334 se bharapUr aisA chaitanyadravya, usakI svAnubhUti hotI hai to use aisA lagatA hai ki ye sab hamAre hain. dravya, akhaNDa dravya par dRuShTi hai, to bhI ye sab guN usake gnAnamen vartatA hai ki ye sab hamArA hai, ye koI hamArA nahIn hai. usakI bhAvanAmen vah sab AtA hai.
dRuShTi, gnAn, chAritra, anek prakArakI apekShAen sAdhya-sAdhak bhAvamen hotI hai. anekAntamayI mUrti nityamev prakAshatAma. anekAnta svabhAv hai. ek taraph-se dekho to klesh-kAlimA dikhe. ek taraph-se shuddhAtmA dikhe, ek taraph sAdhakadashA ho. anek jAtakI paryAy dikhe. ata vah anekAnta svarUp hai. anek apekShAen sAdhak dashAmenn hotI hain. aur pUrNa ho to bhI usamen ananta guN aur ananta paryAyen,...
mumukShu- .. bhedagnAn vartatA hai aur samvedanamen to svabhAvake sAth abhed gnAn hotA hai, to bhedagnAnakI vyavasthA kyA?
samAdhAna- vikalpa hai vah to abhyAsarUp bhedagnAn hai aur svAnubhUtimen bhedagnAnakA vikalpa nahIn hai, nirvikalpa dashA hai. bIchakI sAdhakadashAmen bhedagnAnakI dhArA, vah use sahaj pariNatirUp hotI hai. use vikalparUp nahIn hai. use, main bhedagnAn karun, aisA nahIn hai. parantu use sahaj gnAyakakI dhArA aur udayakI dhArA, donon bhinna dhArA sAdhakadashAmen vartatI hai. udayadhArA aur gnAnadhArA-gnAyakakI dhArA. donon jAtakI bhedagnAnakI dhArA use vartatI hI hai.
shAstramen AtA hai ki bhedagnAn tabatak avichchhinna dhArA-se bhAnA ki jabatak gnAn gnAnamen sthir na ho jAya. isaliye amuk anshamen sthir na ho jAy aur pUrNa sthir na ho jAy, vItarAg dashA na ho tabatak bhedagnAn avichchhinna dhArA-se bhAnA. usamen truTak na paDe aisA. aisI sahaj bhedagnAnakI dhArA, samyagdRuShTiko sahaj bhedagnAnakI dhArA hotI hai. gnAyakakI gnAyakadhArA aur vibhAvakI vibhAvadhArA. alpa asthiratA hotI hai vah vibhAvadhArA hai. aur gnAyak gnAyakarUp pariNamatA hai, vah vikalparUp nahIn hai, parantu sahaj hai. jaise ekatvabuddhikI dhArA sahaj anAdi kAlase chal rahI hai, usamen use kuchh yAd nahIn karanA paDatA yA use dhokhanA nahIn paDatA, ekatvabuddhikI dhArA (vartatI hai). vaise use bhedagnAnakI dhArA aisI sahaj ho gayI hai ki gnAyak gnAyakarUp pariNamatA rahatA hai aur vibhAv vibhAvarUpa. usakI alpa asthiratA hai isaliye vibhAvadhArA aur gnAyakadhArA donon dhArA rahatI hai. phir vItarAgadashA hotI hai, tab do dhArA nahIn rahatI. svAnubhUtimen do dhArA nahIn hotI.
mumukShu- donon dhArA bhinna-bhinna pariNamatI hai, vahI bhedagnAnakA astitva..
samAdhAna- vah bhedagnAn hai.
mumukShu- paryAyamen dravyatva nahIn hai aur dravyamen arthAt dhruvamen paryAyatva nahIn hai.