svabhAvakI paryAy ho. to bhI usakA jo svabhAv hai, dravya dravyatva chhoDatA nahIn, dravya dravyarUp to pariNamatA hI hai. akelA kUTastha ho to dravyakI pahachAn hI na ho. dravya dravyakA kArya karatA hI rahatA hai. svabhAv par dRuShTi jAy to svabhAvakA kArya hotA rahe. svayam sahaj hotA rahatA hai. use buddhipUrvak yA vikalpapUrvak karanA nahIn paDatA sahaj hI hotA hai. dravya pariNamatA hI rahatA hai.
mumukShu- pahale jo Apane kahA ki kathanchit pariNAmI hai, usake AdhAr-se yah...
samAdhAna- kathanchit pariNAmI aur kathanchit apariNAmI. pariNAmI hai, dravya pariNamatA hai. svabhAv par dRuShTi jAy to vah svata svayam svabhAvarUp pariNamatA hai.
mumukShu- padArthakA gnAn, darshan aur chAritrarUp prati samay binA prayatna pariNaman to hotA hI rahatA hai. kyonki pariNamanA vah to siddhAntik bAt hai. to shubhAshubh rUp athavA shuddharUp, kis prakAr pariNamanA usamen jIvakA koI amuk guN nimitta paDatA hai, arthAt gnAn yA vIrya?
samAdhAna- usamen usakA gnAyak jo asAdhAraN guN hai, us gnAnako pahachAne, gnAyakatAko pahachAne. aur us rUp pratItako dRuDh kare. dRuShTi arthAt pratIta. dravya par dRuShTi-pratIt kare, us prakArakA gnAn kare aur us jAtakA usakI Anshik pariNati hotI hai. isaliye usamen use gnAn, darshan aur chAritra to (hote hI hain). visheSh chAritra to bAdamen hotA hai. lekin usamen dRuShTi, gnAn aur usakI Anshik pariNati ho to usakI shuddha paryAy pragaT hotI hai.
dRuShTi to ek dravya par hai, usake sAth use gnAn bhI samyak hotA hai. aur pariNati bhI us taraph jhukatI hai. to usamen-se shuddha paryAy, dravyamen-se sarvaguNAnsh so samyagdarshan pragaT hotA hai. Aj AyA thA na? dravya kise kahate hain? jo dravit ho so dravya. gurudevakI Tepamen AyA thA.
mumukShu- jI hAn, Aj subah pravachanamen AyA thA.
samAdhAna- hAn, Aj subah (AyA thA). jo dravit ho use dravya kahate hain. dravya pariNamatA hai. svabhAv par dRuShTi jAy to svabhAvarUp pariNamatA hai. vibhAvamen dRuShTi hai to vibhAvakI paryAyen hotI hain. svabhAv par dRuShTi jAy to svabhAvakI paryAyen hotI hain. bAkI vastu to pAriNAmikabhAv-se anAdiananta ekarUp sadRushya pariNAm-se pariNamatA hai. vah koI apekShA-se kUTastha aur koI apekShA-se pariNAmI, koI apekShA-se apariNAmI hai.
mumukShu- akelA kUTastha mAnen to sab bhUl hotI hai.
samAdhAna- akelA kUTastha ho to usamen koI vedan bhI nahIn hogA, svAnubhUti