ek sAth sAdhakadashAkI paryAyamen rahate hain. (AtmAmen) lIn hote-hote kevalagnAn hotA hai. ansh hove to samvar aur visheSh shuddhi honese nirjarA hotI hai aur alpa vibhAv hai isaliye Asrav hotA hai. sab ek sAth hote hain.
gnAnadhArA aur udayadhArA sAthamen rahatI hai. abhI pUrNa nahIn huA hai, isaliye Asrav bhI alpa rahatA hai, samvar bhI hotA hai, nirjarA bhI hotI hai, sab hotA hai. Asrav koI Upar-Upar nahIn hotA aur samvar bhI Upar-Upar nahIn hotA. shuddhAtmAkI dRuShTi karane-se, main anAdiananta shAshvat hUn, aisI dRuShTi karane-se, usakA gnAn karane-se, usamen lInatA karane-se samvar hotA hai. usakI alpatA hai, pUrNa shuddhi nahIn huyI hai isaliye Asrav bhI rahatA hai.
vibhAvakA nimitta karma hai aur apane puruShArthakI mandatA hai. puruShArthakI mandatAse utanA vibhAv hotA hai. jitanA puruShArtha huA, gnAnadhArA pragaT huyI utanA samvar hotA hai. sAdhakadashA hai na. dravya par dRuShTi hai. anAdiananta dravya shuddha hai to sAdhak dashAmen shuddhi, ashuddhi ye sab sAthamen rahate hain. gnAnadhArA aur udayadhArA. bhedagnAnakI dhArAmen sab rahatA hai. pUrNatA hove to akelI vItarAg dashA (hotI hai). sAdhak dashAmen do dhArA rahatI hai, do dhArA chalatI hai.
paryAy svatantra hai. lekin paryAy Upar-Upar nahIn hotI hai, dravyake Ashrayase hotI hai. paryAy Upar-Upar hove to paryAy dravya ho jAya. dravyake Ashrayase paryAy hotI hai. paryAy svatantra hai to bhI dravyake Ashrayase paryAy hotI hai.
mumukShu- hamAre yahAn mandir nahIn hai, to shvetAmbar mandiramen jAye to hamArA kyA nukasAn hotA hai? ... shvetAmbar mandiramen nahIn hai, to usamen hamArA kyA ahit hotA hai? ham dev-guru-shAstrakI, AtmAkI bAt sunate hain, samajhate hain, phir bhI usamen hamArA kyA nukasAn hotA hai?
samAdhAna- bAharameen kyA karanA vah ApoAp samajhamen AyagA. aur gnAyak main hUn, yah chaitanya svabhAv main hUn aur vibhAv merA svabhAv nahIn hai. ye jaDatattva hai. sharIr bhinna hai, vibhAv merA svabhAv nahIn hai, main gnAyak hUn. aisI bhedagnAnakI bAt samajho, phir yathArtha dev-guru-shAstra kaise hote hain, vah apaneAp A jAyagA. phir nukasAn kyA hotA hai, usakA visheSh vichAr karane se apaneAp samajhamen A jAyagA. mUl prayojanabhUt gnAyakako samajho. usamen sachche dev-guru-shAstra Ate hain.
dev kaise hote hain? vItarAgI hote hain. jo samavasaraNamen dev virAjate hain, ve vItarAgI hote hain. vikalpa nahIn hai, kuchh nahIn hai. svarUpameen lIn ho gaye hain. unakI nAsAgra dRuShTi hai aur ve vItarAg hain. samavasaraNamen baiThe hain bhagavAn to, usamen koI rAg nahIn