8
samAdhAna- ... AtmA bhinna hai aur sharIr bhinna hai. vibhAvasvabhAv apanA nahIn hai. unase bhinna AtmA hai. usase bhedagnAn karanA aur AtmAko grahaN karanA. ... AtmAkA lakShaN pahachAnakar usakI shraddhA-pratIt aur usamen lInatA karanA vahI muktikA mArga hai. bAharamen kriyA aur shubhabhAv to puNyabandhakA kAraN hai. bIchamen AtA hai to puNyabandha hotA hai, bhavakA abhAv nahIn hotA. devalok hotA hai. bhavakA abhAv to shuddhAtmAko pIchhAnane-se hotA hai. shuddhAtmAkI shraddhA, usakA gnAn, usamen lInatA aur svAnubhUti karane-se muktikA mArga pragaT hotA hai. janma-maraN TAlanekA vahI upAy hai.
janma-maraN karate-karate anek dukh sansAramen (bhoge). bhItaramen AtmAkA svabhAv grahaN karanA chAhiye. vah karane lAyak hai. aur sab to tuchchha hai. sarvasva sArarUp to AtmA hI hai. vahI kalyANasvarUp hai, vahI mangalasvarUp hai. aur jIvanamen sarvasva sArarUp Atma padArtha hai. usake liye vAnchan, vichAr sab AtmAko pahachAnaneke liye karanA chAhiye.
mumukShu- samyagdarshan kaise karanA?
samAdhAna- vah bhI bhedagnAn karane-se hotA hai. jo dev-guru-shAstrane jo mArga batAyA hai, vah mArga grahaN karake AtmAko pahachAnanA. jaisA bhagavAnakA svarUp hai, vaisA apanA svarUp hai. bhagavAnake dravya-guN-paryAyako pIchhAnatA hai, vah apaneko pIchhAnatA hai. apaneko pIchhAnatA hai, vah bhagavAnako pIchhAnatA hai. apane dravya-guN-paryAyako pIchhAnanA. main dravya anAdiananta shAshvat hUn. usamen shuddhatA bharI hai. ananta kAl gayA to bhI usamen- mUl padArthamen ashuddhatA huyI nahIn, paryAyamen ashuddhatA hai. isaliye merA AtmasvabhAv anAdiananta shuddha hai. isamen ananta guN hain. usakI paryAyamen ashuddhatA hai to usakA bhedagnAn karake aur main shuddhAtmA hUn, usakI dRuShTi-pratIt karake vibhAv-se alag honA. usakA bhedagnAn karake shuddhAtmAkI paryAy pragaT karanA. bArambAr usakI lagan, mahimA lagAnA. vahI jIvanakA kartavya hai.
AtmA anAdiananta shuddha hai. usamen koI ashuddhatA bhItaramen nahIn AyI. paryAyamen ashuddhatA huyI hai. jaise pAnI svabhAv-se shItal hai. agnike nimitta-se usakI uShNatA