (vedanA). bandha samay chetanA chAhiye. jab bandha hotA hai tab pariNAm kaisA hotA hai, us samay dhyAn rakhanA. aur uday A gayA to ab kyA chintA karanI, ab to shAnti rakhanI, gnAyakatA pragaT karanI. aur bandha jab hotA hai, tab pariNAm jo ekatvabuddhi aur tanmayatA, ekadam chIkanApan hotA hai, us samay dhyAn rakhanA ki main gnAtA hUn, yah merA svabhAv nahIn hai. us samay dhyAn rakhanA. bandha ho gayA, uday A gayA, phir kyA chintA (karanI)? ata shAnti rakhanI. gnAyakatA pragaT karanI.