204
samAdhAna- arUp hai. lekin yah rUpI varNa, gandha ityAdi sab nahIn hai. arUpI arthAt svayam vastu hai na? apane svabhAvako svayam dekh sakatA hai. arUpI arthAt svayam apane gnAn-se svayamko pahachAn sakatA hai. usakA vedan kar sakatA hai.
.. kevalagnAnI bhagavAn bhI, samyagdRuShTi bhI usakI svAnubhUtimen use dekh sakashrate hain, usakA vedan kar sakate hain. svAnubhUtike samay usakA vedan kar sakate hain, use pratyakSha dekh sakate hain. anubhUtimen vah pratyakSha hI hai, aisA use darshan hotA hai.
mumukShu- ..
samAdhAna- karma chhUT jAte hain. pahale Anshik svAnubhUti hotI hai. isaliye amuk prakArase kamAkA nAsh hotA hai. phir jaise Age baDhe vaise adhik kamAkA nAsh hotA hai. kevalagnAn hotA hai tab pUrNa kamAkA nAsh hotA hai. samyagdarshan ho, svAnubhUti ho tab thoDe kamAkA. svAnubhUti jab hotI hai, isaliye jo ananta bhav usake hote the, us ananta bhavakA abhAv hotA hai, aise karmakA nAsh ho jAtA hai. phir thoDA hI bAkI rahatA hai. ananta bhavakA nAsh ho jAy, aise karmakA nAsh ho jAtA hai. lekin svAnubhUti ho taba.
usakI dRuShTi karma par nahIn hai. nij svabhAv par hI dRuShTi hai. svabhAvakA vedan ho, usI par dRuShTi hai-svabhAv para. karma to svayam chhUT jAte hain. ananta bhavakA abhAv ho jAya. aise karmakA nAsh ho jAtA hai. phir to alpa-thoDe rahate hain.
... vikalpako to svayam jAnatA hai na? jo vikalpa ho rahe hain, rAg-dveSh, sankalpa- vikalpa, pUre din bharake vikalpa, sab dhamAlake vikalpa, vyApAr-vyavasAyake jo-jo vikalpa Ate ho, us vikalpako to svayam jAnatA hai na? ki ye vikalpa mujhe hue. kitane? subahase shAm tak jo vichAr Aye, us vichArako to jAnatA hai. vah jAnanevAlA kaun hai? sab vichAr to chale jAte hain. bachapanase baDA huA, usamen jo vichAr, vikalpa Aye vah vikalpa to chale gaye. parantu usakA jAnanevAlA vidyamAn hai. use yAd kare to use sab yAd AtA hai. vah jAnanevAlA hai. jAnanevAlA hai vah jAn rahA hai. vah jAnanevAlA andar vidyamAn hai.
charma chakShuse dikhe aisA nahIn, parantu andar jAnanevAlA hai vah sab yAd karatA hai. usakA astitva hai-jAnanevAlekA. usakI maujUdagI hai, usakA astitva hai? vah jAnanevAA kaun hai? vikalpa to sab chale gaye, parantu use yAd kare to, mujhe aise-aise vichAr Aye the, jAnanevAlA andar hai. yah sharIr kuchh jAnatA nahIn hai. vah to jAnatA nahIn, vikalpa to sab Akar chale gaye, andar jAnanevAlA ek tattva vidyamAn hai. vah jAnanevAlekA astitva hai andar, vah jAn rahA hai.