mumukShu- upayog jab ise jAne, use jAne us vakta bhI aisA lenA ki main gnAyak hI hUn aur yah gnAt ho rahA hai, vah main nahIn hUn. aise bhedagnAnakI prakriyA hai?
samAdhAna- aisA vikalpa nahIn hotA, parantu yah gnAyak hai vah main hUn, yah gney hai vah main nahIn hUn. main gnAyak hUn, main jAnanevAlA hUn. ye gney gnAnamen gnAt ho rahA hai. ye gney parapadArtha hai, vah main nahIn hUn. gney so main nahIn hUn, gnAn so main hUn. gnAyak so main hUn.
jo gney dikhatA hai vah main nahIn hUn. aur gnAn hai vah to dravyakA guN hai. gnAn guN hai aur guNIko pahachAnanA-gnAyak so main hUn. gnAn ek guN hai. usamen lakShya- lakShaNakA bhed hai. gneyako jAnanevAlA gnAn aur gnAn jisamen rahA hai vah dravya main hUn. dravyake andar gnAn rahA hai. parantu gnAn jisamen rahA hai, aise gnAyakakA astitva hai vah main hUn. pUrA gnAyak grahaN kare. mAtra gnAn main nahIn, pUrA gnAyak so main hUn. gnAn hai vah gnAyakakA guN hai.
... antaramen shuddhAtmA Ave, parantu use aisI bhedagnAnakI dhArA pragaT ho ki gnAyak hai vahI main hUn. aisA bArambAr usakA abhyAs kare to use svAnubhUti ho. aisA bArambAr abhyAs, kShaN-kShaNamen aisA abhyAs karatA jAy ki main gnAyak hUn. gnAyakakI use mahimA Aye. ek gnAnamAtramen kyA? use kuchh rukhA nahIn ho jAtA ki gnAnamen kuchh nahIn hai. gnAyakamen hI sab bharA hai. gnAnamAtra AtmAmen sab bharA hai. aisI mahimApUrvak use gnAyakakA astitva grahaN ho aur bArambAr usakA abhyAs kare to use svAnubhUti hotI hai.
... gnAn so main, gnAn so main usamen gnAyak so main hUn, aisA AnA chAhiye. mAtra gnAn yAnI sirpha guN nahIn, gnAyak so main hUn.
mumukShu- ananta guNakA piNDa aisA jo gnAyak hai vah main. vahAn le jAnA.
samAdhAna- vahAn le jAnA. ananta guNakA use bhed nahIn AtA hai, parantu usakI mahimAmen aisA AtA hai ki ananta guNase bharA jo gnAyak hai, anantatAse (bharA) gnAyak so main hUn.