kShaNamen antaramen jAte hain. aise chhaThaven-sAtaven guNasthAnamen (chalatA hai). aisA karate-karate shreNi lagAte hain. chhaThaven-sAtaven guNasthAnamen muni jhulate hain. aisA karate-karate jab shreNi lagAte hain aur kevalagnAn hotA hai, phir AtmAmen aise sthir ho jAte hain ki puna bAhar hI nahIn Ate. AtmAmeen aise jam jAte hain.
ananta AnandakA sAgar jo paDA hai, Ananda sAgar uchhal rahA hai, usamen bhagavAn samA jAte hain. aur ananta guN hain, usamen lavalIn ho jAte hain. AtmAkA koI apUrva adabhut AnandakA vedan karate hain aur gnAn aisA nirmal pragaT ho jAtA hai ki AtmA to jAnanevAlA gnAyak hai. usamen kuchh nahIn jAne, aisA banatA nahIn. svayam apanemen jam jAte hain, parantu upayog bAhar (nahIn AtA). jAnanekI ichchhA nahIn hai ki ye bAhar kyA hai? kuchh jAnanekI ichchhA nahIn hai. ichchhA nahIn hai to bhI antaramen sahaj gnAt ho jAtA hai.
mumukShu- paryAy to hotI hI hai.
samAdhAna- hAn, paryAy to hotI hai.
mumukShu- gnAnakI paryAya.
samAdhAna- gnAnakI paryAy aisI nirmal ho jAtI hai ki usamen svayam svayamko jAne, svayam apanA vedan kare, ananta AnandakA, ananta guNako jAne aur bAharamen lokAlokako jAne. jo ananta dravya, jo ananta AtmA hai, ananta siddha hai, jo- jo bhUtakAlamen ho gaye, vartamAnamen ho rahe hain, narkamen, svargamen jahAn-jahAn hai, sabako jAnate hain. ananta paramANuko jAne. bhUtakAlamen jIvane ananta bhav kiye use jAne. vartamAn jAne. bhaviShyamen ananta bhav kaise karegA, vah jAne. aisA bhagavAn ek samayamen sab jAnate hain. unhen vikalpa nahIn karanA paDatA, upayog rakhanA nahIn paDe. nij svarUpamen sthir ho gaye hon, phir bhI sahaj gnAt ho. unakA gnAn aisA nirmal hai.
mumukShu- gnAn..
samAdhAna- hAn, gnAn utanA vishAl ho jAtA hai ki upayog rakhe nahIn, kram paDe nahIn, khed ho nahIn, vismRut nahIn ho, parantu sahaj jAne.
mumukShu- tadartha bahut prayatna karanA paDe.
samAdhAna- hAn, vah to prayatna kare to jAne.
mumukShu- ...
samAdhAna- lekin prayojanabhUt gnAn ho to vah svarUpako pahachAne ki main chaitanya hUn aur yah bhinna hai. vibhAv merA svabhAv nahIn hai, main to chaitanya gnAnasvarUp hUn. aise prayojanabhUt jAnakar apanemen lIn ho to lIn hote-hote jo andar svabhAv hai vah