240

hai, parantu sAkShIrUp pariNaman jo honA chAhiye, vah pariNaman nahIn hai aur rAg-dveShake sAth ekatvabuddhi hai. main rAgarUp ho gayA, dveSharUp ho gayA. aisI pariNati aur aisI mAnyatA, aisI ekatvabuddhi ho gayI hai. pariNati palaTakar main gnAyak anAdiananta shAshvat hUn. aisI pratIt aur aisI pariNati antaramen honI chAhiye ki main sAkShI hI hUn, gnAyak hI hUn. gnAtArUp pariNati pragaT kare aur vah pariNati pragaT karanekA abhyAs kare, vah jabatak sahaj na ho jAy tabataka. sahaj ho, tab usakA vAstavik sAkShIpanA hotA hai. sahaj dashA ho to sAkShI ho. pahale usakA prayatna kare ki main anAdiananta shAshvat gnAyak hUn. kisIke sAth ekatvabuddhi, ekamek honA usakA svabhAv nahIn hai, parantu ekatvabuddhi mAnyatAmen bhram ho gayA hai. pariNati ekatva ho gayI hai, use bhinna karake, main gnAyak hI hUn, pahale usakI pratIti dRuDh kare ki main gnAyak hI hUn. antar-se samajhakar pratIti kare. gnAyakakI dhArA yadi pragaT ho to use kShaN-kShaNamen gnAyakakI dhArA sahaj rahe to sAkShIbhAv rahe. lekin vah gnAyakadhArA rahatI nahIn, sAkShIbhAv rahatA nahIn aur rAg- dveShake sAth ekatvabuddhi ho jAtI hai, isaliye sAkShI nahIn rahatA. mAtra kalpanA-se raTan karake sAkShI mAne to vah rahatA nahIn. sahaj sAkShIpanA ho to rahe. sahaj nahIn hai, isaliye rahatA nahIn.

mumukShu- antar-se samajhakar kare to. antar-se samajhakar kare usakA artha?

samAdhAna- antar-se samajhakar kare (arthAt) vah pariNati pragaT kare to hotA hai. svAnubhUti honeke bAd jo sahaj pariNatikI dashA ho, jo sAkShI gnAyakadhArAkI, vah sahaj hai. usake pahale use abhyAsarUp hotA hai ki main gnAyak hUn, gnAyak hUn. abhyAsarUp kare. raTanamAtra kare to vah (vAstavik nahIn hai). kShaN-kShaNamen jab rAg- dveSh ho, us kShaN gnAyak yadi maujUd rahe to ekatva nahIn hotA. usI kShaN gnAyak rahatA nahIn aur dUsarI kShaNamen yAd kare to us kShaNamen to use ekatva ho jAtA hai. kShaN-kShaNamen usakI pariNatiko bhinna karanekA abhyAs kare. kShaN-kShaNamen main gnAyak hI hUn, main sAkShI hI hUn, aisA abhyAs kare to bhI abhI abhyAsarUp hai. sahaj to bAdamen hotA hai.

mumukShu- pahale to Apane prashnamen ek bhUl nikAlI ki bAt-bAtamen rAg-dveSh ho jAte hain. vAstavamen to svabhAv apekShA-se rAg-dveSh hote nahIn hai, parantu ekatvatA karatA hai.

samAdhAna- ekatvabuddhi hotI hai, ekatvatA hotI hai. vastu svabhAvamen rAg-dveSh nahIn hote, parantu usakI ekatvabuddhi ho rahI hai. vartamAnamen to, main rAgarUp ho gayA, dveSharUp ho gayA, aise usakI pariNati, aisI mAnyatA ho gayI hai.